Lucas 14:15 - Biblia Dc en Mixe de Quetzaltepec

¹⁵ Ko ya'atë tmëtoowtë, tu'uk mëti'ipë ënety jam yajpatpën t'ënëmaay ja Jesús: Akujk jotkujk ja'ay yajpaaty mëti'ipë kääpy ukpën ma Dios ja kyutujktaknën.

Biblia Mixe de Quetzaltepec

¹⁵ Ko ya'atë tmëtoowtë, tu'uk mëti'ipë ënäty jam yajpatpën t'ënëmaay ja Jesús: Akujk jotkujk ja'ay yajpaaty mëti'ipë kääpy ukpën ma Tios ja kyutujktaknën.

Lucas 14:15 ပူးပေါင်းရင်းမြစ်များ

Mateo 25:10

Tam ënety të nyëjkxtë on juupyë ko ojts jyä'ty ja ye'etyëjk pëjkpë. Ja to'oxy'ëna'këty mëti'ipë ojts jëjp'ixy yajpaatën, jä'ä ojts mëët tyëkëtë jap tëkoty ja ye'etyëjk pëjkpë ma ja xëëw tyuna'anyën. Ënet ja tëjk'aaw ojts y'ëtujknë.

Mateo 8:11

Tyam miits n'ënëëmëtë ko may ja ja'ay nëjkx myintë xëëwpëtsëmy ets xëëwkëtä'äky ets nyaaxwäätstëty kääpyë ukpë mëët ja Abraham, Isaac ets ja Jacob ma ja tsajpjotmëpë kutujktaknën.

Lucas 12:37

Akujk jotkujk yajpaatë ja tuunpëtëjk mëti'ipë wijy kejy yajpatëpën ko ja wyintsën jyä'ty. Tëy miits nëëmëtë ko kë'ëm ja wintsën nëëmëja'any ja tyuunpëtëjk ets nyaaxwäätstëty ma kaaytyaknën ets ja wintsën kë'ëm ja ka'ayën ukën t'apëkëja'any.

Lucas 13:29

Jä'ä ko ye'eymukantëp ja naaxwiinyëtë ja'ay xiitsow yaatsow, anajny aka'any ets kyäya'antë jam ma ja Dios ja kyutujktaknën.

Lucas 22:16

Tëyajtën nëëmëtë ko ka'ap n'ëk'a'ux'atanës mëët miitsëty, jäänëm tëy ko ënety nyajpatëmë ma ja Dios ja kyutujktaknën.

Lucas 22:30

Ets jam mkaytyëty m'uuktëty maas ja nkaaypyäjnën mëti'ipë yajpatpën maas yë nkutujktaknën, ets mnaaxwäätstëty ma ja kutujktaknën ets xypyaye'eytyëty ja majkmäjtsk pëkpyë ja Israel ja y'u'unk y'ok.

Apocalipsis 19:9

Tääts ja tsajpjotmëtë kukäjpxy xynyëmaayës: Këxja'a: Akujk jotkujk mëti'ipë të yajwowtën ma yajnixëëwtunyën ja Kupixyny U'unk. Ets jyaak'ënany: Ya'atë jëtu'un tëy'ajtën'ajtp mëti'ipë Dios kyäjpxypën.