Lucas 14:21 - Biblia Dc en Mixe de Quetzaltepec

²¹ Tääts ja tuunpë wyimpijty ets tuk'ëwa'anëy ja wyintsën wi'ixëty ënety të y'ëtsowtën ja ja'ayëty. Ënet ja wintsën jyoot'anpëjky ets ja tyuunpë ojts t'ëne'emy: Nëjkx në'ëjoty tu'ujoty, m'aye'eytya'ajëp yë kajpn ets xywyoowminëty yë ëyoopëja'ay, yë kë'ëma'atpë tekymya'atpë ets wiintsëtypë.

Biblia Mixe de Quetzaltepec

²¹ Tääts ja tuunpë wyimpijty ets tuk'ëwa'anëy ja wyintsën wi'ixëty ënäty të y'ëtsowtën ja ja'ayëty. Ënät ja wintsën jyoot'anpëjky ets ja tyuunpë ojts t'ëne'emy: Nëjkx në'ëjoty tu'ujoty, m'aye'eytya'ajëp yë kajpn ets xywyoowminëty yë ëyoopëja'ay, yë kë'ëma'atpë tekymya'atpë ets wiintsëtypë.

Lucas 14:21 ပူးပေါင်းရင်းမြစ်များ

Salmos 38:7

Yë njëxkës je'eyë pya'amnë wyi'tsnë mëët yë jëënpa'am; tëkokyë yë njot nnini'kxës aak pëjkp aak atoonëp.

Isaías 35:6

Ja tekymya'at këjxmëty nëjkx pyujtë'ëktë ets ja uumtëjk nëkooyë nëjkx yaxnëtë jyojknëtë. Jam të'ëts'itjotm të'ëts naaxjotm jam'ataanp ja nëë, xii yaa muum ja nëë myuuta'any.

Jeremias 5:1

Jëtu'un yë Wintsën y'ënä'äny: Nëjkx tukjëtijtëtya'atë yë Jerusalén kajpn ets xy'ixtëty pën jam muum ja'ay mëti'ipë mëtëy tii pyaye'epyën ets mëti'ipë oyjyot wyinma'anyën. Pën mpatëp, ëjts npokymyä'kxëpës yë Jerusalén kajpn.

Zacarías 11:11

Jä'ä xëëw ojts tyëkoy ja käjpxytyu'unën ets ja ajuupyëtëjkëty mëti'ipës ënety jam xy'ijxtëpën, ojts tja'akyukëtë, ko ja Wintsën jä'ä jyanikäjpxyp mëti'ipë tyunäämpyën maas ënety jam winë ntunyën nkäjpxyën.

Zacarías 11:7

Ënätës ojts mëk nkëwent'aty ja kupixyny mëti'ipë ënety të yajtuknipëjktaakëtën y'ookëty. Yë'ëkyëjxmës jëtu'un të ntuny jä'ä ko ajuupyëtëjkëty ka'ap ënety t'ëkpa'ëyoownëtë ja kupixyny. Ënätës të n'ixta'ay mäjtsk yë tajk: Tu'uk nxëëwmooyës Oypyë Juukyajtën, ets tu'uk nxëëwmooyës Tu'ukmukyëajtën.

Mateo 11:28

Nimiintëkës ni'ëmukë mëti'ipë të y'ënu'kxëtën mëët ja tuunk ets ja tsëmy kë'ëy, ëjts miits nyajpo'kxantëp.

Mateo 11:5

Tukmëmëtya'aktë ko ja ja'ay wiintspë y'ixë'ëktë, ko ja pajk ma'atpë ye'eytyë, ko ja pu'uts mëëtpë tsyo'oktë, ja natpë tëë myëtoowpëktë, ja o'kpë tëë jyuukpyëktë ets ko ja ëyoopëja'ay ja oy aaw oy ayuk yajtuk'ëwaanëtë.

Mateo 15:12

Ënet ja y'ijxpëjkpëtëjk nyimiinëtë ets y'ënëmaayëtë: ¿Mnija'ap mijtsë? yë fariseë ja'ayëty näwyinkajpxpätë të tjawëtë ko jëtu'un të m'ëna'any.

Mateo 18:31

Ko jëtu'un t'ijxtë ja wiinkëtypë ja tuunpëtëjk, ka'ap ojts oy t'ixtë, paaty ojts tninëjkxtë ja yajkutujkpë ets tukmëmëtyaktë wi'ix ënety ja tuunpë ja myëku'uk të tunyën mëti'ipë të yajpokymye'kxyën.

Mateo 20:7

Ënet y'ëtsoowtë: Jä'ä ko ka'ap pën ëëts xytyuunkmo'otë. Tääts y'ënëmaayëtë: Nëjkx jam näjyëtu'un mtuntë nkamjotmës.

Lucas 14:13

Ko tii xëëw xytyuknipëjktaakëty, nikë yë'ë mwowëp ëyoopëja'ay, kë'ëma'at tekymya'atpë ets ja wiintspë jëtu'un jotkujk myajpaatëty.

Lucas 14:20

Ets wiinkpë y'ënäny: Tim naanpëjkpës jam, ka'apës nmëta'akëty nëjkxëty.

Lucas 14:22

Ko ja tuunpë wyimpijty ets ja wyintsën t'ënëmaay: Wintsën, tëëjës ntuny ijxtëmës mijts të xytyuk'ëne'emyën, je'eyëp ko tapnëm ja u'unyääypyäjn ëwaatsëpë.

Lucas 14:24

Tëy miits nëëmëtë, ko ja mëjëyëjpës të njawoyën nijëna'a nëjkx tkakaytyë ja a'ux mëti'ipës të ntuknipëjktaakën.

Lucas 24:47

ets yajkajpxwa'kxëty ma tu'kë'ëyë ja kajpnën, Jerusalén tsyo'onta'akëty, yajtuk'ëwaanëtëp ets tyajtëkatstëty ja wyinma'any, wä'än ja Dios tmëpëktë ets ja pyoky yajnimä'kxtëty.

Lucas 9:10

Tääts ja Jesús ja y'ijxpëjkpëtëjk jatëkok jyajtë ets tukmëmëtyaktë ja Jesús, wi'ixëty ënety të tuntën winë. Ënet ojts wyoowtsoonëtë ets ëpëky yajnëjkxëtë jam Betsaida kyajpnjotm.

Juan 9:39

Tääts ja Jesús y'ënëmaayë: Yë'ëjës të niminy naaxwiinyëtë etsës ja ja'ay mëtëy nipaye'eyëty; nyaj'ijxpëka'anyës mëti'ipë wiintsën ets nyajwiintsëja'anyës mëti'ipë ijxtëpën.

Hebreos 13:17

Mëmëtowtë ja mkutuunkëty mëti'ipë ja mëpëjkpëtëjk tyu'uwinye'eytyëpën ets wiinkutsë'ëkëtë, jä'ä ko yë'ëjëty ka'ap pyo'kxtë ko mkëwent'atëtë; mnija'awëtëp ko kopkpëky ko Dios wyintum tnikajpxa'antë tii pën tyuunpy kyäjpxypën. Jotkujk winë xytyuntëty ka'ap y'atsipëty, jä'ä ko pën atsip winë yajtuny ka'ap jëtu'unpë tsyoowpaaty.

Hebreos 2:3

¿Paaty wi'ix ëëtsajtëm nkuukäkmëty ja tëytyu'unën pën ka'ap nmëjpëjktakëm ja mëj nitsokën? Wintsën ojts kë'ëm tnikäjpxy jëwyiin ya'atë nitsokën; ets mëti'ipë ojts tmëtoow'itën, yë'ë të tnikajpxtë ma ëëtsajtëmën.

Santiago 2:5

Mëku'uktëjkëty, mëtowtë ets ja'akyukëtë ya'atë: Dios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Dios të tukwinwanën ja ja'ay mëti'ipë tsojkëpën;

Apocalipsis 19:15

Y'aawjoty jëtu'un jap pyëtsimy të tu'uk ja tëypyujxn mëti'ipë jëjpën, ets yë'ë mëët tyajtsëtyuta'any ja naaxwiinyëtë ja'ay. Ënet ja Dios jää y'ënä'äma'any mëët ja kuttujkën. Ets yë'ë kë'ëm wyintäänäämpy ja tsatsymtsya'am ets tsatym nyëë tyajpëtsëma'any ma ja Dios mëti'ipë maaytyääyëpën winë ja tsyip y'äkë.

Apocalipsis 22:17

Ja Kënu'kxymyëkajtën ets ja Wintsën ja myëpëjkpëtëjk jëtu'un y'ëna'antë: Mintë. Pënjaty myëtoow'ijtëp, wä'än näjyëtu'un t'ëna'antë: Min. Pën tëtsëp, pën y'uukäämpy ja nëë mëti'ipë yajjuuky'ajtpën, wä'än tminy ets t'uukëty namëyajtën.

1 Samuel 2:8

Dios yajkumeenytyäkpy yë ja'ay mëti'ipë ëyoop jotëkoopyën, ets yajjotkujktäkpy yë ja'ay mëti'ipë o'ktëy yajpatpën. Jam tyajnaaxweetsy ma ja'ay mëj'äämpyëtypë kyäytyën y'uuktën. Jä'ä ko yë Wintsën yë'ë nyiwintsën'ajtyp yë naaxwiinyëtë ets yë'ë kyuwäämpy kyë'ëjotm

1 Samuel 25:12

Tä ojts ja David jatëkok ja jyä'äy jëtu'unyë wyimpijnëtë. Ko jam jyajtë ma ja Davidjën wa'ats tukmëmëtyaktaaytyë wi'ix ënety ja Nabal të y'ëtsoyën.