Lucas 16:17 - Biblia Dc en Mixe de Quetzaltepec

¹⁷ Ka'ap tsyipëty ets tsajp ets naaxwiinyëtë kyutëkoyëty, yë'ë ni'ik tsip wi'ix ja ënä'ämën tëyajtën yajpatunëty.

Biblia Mixe de Quetzaltepec

¹⁷ Ka'ap tsyipëty ets tsajp ets naaxwiinyëtë kyutëkoyëty, yë'ë ni'ik tsip wi'ix ja ënä'ämën tëyajtën yajpatunëty.

Lucas 16:17 ပူးပေါင်းရင်းမြစ်များ

Isaías 40:8

Yë ujts pojën tsyi'itsy ets pëjy pojën xyootsy, e yë Wintsën yë y'aaw y'ayuk itaanp xëmë ets nijëna'a kyatëkatsa'any.

Isaías 51:6

Pa'at'ixtë jam tsajpkëjxm ets naaxku'ixëtë: Tä jok tä yootsën yë tsajp jyajta'aja'any; tä tukwit tuktujkxyën yë naaxwiinyëtë jyata'any ets naaxwiinyëtë ja'ay jëtu'un y'ooka'antë tsatsyën. E ëjts, ja nnitsokënës xëmëkyëjxm y'ita'any, ëjts xëmës nmëta'aka'any.

Mateo 5:18

Jä'ä ko jëtu'unës yam n'ëna'any, maanëm jyää'atyën yë tsajp ets naaxwiinyëtë, ka'ap nitu'uk yajjëpëkëty yë letrë, yë puntë komë, mëti'ipë japën ënä'ämënjoty, koonëm yajkuuytyuunta'ajëty.

Lucas 21:33

Këxaanp naxaanp yë naax tsajp, e yë n'aaw n'ayukës nijëna'a kyakëxa'any.

Romanos 3:31

Pën jëtu'un, ¿ka'ap jëtää ja ënä'ämën tii mëk'ajtën t'ëkmëët'ajnë ko yajmëët'aty ja mëpëjkënë? Niwi'ix'äämpy. Ni'ikyë njaaktimyajmëjnajxëmë ja ënä'ämën.

1 Pedro 1:25

e ja Dios ja y'aaw y'ayuk ijtëëp ja xëmëkyëjxm. Yë'ë ya'atë ja aaw ayuk mëti'ipë miits të myajtukmëmëtya'aktën.

2 Pedro 3:10

Ko ënety ja Wintsën myiny, jëtu'un nëjkx myiny ijxtëm ja mä'tspën tsuu koots tyëjktëkën. Ënet ja tsajp nëjkx mya'ta'ay, pëmiimpën nëjkx yajmëtoy, näjyëtu'un nëjkx tyooytyëkooytyä'äy mëët yë jëën ets ja naaxwiinyëtë mëët tu'kë'ëyë winë nëjkxëp ja Dios tpaye'eytyä'äy.

Apocalipsis 20:11

Ënet n'ijxyës tu'uk mëti'ipë u'unyääpyën ma ja poop kutujktaknën. Winëjaty tyimtëkooytyääy yë'ë wyintum wyinkujkm: ja tsajp ets ja naax, nimaa tii kya'ëkyaj'ijxnë.

Apocalipsis 21:1

Ko jëtu'un y'ëknajxy, ënätës n'ijxy tu'uk ja jempyë tsajp ets ja jempyë naax, jä'ä ko ja jëyëjpë ja tsajp ets ja jëyëjpë ja naax, ka'ap ënety maanë, nän ka'ap maanë ja mejy.

Apocalipsis 21:4

Yajtëkooytya'ajäämpy ja Dios tu'kë'ëyë ja jë'ëyën yaxën ets ka'ap ma nyäky'ita'any ja o'kën tëko'oyën, ni ja amay jotmay ets ni ja pëjkën ato'onën, jä'ä ko mëti'ipë të y'ityën, tëë ja nyäxy.