Lucas 16:24 - Biblia Dc en Mixe de Quetzaltepec

²⁴ Tääts jap mëk yujk'ënany: Tatë Abraham, pa'ëyoowkës. Tun mëyajtën, käx yë Lázaro, wä'än yë kyë'ëjëjp tyajxooky ets tmëminëty, wä'änës yë nyä'än tyajxooky. Mëkës yap jëënjoty n'ëyoy.

Biblia Mixe de Quetzaltepec

²⁴ Tääts jap mëk yujk'ënany: Tatë Abraham, pa'ëyoowkës. Tun mëyajtën, käx yë Lázaro, wä'än yë kyë'ëjëjp tyajxooky ets tmëminëty, wä'änës yë nyä'än tyajxooky. Mëkës yap jëënjoty n'ëyoy.

Lucas 16:24 ပူးပေါင်းရင်းမြစ်များ

Job 20:21

Aak tyimwinpëjkmujktääpy ijty winë. Paatykyëjxm ka'ap pyoxa'any yë xyoontakën.

Isaías 27:11

Jëtu'un nëjkx jyatë tä tu'uk kepy wyinwexy ko tyëtsnë; ets ja to'oxytyëjk t'apuxëtë tääts yë'ë tno'oktë. Paatykyëjxm yë Wintsën mëti'ipë të yajkojyën ka'ap pya'ëyowa'anëtë.

Isaías 66:24

Ko myintëty, tääts nëjkx t'ixtë wi'ix ja ja'ay y'ooktën mëti'ipës të xykyäjpxy kyumëtoownaxtën. Nëjkxëp t'ixtë wi'ix ja o'kpë tyënë'kën ets ko ja tënë'k ka'ap y'ooktë; näjyëtu'un ja jëën ma ënety nyitoytyën ja o'kpë, ka'ap nyäkpyi'itsa'any. Ëxëëk nëjkx yaj'ixy naaxwiinyëtë apëtsëmy.

Zacarías 14:12

E ja naax kajpn mëti'ipë ënety ja Jerusalén kajpn të tnipëtë'ëktën, nëjkxëp tyiytyunëtë mëk ja Wintsën: Juuky nëjkx ja ja'ay pyutsnëtë tsyojknëtë ets nëjkx pyutspëtsëëmnëtë ja wyiinëty ets nëjkx jëtu'unyë ja yä'änëty myëjtëtspäjnëtë.

Mateo 25:41

Ënet ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Mateo 3:9

këtii nëkoo mnätyukmëjjawëtëty tii ets m'ëna'antëty: Abraham ëëts nteety'ajt n'ap'ajtëp, ka'apës Dios xyaj'ëyowtëty. Tyam miits nëëmëtë ko Dios mayëtëp ets tsaa tyaj'awinpitëty Abraham y'u'unk y'ok.

Mateo 5:22

E ëjts jëtu'un yam miits nëëmëtë, pën ja myëku'uk tyukjoot'anpëjkpyën nëjkxëp nyitukë. Pën ja myëku'uk y'ojpyën, yë'ë paye'eyëtëp ja tsajptëkotyëtë yajuntë'ajtpë. Pën ja myëku'uk tyijpyën kutsuu, jap nëjkx yajnajtskäxë ëyoowtaknjoty.

Lucas 16:30

Ënet ja kumeenyjyä'äy y'ëtsooy: Tatë Abraham, jootwinpitëp yë'ëty, je'eyëp ko ënät ko tu'uk yë o'kpë jyuukpyëkëty ets nyinëjkxëtëty.

Lucas 19:9

Tääts ja Jesús y'ënëmaayë: Tyam tëë jyä'ty ja Dios ja nyitsokën ma ya'atë tëjkën, jä'ä ko ya'atë Zaqueo nän Abraham yë'ë y'u'unk y'ok.

Lucas 3:8

Yajxon mja'ay'atëty ets xyajnikëxë'ëkëty ko të mjootwinpitë, këtii kë'ëm mnäy'ëna'anëtëty: Abraham ëëtsajtëm xy'u'unk'ajt xy'ok'ajtëm. Ëjts, jëtu'un yam miits nëëmëtë ko Dios jyëkyejpy yë tsaa tyaj'awinpitëty Abraham y'u'unk y'ok.

Juan 4:10

Ënet ja Jesús y'ëtsoowë: Ko jeexyë mijts xy'ëknijawë mëti'ipë ja Dios yäjkpyën ets pën m'amëtoowëp yë nëë, mijts jeexyë m'amëtoopy ja nëë ma yë'ëjën ets mooyëp jeexyë ja nëë mëti'ipë yajjuuky'ajtpën.

Juan 4:14

e mëti'ipë y'uktëpën ja nëë mëti'ipës ëjts nyäjkpyën, nijëna'a kyatëëtsëja'antë jatëkok. Jä'ä ko ja nëë mëti'ipës nyakäämpyën, jëtu'un ja myuuta'any ijxtëm ja nëëkopkën mëti'ipë yajjuuky'ajtpën.

Juan 7:37

Ja tu'kxëëw ënety kyakëxy ja mëj xëëw tyunyë jyätyën. Ko ja Jesús ojts wya'kukë ets mëk y'ënäny: Pën tëtsëp, wä'änës xynyiminy ets y'uukëty.

Romanos 4:12

Näy Abraham y'ap'ajt y'ok'ajtëp ja jutiis ja'ayëty mëti'ipë tsukyëtyën ets tmëpëktë ja Dios ijxtëm ja Abraham myëpëjkyën ko ënety ka'anëm yajnatsujk'ëwtity ja ye'etyëjkajtën.

2 Tesalonicenses 1:8

Yë'ë nyiminäämpy ets tukumëtowa'any mëti'ipë ja Dios ka'ap tmëmëtowtën ets ka'ap tpatuntën ja oy aaw oy ayuk ma ja Wintsën Jesukristë yajnimëtyä'äkyën.

Santiago 2:13

Pën ja myëku'uk ka'ap tpa'ëyoy, näjyëtu'un ja Dios ka'ap pya'ëyowa'anyë; pën ja myëku'uk pya'ëyoopyën, yë'ë ja oyajtën pyatäämpy ko ënety ja paye'eyën y'ity.

Santiago 3:6

Näyjyëtu'un yë aaw yä'än ijxtëm yë jëënën, ëxëëktuump ko tii oy tkakäjpxy. Yä'änkëjxm ja ja'ay ja nyi'kx kyopk myä'äty. Jëtu'un ja aaw yä'än ijxtëm jeexyë tyooypyikyën ja jëën mëti'ipë ëyoowtaknjoty tso'onpën ets tyooytyä'äy ja ja'ay jënu'un jyuuky'atën.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.

Apocalipsis 20:15

Jap yajkujëpijpëtyääytyë mëti'ipë ja xyëëw ka'ap y'akëxë'ëkën nokyjoty mëti'ipë juukyajtënmëëtën.

Apocalipsis 22:1

Tääts ja tsajpjotmëtë kukäjpxy xytyuk'ijxyës tu'uk ja mëjnëë wa'atspë, mëti'ipë yajjuuky'ajtpën xëmëkyëjxm ko yaj'uuky. Janty të'kxy janty wa'ats yaj'ixy ijxtëm yë ijxnën; jam pyëtsimy ma ja kyutujktaknën ja Dios ets ma ja Kupixyny U'unkën.

1 Samuel 28:16

Tä ja Samuel y'ëtsoowë: ¿Wi'ix ko ënät xyajtëyës, pën tëë yë Wintsën m'ëxmajtsënë ets tëë mmëtsiptso'onënë?