Lucas 17:34 - Biblia Dc en Mixe de Quetzaltepec

³⁴ Jëtu'un miits nëëmëtë, jä'ä tsu'um, ma ënety nimäjtsk ja ja'ay mya'atën tu'uk nëjkx yajmënëjkxy ets tu'uk nëjkxy wyi'imy.

Biblia Mixe de Quetzaltepec

³⁴ Jëtu'un miits nëëmëtë, jä'ä tsu'um, ma ënäty nimäjtsk ja ja'ay mya'atën tu'uk nëjkx yajmënëjkxy ets tu'uk nëjkxy wyi'imy.

Lucas 17:34 ပူးပေါင်းရင်းမြစ်များ

2 Pedro 2:9

Yë Dios nyija'ap wi'ix tyajpëtsëmëtyën ëyo'ontum mëti'ipë yë'ë ets nän nyija'ap wi'ix ja ëxëëkja'aytyëjk tuk'ëwxityën ja ëyo'on jotmay.

Mateo 24:25

Tëë yam ntuk'ëwaanëtë mëti'ipë tunan jatanëpën.

Lucas 13:24

Jam mëpaat mtëkëtë ma ja tëjk'aawën xu'utspë. Jëtu'un miits nëëmëtë ko may ja ja'ay nëjkx jyatëkëja'antë, je'eyëp ko ka'ap nëjkx nyaxtë.

Marcos 13:23

Näkyëwent'atëtë miits, tëë n'ëwaanëtë jëwyiin jëyëjp.

Jeremias 45:5

¿M'amëtowäämpy mëti'ipë mëpaat mëjwiin këjää xytyukjotkujk'atyënë? Pën jëtu'un, këtii nëkoo xy'amëtowëty, jä'ä ko ëjts ëyo'on jotmayës je'eyë nkäxäämpy ma naaxwiinyëtë ja'ayën. E mijts ka'ap wi'ix yë mjuukyajtën jyata'any, oy maa mnëjkxëty. Ëjts mëti'ipë Wintsën'ajtpën, ëjts ënaanp.

Isaías 42:9

Ëk'ixtë wi'ix të y'atëëwta'ayën mëti'ipës ojts tëëyëp nikäjpxypën, e tyam nikajpxäämpyës yë jempyë; tyam ntuknijawëtë jëyëjp ma ka'anëm tyunyënëm jyätyënëm.

Salmos 28:3

Këtii xy'a'ixëty etsës jëtu'un njatëty tä yë ëxëëkja'ayëtyën, ka'apës mëpaat näjyëtu'un yë xëëw jëmëjt xytyukminy xytyukkëtä'äky ëxëëk tä jyatën mëti'ipë ëxëëk ëtëtstëp ënantëpën, mëti'ipë wiinkë'ëy akë'ëy oyjyä'äy näpyëjktakëtëpën e jyootjoty wyinma'anyjoty tëkatsy jap myäytyë tyajtë.

Salmos 26:9

Këtiis yë njuukyajtën xypyëjkëty jëtu'un tä pokyjä'äytyëjkën; këtiis xy'ëxmatsëty etsës näjyëtu'un njatëty tä yë yajja'ay'o'kpëtëjkëtyën.

Lucas 13:5

Jëtu'un miits nëëmëtë ko ka'ap; miitsëty pën ka'ap xy'ëxmatstë ja m'ëxëëk winma'anyëty, näjyëtu'un m'ooka'antë.

Lucas 13:3

Jëtu'un miits nëëmëtë ko ka'ap; miitsëty pën ka'ap xy'ëxmatstë ja m'ëxëëk winma'anyëty, näjyëtu'un m'ooka'antë.

Marcos 14:29

Tääts ja Pedro t'ënëmaay ja Jesús: Oy ni'ëmukë ja'ay tja'ëxmajtstëpë ja myëpëjkënëty, ëjts ka'apës mijts nijëna'a n'ëxmatsa'any.

Lucas 17:33

Pën ja jyuukyajtën mëk tsyojkpyën, ni'ikyë tyajtëkoyä'äny; e pën yajtëkoopyën ja jyuukyajtën ni'ikyë jeky jyuuky'ata'any.

Lucas 17:35

Ma ënety ja to'oxytyëjk nimäjtsk jyëtstën, tu'uk nëjkx yajmënëjkxy ets tu'uk nëjkx wyi'imy.