Lucas 17:26 - Biblia Dc en Mixe de Quetzaltepec

²⁶ Ijxtëm jyäjtyën ma ja Noé jyuuky'äjtyën, näjyëtu'un jyata'any ko wyimpitëty ja naaxwiinyëtë ja'ay ja y'U'unk.

Biblia Mixe de Quetzaltepec

²⁶ Ijxtëm jyäjtyën ma ja Noé jyuuky'äjtyën, näjyëtu'un jyata'any ko wyimpitëty ja naaxwiinyëtë ja'ay ja y'U'unk.

Lucas 17:26 ပူးပေါင်းရင်းမြစ်များ

Génesis 6:5

Ko jëtu'un ja Dios t'ijxy ko ja naaxwiinyëtë ja'ay tyëkooynyë ets je'eyë xëmë tmëmaay tmëët'ajnë wi'ix pyokytyunëtyën.

Génesis 6:7

ojts y'ënä'äny: Nyajkutëkoyëpës ënät yë ja'ay naaxwiinypë mëti'ipës të nyajkojyën ets näjyëtu'un yë jëyujkëty mëti'ipë jëën ëkë'ëy tëjk ëkë'ëy ijtëpën tsënaaytyëpën; näjyëtu'un yë mëti'ipë myox tyukye'eytyëpën ets joon jëyujk mëti'ipë kääkjëtijtëpën. Mëkës tyam njawë koos ojts kë'ëm nyajkojy.

Génesis 6:8

Yë Dios ojts tni''ijxkëtä'äky tu'uk yë ja'ay mëti'ipë xyëëwajtën Noé, yë'ë oy ënety yë Dios tmëtuny.

Isaías 22:13

Tyam xoontaktëp ja ja'ayëty ets äjtstëp pujtëp, janaam jatsojk tjantyaj'ooktë tsajpkaa ets kupixyny, kyäytyë jyë'kxtë ënät ets y'uuktë pyëktë.

Lucas 17:22

Ets t'ënëmaay ja y'ijxpëjkpëtëjk: Pyaatëp ja xëëw jëmëjt ets xyjya'ixa'antëty ja naaxwiinyëtë ja'ay ja y'U'unk, ets ka'ap nëjkx xy'ixtë.

Lucas 17:24

Jä'ä ko jëtu'un ijxtëm ja wëtsukën, ko tyi'kxy, tyukjajëtyääpy yë tsajp, jëtu'un ja naaxwiinyëtë ja'ay ja y'U'unk kyëxë'ëka'any ko ënety wyimpity.

Lucas 17:27

Kaaytyëp uktëp ënety ja ja'ay ets pëjktëp uktëp, koonëm ja Noé tyëjkëy kepy nëëwinye'epyëjoty; ko ja komtuu myiiny, tääts ja ja'ay y'o'ktaaytyë.

Lucas 17:7

Pën jam miits tu'uk ja mtuunpë xymyëët'atë ets wyimpijnë kamjoty ma ojts të yu'uyën ëkë ma ojts të tkëwent'atyën ja kupixyny, ¿Jëtu'un xynyëëmëtë: nax tëkoty u'unyë ets mkayëtyë?

Lucas 18:8

Jëtu'un miits nëëmëtë ko ënätyë tpaye'eyä'äny. E yë'ë ënät ko yë naaxwiinyëtë ja'ay yë y'u'unk jatëkok wyimpitëty, ¿jyaak paatëp jëtää ja ja'ay mëti'ipë mëpëjktëpën?

Hebreos 11:7

Noé ojts myëpëky, paaty ojts ja kepy nëëwinye'epyë tyajkojy ko ja Dios y'ënëmaayë ko ja ëyo'on y'ita'any ets jëtu'un ja y'u'unk y'ëna'k, y'u'unk tyo'oxytyëjk tyajtsoky. Ya'atë jëtu'unpë mëpëjkën yë'ë ojts ja Noé tuk'ixy ja naax kajpn paaty ojts yajtukumay ja tëyajtën mëti'ipë yajpatpën mëët ja mëpëjkën.

2 Pedro 2:5

Ets nän ka'ap ja Dios ojts tnime'kxy ja ja'ayëty mëti'ipë tëëyëp juukyajtën, kyäjx ja komtuu ma ja ja'ayën mëti'ipë ojts kyawintsë'ëkëtyën, yi'iyë ojts tsyo'oktë ja Noé, mëti'ipë kyajpxwa'kxën ja tëyajtën, mëët ja niwëxtujkpë ja ja'ay.

2 Pedro 3:6

Näy mëët ja komtuu ojts kyutëkoy ja naaxwiinyëtë.