Lucas 16:29 - Biblia Dc en Mixe de Quetzaltepec

²⁹ Tääts ja Abraham y'ënäny: Tam tmëët'atë ja Moisés ja y'ënä'ämën ets mëti'ipë ja Dios kyäjpxynyajxpë ojts nikajpxtën, wä'än tmëtoowkukëtë wi'ix y'ënä'änyën.

Biblia Mixe de Quetzaltepec

²⁹ Tääts ja Abraham y'ënäny: Tam tmëët'atë ja Moisés ja y'ënä'ämën ets mëti'ipë ja Tios kyäjpxynyajxpë ojts nikajpxtën, wä'än tmëtoowkukëtë wi'ix y'ënä'änyën.

Lucas 16:29 ပူးပေါင်းရင်းမြစ်များ

Isaías 34:16

Jap pa'ixtë ma ja Wintsën ja nyokyën ma winë jaaypyety myiinta'ayën, nitu'uk ya'atë jëyujk kyatëkoy'ata'any, tu'kyä'äy tu'kto'oxy jap myina'antë kuja'ay jä'ä ko jëtu'un yë Wintsën të tuknipëjktaakë ets tëë tyajtu'ukmujkta'ay tu'k nasxäjë.

Isaías 8:20

Wä'än jëtää jëtu'un y'ëna'antëty, je'eyëp ko ja mëti'ipë ënety nyikajpxtëpën, aakjä'ä ka'apë tyunëtyën.

Jeremias 6:16

Jëtu'un ja Wintsën ja nyaax kyajpn t'ënëmaay: Nëjkxtë jam muum mtänëtë në'ëjoty tu'ujoty ets xy'ixtëty ma patu'ujën; xyajnitëwëtëty mëti'ipë oyën, yë'ëts panëjkxtë ets mpo'kxtëty. E yë'ëjëty tyaa ojts y'ëna'antë: Ka'ap, ka'apës mpanëjkxa'antë.

Lucas 16:16

Yë ënä'ämën tëyajtën ets käjpxynyajxpëtëjk jääpaat jyëjpkëxy ma ja Juan Yajnëëpäjtpë jyuuky'äjtyën. Ets tsyo'ontä'äky ja oy aaw oy ayuk mëti'ipë Dios kyutujkën'ajtypyën ets may ja ja'ay jam tyëkëja'antë.

Lucas 24:27

Tääts ja Jesús ojts tyuk'ixëtë ja Dios ja y'aaw y'ayuk ma kë'ëm yajnimëtyä'äkyën, tyimtso'ontä'äky mëti'ipë Moisés jyääyën ets tu'kë'ëyë jënu'un ja Dios ja kyäjpxynyajxpëtëjk tjaaytyën.

Lucas 4:17

Ja Dios ja kyäjpxynyajxpë Jeséas nyoky ënety të yajmo'oy ets tkajpxëty. Ko ojts t'apëtijtwä'kxy, yë'ë pyat ma kyëxja'ayëtyën:

Hechos 15:21

Jä'ä ko tëëyëp jëtu'un tsyo'ontä'äky ets tyampaat tää kajpn kajpn yajpaaty mëti'ipë ja ja'ay tyuk'ijxpëjktëpën ja myëku'uk, ja Moisés ja y'ënä'ämën mëti'ipë yajnimëtyakpën winpo'kxënxëëw jap tsajptëkoty.

Gálatas 4:21

Miitsëty, mëti'ipë ja Moisés ja y'ënä'ämën pyatunanëtëp, nikajpxtë, ¿ka'ap xynyijawëtë wi'ix ja ënä'ämën y'ënä'änyë?