Lucas 16:9 - Biblia Dc en Mixe de Quetzaltepec

⁹ Jëtu'un miits nkajpxwijtë ko ja wit meeny mëti'ipë ka'ap myëtëyëtyën, jam xyajtuntëty ma ja ja'ayëtyën ets xypaatëty ja mëti'ipë m'oyjyawëtëpën; jä'ä ko ënety ja mwit mmeeny kyëxtë mmëët'atëp pën m'oyjyawëtëpën.

Biblia Mixe de Quetzaltepec

⁹ Jëtu'un miits nkajpxwijtë ko ja wit meeny mëti'ipë ka'ap myëtëyëtyën, jam xyajtuntëty ma ja ja'ayëtyën ets xypaatëty ja mëti'ipë m'oyjyawëtëpën; jä'ä ko ënäty ja mwit mmeeny kyëxtë mmëët'atëp pën m'oyjyawëtëpën.

Lucas 16:9 ပူးပေါင်းရင်းမြစ်များ

Mateo 19:21

Ets ja Jesús y'ëtsooy: Pën oy mjuuky'ata'any ijxtëm yë Dios tsokyën, nëjkx to'kta'a tu'kë'ëyë tiijaty mmëët'ajtypyën ets xymyo'ojëty yë ëyoopëja'aytyëjk. Jëtu'un ja kuma'ayën xypyaatëty tsajpjotm. Tääts ënät mminëty, etsës xypyatsoonëty.

Mateo 6:24

Ka'ap pën myëta'akëty, nimäjtsk ja wintsën tmëtunëty. Jä'ä ko tu'uk nëjkx t'oyjyawë ets tu'uk ka'ap, tu'uk nëjkx tmëjpëjktä'äky ets tu'uk ka'ap. Näyjyëtu'un miitsëty, ka'ap tjëkyepy yë Dios xymyëtuntëty ets näjyëtu'un mkumeeny'atantëpëty.

Daniel 4:27

Paaty n'ënëëmë mijts yajkutujkpë ets xypyatunëty tëkokyë mëti'ipë yam ntukwinjawëjäämpyën: mëtëy winë tun ets këtii m'ëk pokytyuunë; ëxmats yë ëxëëktu'un ëxëëk kajpxën ets putëkë yë ëyoopëja'aytyëjk. Jëtu'un jeky mjuuky'atëty ets akujk jotkujk myajpaatëty.

Lucas 16:11

Pën ka'ap miits oy xyajtuntë ja wit meeny ka'apë myëtëyëtyën, ¿wi'ix oy xy'ëkyajtuntëty ja mëti'ipë mëtëyën?

Proverbios 19:17

Ko yë ëyoopëja'ay tii ntuk'ënu'kxmëty, Dios ënety winë yajtuk'ënu'kxp, yë Dios yë'ë nëjkx kë'ëm jëna'a tkujuy ja nu'kxy.

Lucas 14:14

Jä'ä ko yë'ëjëty ka'ap myäyëtë tkujuytyëty mëti'ipë ënety të xymyo'oyën; je'eyëp ko mijts nëjkxëp ja mkuma'ayën xy'ëxajë ko ënety jyuukpyëktë ja wa'ats ja'ayëty.

Lucas 12:33

Tooktë tiijaty jam mmëët'ajtëp ets xymyo'otëty yë ëyoopëja'ay; jëtu'un xypaatëty mëti'ipë jam tsajpjotmën, mëti'ipë ka'ap kyixy nyäxyën, ma ka'ap ja mä'tspë tyëkën, ets ka'ap tii waany tyuktëkëty.

Lucas 11:41

Putëkëtë ja ëyoopëja'ay ëmuumtu'ukjot ets jëtu'un ja mjot mwinma'any wya'atstëty.

2 Corintios 4:17

Ja ëyo'on mëti'ipës yaa nmënajx nyajnajxtëpën, ka'ap yë myëjwiin kyëjääjëty, tsojk nyäxy; wäänë mëj ja mëj'ajtën jaanty'ajtën xytyukpatmëty xëmëkyëjxmëpë.

Lucas 16:13

Ka'ap tjëkyepy tu'uk ja tuunpë tmëtunëty nimäjtsk ja wintsën; jä'ä ko wä'än jëtää tu'uk oy tmëtunëty ets tu'uk ka'ap oy tmëtunëty; ja mëti'ipë ka'ap oy tmëtunyën jä'ä y'ëxëëk'ixëp e ja mëti'ipë oy myëtuumpyën jä'ä y'oyjyawëp. Paaty näjyëtu'un ka'ap tjëkyepy yajmëtunëty ja Dios ets näjyëtu'un yajmëtuunpëty ja wit meeny.

Hechos 10:31

Ënätës xynyëmaay: Cornelio, tëë ja Dios ja m'aaw m'ayuk tmëtoy, y'ijxyp nyija'ap ko të xyjyä'äymyetsy ets wi'ix ja mëyajtën xytyunyën ma ja ja'ayëtyën xypyutëkën.

Mateo 6:19

Ka'ap ja wit meeny xynyipëjkpätëty yaa naaxwiiny, ma winë myä'ätyën ets tyënë'kën ets ma ja mä'tspë tyëkëtën ets myäätstën.

Judas 1:21

Näy'ijx'itëtë näkyëwent'atëtë, näyaj'itëtë mëët ja Dios ja tsyojkën, tyam xyjyëjp'ixtë ja Wintsën Jesukristë, mëti'ipë mëët ja pa'ëyo'owën xymyo'oja'anëmën, ja juukyajtën xëmëkyëjxmëpë.

Hechos 10:4

Tääts ja Cornelio tsë'ëkë tsë'ëkë twin'ijxpejty ja tsajpjotmëtë kukäjpxy ets t'ëtsooy: ¿Tii?, Wintsën. Tää ja tsajpjotmëtë kukäjpxy y'ënëmaayë: Y'ijxyp nyija'ap yë Dios ko xyjyä'äymyetsy ets wi'ix xypyutëkën ja ëyoopëja'aytyëjkëty.

Eclesiastés 11:1

Yajkay yë ja'ay, mëti'ipë yuu'o'këpën; ko ënety mijts myu'ookyë nëjkxëp tääpë ja'ay myajkayë.

Proverbios 23:5

Pën jap yë mjot mwinma'any mja'akyukëp yë'ë ko kumeeny'ajtk nëkoopë yë'ë, yë wit meeny poj'am yë kyixy, jëtu'un tä yë witsn kyääkjëtityën tu'ktsojkyë.

Isaías 57:16

Ëjts ka'apës xëmë nnaax nkajpn yë pyoky ntukwinmëtowa'any, ets ka'apës xëmë ntukjoot'anpëka'any; këtiipë ja'ay myontëty tyuktëty mëti'ipës të nyajkojyën.

Salmos 73:26

Tëkokyës yë njot nwinma'any jëtu'unyë tyëkooytyä'äy, e ëjts Tiosës nkuma'ayën'ajtyp xëmëkyëjxm ets mëti'ipë myajts'ijtypyën yë njot nwinma'anyës.

Lucas 16:4

Tääts wyinma'anypyäty tii tyunäämpyën ets ojts myäy tyäjy: Tëës nnijawë tiis ntunëpën ets wi'ixës ja ja'ay xykyupëktëty tyëkoty koos ja nwintsën ja ntuunk xypyëjkëty.

Proverbios 14:24

Yë wijyjyä'äy yë'ë yajmëjnajxëp yë wyijy'ajtën, e yë tsuuja'ay, yë tsyuuajtën.