Lucas 15:20 - Biblia Dc en Mixe de Quetzaltepec

²⁰ Ënet tyu'utëjkëy ets ojts nyijkx ma ja tyeety ja tyëjkën. Jëkämnëm ënety myiny ko ja tyeety y'ijxpatë, tääts pëyi'ikyë nyitso'onë ets pya'ëyoowë ets myënäänë ets tsyu'kxë.

Biblia Mixe de Quetzaltepec

²⁰ Ënät tyu'utëjkëy ets ojts nyijkx ma ja tyeety ja tyëjkën. Jëkämnëm ënäty myiny ko ja tyeety y'ijxpatë, tääts pëyi'ikyë nyitso'onë ets pya'ëyoowë ets myënäänë ets tsyu'kxë.

Lucas 15:20 ပူးပေါင်းရင်းမြစ်များ

Génesis 33:4

Tä ja Esaú tnipëyë'ktso'ony ets ojts tninëjkxy ja y'uty Jacob ets tyo'kmënäänajxy, tä ojts tsu'kxy, tä tyëjkëtyë nimäjtsk yaxpë.

Génesis 45:14

Ënet yë José tyo'kmënäänajxy yë y'uty Benjamín ets tyëjkëy yaxpë. Näyjyëtu'un yë Benjamín ojts näjyëtu'un tyëkë yaxpë, ma ënety ja José jam tyo'kmënäänaxyën yë y'uty.

Génesis 46:29

Ënet ja José ni'ënä'ämëy ets ja kepy wintëkäämpë tni''ixëtëty ets nëjkx ja tyeety tjëjpaatë'ëky. Ko ja tyeety twinkuwa'këy, ënät tmëneeny ets tyëjkëy yaxpë, jeky ojts yä'äxy ma ja tyeety ja kyejkyën.

2 Samuel 14:33

Ënet ja Joab ojts tninëjkxy ja yajkutujkpë ets tukmëmëtyaktaay tä ënety ja Absalón të y'ënä'änyën ets ojts ja yajkutujkpë tnikäxë ja Absalón ets jam nyëjkxëty, ko jam jyä'äjty tääts wyintäky nyaaxkooy, tyajnikëxë'ëky jëtu'un ja näwyinkutsë'ëkë, ja yajkutujkpë ojts ja oy tsuj y'ëxajëty ets ojts myätsyë myënenyë ja tyeety.

Salmos 86:15

E mijts Wintsën, jä'ä mTios'aty yujy tëtä'äky, ets pa'ëyoop, mä'kxtujkp mëët yë tsojkën ja'awën ets tëyajtën.

Salmos 86:5

Jä'ä ko mijts Wintsën, oy mTios'aty ets mpokymyä'kxp; janty'oy ja mjot mwinma'any xyajnikëxë'ëky ma ja'ayëtyën mëti'ipë mëkajpxëpën.

Isaías 49:15

¿Wä'än jëtää tu'uk u'unktaak tja'atyëkoyëty yë y'u'unkë ëkë ka'ap t'ëktsojknëtyë? Pën jyä'äytyëkoopy ëjts ka'apës mijts nja'atyëkoyä'äny.

Isaías 57:18

Tëës n'ixy ntuny wi'ix winma'any tmëëtëtyën, je'eyëp ko tëëjës ntuknipëjktaakë koos nyajtso'oka'any etsës po'kxën ntuk'ixa'any ets y'itëty akujk jotkujk. Nyajjotkujkta'akäämpyës tëkokyë mëti'ipë mon tuk yajpatëpën,

Jeremias 31:20

Yë Efraín yë nyaax kyajpn u'unk maayënës ntsoky njawë; yë'ëjës tu'uk n'u'unk'ajtyp nmaay'ajtyp mëti'ipës mëk ntsojkpyën. Oyës muum ntuk'ojy yë tyëko'oyën, ëjts ka'apës nja'atyëkoy; jëëpy yaxpës njawë n'aaw njot ets npa'ëyoopyës jatëkok. Ëjts Wintsën, ëjts ënaanp.

Oseas 11:8

¿Wi'ix n'ëk'ëxmatsëty mijts Efraín? ¿Wi'ix n'ëkmajtstu'utëty mijts Israel? ¿Jyëkyäpëp jëtää nyajkutëkoyëty tääjës ojts nyajkutëkoyën yë Admá kajpnën, ëkë tääjës nyajkutëkooyën yë Seboím kajpnë? Je'eyës nmëkxejy n'o'kxejy, ko njapa'ëyoy.

Lucas 15:19

Ka'apës tyam xy'ëknitëjkënë xytyijëtyës m'u'unk, yajtuunkës ijxtëm yë mtuunpë xyajtunyën.

Lucas 15:21

Ënet t'ënëmaay ja tyeety: Tatë, tëëjës nmëtëkoy ja Dios ets mijts, ka'apës tyam xy'ëknitëjkënë xytyijëtyës m'u'unk.

Hechos 2:39

Miits yë Dios të mtukwinwanëtë mëët yë m'u'unk m'ëna'këty ets jënu'un yë naaxwiinyëtë ja'ay mëti'ipë jëkämpaat tsënaaytyëpën, ni'ëmukë mëti'ipë ja Wintsën wyinwitsäämpyën.

Hechos 20:37

Tääts yaxtë ets ni'ëmukë tmënääntë ets tsu'kxtë ja Pablo.

Efesios 2:13

E tyam, miitsëty mëti'ipë ijty ijtëpën jëkäm, tëë xymyëwinkontë ja Kristë ets të xymyëpëktë; jä'ä ko ja nye'pyny të tyajtsuny të tyajkxe'kxy.

Efesios 2:17

Kristë ojts tmëminy ja jotkujk'ajtën ets yajtuk'ëwaanëtë ni'ëmukë ja ja'ayëty; jëtu'un miitsëty pën ja Dios ijty myëjëkäm'ajtëpën ets pën ja Dios ijty myëwinkon'ajtëpën.