Lucas 18:14 - Biblia Dc en Mixe de Quetzaltepec

¹⁴ Tääts ja Jesús y'ënäny: Jëtu'un miits nëëmëtë ko ja yajkukëpäjtpë ojts ja Dios kyupëkyë ijxtëm tu'uk ja wa'ats ja'ayën, e ja fariseë ja'ay ka'ap yajkupëjky. Jä'ä ko mëti'ipë ja ja'ay kë'ëm näkyumaayëpën naxym yajpëjkta'aka'any; e mëti'ipë naxym näpyëjktakëpën, yë'ë mëj'äämpy naxaanp.

Biblia Mixe de Quetzaltepec

¹⁴ Tääts ja Jesús y'ënäny: Jëtu'un miits nëëmëtë ko ja yajkukëpäjtpë ojts ja Tios kyupëkyë ijxtëm tu'uk ja wa'ats ja'ayën, e ja fariseë ja'ay ka'ap yajkupëjky. Jä'ä ko mëti'ipë ja ja'ay kë'ëm näkyumaayëpën naxym yajpëjkta'aka'any; e mëti'ipë naxym näpyëjktakëpën, yë'ë mëj'äämpy naxaanp.

Lucas 18:14 ပူးပေါင်းရင်းမြစ်များ

Job 22:29

Jä'ä ko yë Dios nyaaxkutij nyaaxkumajtsëp mëti'ipë amëj akëjxm näjya'awëyëpën ets yajtsokpy mëti'ipë yu'unk naxym yajpatpën.

Job 25:4

¿Paaty, wä'än jëtää tu'uk yë naaxwiinyëtë ja'ay wa'ats nyaxëty Dios wintumë?

Job 9:20

Ëjts oyës njanäjyawëty mëtëy yowë ntu'uye'eyës ets ka'apës yowë tii poky nmëëtëty, yë'ë poj'amës yë xyajpoky kya'ajëty ets poj'amës nëjkx ëxëëk njaty.

Salmos 138:6

Oyxyëp yë Wintsën jam y'ëkyajpaaty këjxm, yë'ë wa'ats t'ixy tuny mëti'ipë ja'ay yu'unk naxym juukyajtpën, ets nän jëkämpaat t'ixy tuny yë ja'ay mëti'ipë amëj akëjxm ja'ay'ajtpën.

Salmos 143:2

Këtii yë mtuunpë xyajtëwëty tii tyuunpy oy ka'oy, jä'ä ko mijts mwintuuy ni pën kyawa'atsëty.

Éxodo 18:11

ma ënety o'ktëy mjatën mkëpätën. Tyamës ënät yajxon njanty nyijawë ko yë Dios mëj yë ni'ik, këtiinëm jyëtu'unëty yë wiinkëtypë tiosëty tääpë myäjyatëtën.

Proverbios 15:33

Ko yë Dios yajmëjpëjktä'äky yë'ë tukpatp wijyajtën; ko ja'ay mëj'äämpy nyaxa'anëty jëyëjp mëpaat yu'unk naxym nyäxy.

Proverbios 18:12

Ko ja'ay nyämyëjjawëty jää nyäyajtëkoyë, e ko ja'ay yu'unk naxym nyäyaj'ityë, jää wyimpety.

Proverbios 25:7

Nikë oypyëtsëmëp ko pën m'ënë'ëmxëtëty min, yam u'unyë, ets këtii ko myajtsëtyunëtëty ja kopktëjkëty. Mëti'ipë të xy'ixyën

Proverbios 29:23

Mëti'ipë ja'ay mëj këjxm näjya'awëyëpën, o'ktëy muum jyäty; e mëti'ipë yu'unk naxym näpyëjktakëp;, oyjya'awëyëp ja'ay.

Proverbios 3:34

Yë Dios nyëxikpy tyukxikpy yë ja'ay mëti'ipë je'eyë nëxik tukxiktëpën, e mëti'ipë yu'unk naxym juukyajtpën janty'oy tsoky tjawë.

Eclesiastés 9:7

Paaty ni'ik oy, ko xytyukxoonta'akëty yë mkääky m'uuky mëti'ipë mpatyp m'ijxpyën; tukxoontä'äky yë tsatym nyëë mëti'ipë tëëpë nyimaanaxyën ko xy'uukëty, jä'ä ko yë Dios y'oy'ijxyp yë oypyë mtu'unën.

Isaías 45:25

Ëjts mëyajtënës ntuunpy ko yë Israel kajpn yë'ë mëta'akaanp jotmëk nyäjyawëja'anyë koos ënety ëjts xytyukjotmëk'aty.

Isaías 53:11

E oy ënety ëxëëk të jyäty të kyëpety, y'ixäämpy jatëkok ja të'kxën jajën, jotkujk yajpaata'any ko ënety nnijawë; ja wa'ats ja'ay mëti'ipë ja Wintsën të tmëtunyën mayjyä'äy yajtso'okäämpy, jä'ä ko yë'ë nëjkx tmënëjkxta'ay ja mayjyä'äy ja tyuuntëko'oy kyajpxtëko'oyën.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Isaías 66:2

Ëjts ojts winë nyajkojta'ayës, ets jëtu'un ojts tsyo'onë'ëky tsyo'ontä'äky. Ëjts, Wintsën, ëjts ënaanp.

Daniel 4:37

E tyamts ënät, ëjts Nabucodonosor, nmëjja'aw njaantyjya'apës ets ntukxoontäkpyës yë yajkutujkpë tsajpjotmëpë, jä'ä ko tëkokyë mëti'ipë tyuunpyën aak mëtëy yë'ë ets wa'ats ets yë'ë yajnaaxkëtäkpy yë ja'ay mëti'ipë mëj këjxm näyajnaxanëpën.

Habacuc 2:4

Jëtu'un xykyëxja'ajëty, ko yë ëxëëkja'aytyëjk amëj akëjxm nyäyjyawëtë e yë wa'ats ja'aytyëjk juuky wyë'ëma'antë ets juuky'atantëp mëët ko Dios oy tmëtuntë.

Mateo 23:12

Jä'ä ko mëti'ipë kë'ëm nämyëjpëjktakëpën naxym nëjkx yajpëjktä'äky, e mëti'ipë yu'unk naxym näpyëjktakëpën, mëj nëjkx nyäxy.

Mateo 5:3

Jotkujk yë ja'ay yajpaatë mëti'ipë jyot wyinma'any jëtu'un yajmaay yajtajtëpën tä ëyoopëja'ayëtyën, jä'ä ko yë'ë jyä'ä'atantëp ja tsajpjotmëpë kuttujkën.

Lucas 1:52

Tëë tpëjkë ja yajkutujkpëtëjk ja kyutujkën, ets të tyajmëjnaxy ja ayoopë ja'aytyëjk.

Lucas 10:29

E ja tsajptëkotyëtë yaj'ijxpëjkpë mëj nyäyajnaxa'anyë paaty tjaaktimyajtëëy ja Jesús: ¿E pën jëtu'un nmëku'uk'ajtypës?

Lucas 14:11

Pën nämyëjpëjktakëp kë'ëm, yë Dios mutsk yajnaxa'anyë, pën yu'unk naxym näpyëjktakëp, mëj'äämpy yë Dios yajnaxa'anyë.

Lucas 16:15

Ënet ja Jesús y'ënëmaayëtë: Miits win'ë'ëmpëtëjkëty, wa'ats mnäyajnaxëtë ma ja ja'ayëtyën, e ja Dios nyija'ap ko y'ëxëëkëty ja mjot mwinma'anyëty; jä'ä ko mëti'ipë ja ja'ay myëjpëjktaktëpën, Dios y'ëxëëk'ijxyp yë'ë.

Romanos 3:20

Ka'ap yë'ëkyëjxmëty ja ja'ay oy wyi'im Dios wyintum ko tpatuny ja ënä'ämën, yë ënä'ämën paaty jyää'aty ets nija'awëmëty tii poky kapoky, ets nija'awëmëty ko npokyjyä'äy'ajtëmë.

Romanos 4:5

E ko tu'uk yë ja'ay tmëpëky ja Dios, mëti'ipë wa'ats yajnajxypyën ja pokyjyä'äy, Dios myëjpëjktäkpy ja ja'ay ja myëpëjkën ets wa'ats tyajnaxy, oy tii tkatuny oy mëti'ipë tsoowpatpën.

Romanos 5:1

Paaty ja Dios wa'ats të xyajwë'ëmëmë ko të nmëpëjkëmë, nmëët'ajtëm ja jotkujk'ajtën mëët ja Dios ko ja nWintsën'ajtëm Jesukristë të myiny naaxwiiny.

Romanos 8:33

¿Pën jëtää y'ëkni'ëënëp mëti'ipë ja Dios të twin'ixyën? Dios tëë kë'ëm tyajnaxy wa'ats.

Gálatas 2:16

Nnija'awëm ëëtsajtëm ko ka'ap pën oy wyi'im ma ja Tiosën Moisés y'ënä'ämënkyëjxm; jä'äkyëjxm ja ja'ay oy wyi'im mëët ja Dios ko ja Kristë tmëpëky. Paaty näjyëtu'un ja Kristë të nmëpëjkëmë ets oy nwë'ëmëty mëët ja Dios, ka'ap yë'ëkyëjxmëty ko npatu'unëm ja Moisés ja y'ënä'ämën, jä'ä ko ka'ap pën oy wyi'im mëët ja Tiosën ko ja Moisés ja y'ënä'ämën yajpatuny.

Santiago 4:10

Näypyëjkta'akëtë yujy tëtä'äky ma Tiosën ets yë'ë mëj mpëjkta'akëtëty.

Santiago 4:6

Ets ka'ap yi'iyëty ya'atë, wäänëni'ik ja Dios ja mëyajtën tuny ma ëëtsajtëmën ets xypyutëjkëmë, paaty ja Dios ja y'aaw y'ayuk këxja'aypyë y'ënä'äny: Dios tyukjoot'anpëjkpy ja ja'ay mëti'ipë mëj këjxm nnäyjya'awëyëpën ets pyutëjkëp mëti'ipë yujy tëtä'äky ja'ay'ajtpën.

1 Samuel 1:18

Tioskujuuyëp, jëtu'un y'ëtsooy yë Aná. Ënet ja Aná ojts wyimpijnë matsow ënety të myinyën, jotkujk nyäja'awëyënë ets kyääynyë y'uknë, ka'ap nitii t'ëkmaay t'ëktajnë.