Lucas 13:35 - Biblia Dc en Mixe de Quetzaltepec

³⁵ Ix ja mtëjk, apak wyë'ëmanë. Jëtu'un yam nëëmëtë ko ka'ap miits xy'ëk'ijxnëtëtyëts, jäänëm ko m'ëna'antëty: Kënu'kxy ja mëti'ipë myëmiinpyën ja Wintsën ja xyëëw.

Biblia Mixe de Quetzaltepec

³⁵ Ix ja mtëjk, apak wyë'ëmanë. Jëtu'un yam nëëmëtë ko ka'ap miits xy'ëk'ijxnëtëtyëts, jäänëm ko m'ëna'antëty: Kënu'kxy ja mëti'ipë myëmiinpyën ja Wintsën ja xyëëw.

Lucas 13:35 ပူးပေါင်းရင်းမြစ်များ

Salmos 118:26

Kënu'kxy mëjjawë yë ja'ay y'ity mëti'ipë miinpën mëët ja Wintsën ja xyëëw. Tyam miitsëty nkunu'kxta'aktë maas yam nyajpaatën ma Wintsën tsyajptëjkën.

Salmos 69:25

Ma tsyëënëtën, wä'än jam tyajpaaty aanë'ëk tëëtsë'ëk, këtiipë jam pën tsyëënëty jyuuky'atëty ma jyëën tyëjkëtyën.

Isaías 52:7

Janty oy janty tsuj yaj'ixy yë ja'ay mëti'ipë oy aaw oy ayuk myëmiinpy yajmiinpyën tunjotypë kopkjotypë, mëti'ipë nyikäjpxypën ko ka'ap y'ëkjää'atanë jëën tsip, mëti'ipë nyikäjpxypën ko pyaatantëp ja ja'ay ja ëwaatsëtuuy'ajtën ets t'ënëmaay ja Sión kajpn: Yë mWintsën, yë'ë yajkutujkpë'ajtp.

Jeremias 22:5

E pën kajts xykyuuytyuntë ijxtëm myaj'ënëëmëtën, ya'atë kutujkëntëjk xit ko'ow jyata'any. Ëjts Wintsën, ëjts ënaanp.

Jeremias 35:17

Paaty ëjts maas nWintsën'atyën, mëti'ipë maaytyääyëpën winë, jëtu'unës n'ëna'any: Nkäxäämpyës ja ëyo'on jotmay ma Judá ja'ayëtyën ets ma Jerusalén ja'ayëtyën tëkokyë mëti'ipës të nikäjpxyën. Jä'ä ko miitsëty tëë njamëkajpxtë ka'apës të xy'ëtsowtë; tëë njayaxtsowtë miitsëty ka'apës të xynyimintë.

Miqueas 3:12

E paatykyëjxm, mëët ko miitsëty ka'ap tii oy xytyuntë, yë Jerusalén kajpn, mëti'ipë yajtijpën Sión kopk, jëtu'un jyata'any tä ja'ay yë kyam tnëëtu'utajta'ayën ets xit ko'ow jyata'any ets ja Sión kopk nëjkx wyinyo'onëtyä'äy, ujtsjoty nëjkx y'awinpity.

Zacarías 12:10

Nëjkxëp nmo'oyës yë yu'unk aaw yu'unkjot yë David yë y'u'unk y'ok ets Jerusalén ja'ayëty. Ënet nëjkx t'ijxpaatë ja mëti'ipë ënety të tukuumnaxtën ets të tyaj'ooktën ets nëjkx tnijë'ë tniya'axtë jëtu'un tä jeexyë kyä'äxkopk ëkë tu'uk u'unk të y'ookyën.

Zacarías 14:2

Jä'ä xëëw yë Wintsën tyajmuka'any may yë naax kajpn ets tnipëtë'ëktëty yë Jerusalén kajpn. Ets nëjkx ja Jerusalén kajpn tyajtëkoytyë ets tpëjkëtya'atëty tiijaty myëët'ajtypyën, nëjkxëp ëxëëk tuntë ja to'oxytyëjkëtëjk ets kujkwä'kxynyäxy nëjkx tyajnëjkxtë tsumy matsy ja ja'ay. Niwäänë nëjkx jyaak wë'ëmtë ja'ayëty kajpnjoty.

Mateo 21:9

Tääts ja ja'ay wintuuy jëxkë'ëy tyëjkëtyë yaxpë jojkpë: Hosana. Mëj jaanty yë yajkutujkpë David y'u'unk y'ok. Dios kënu'kxëtëp mëti'ipë të kyexyën yë Wintsën. Hosana. Mëj jaanty yë Dios.

Mateo 23:37

Jerusalenkëtë kajpn, Jerusalenkëtë kajpn, mëkës njajawë ko të xyaj'ooktë ja käjpxynyajxpëtëjk ets të xykyuka'atstë mëti'ipë ja Dios të tjakexyën ets jeexyë ja y'aaw y'ayuk mtukmëmëtya'akëtë. Kanaak okës miits të njawoowmuka'antë ijxtëm ja këtseytyaak ja y'u'unk tyajmukyën ets tmu'uxy, e miitsëty ka'ap jëtu'un të xykyupëktë.

Lucas 19:41

Ko t'ijxpaty ja Jerusalén kajpn jam winkon, tääts ja Jesús niyäxy,

Lucas 21:24

Tam mëti'ipë nëjkx yajkupuxyën, mëti'ipë nëjkx yajtsumy yajmatsyën wiink naax wiink kajpn; ets ja mëtsip jëtu'unyë nëjkx t'ateeny tukteeny ja Jerusalén kajpn koonëm tpaatëty ja nyixëëw ma ënety të yaj'akäjpxyën.

Juan 12:13

Ënet ja ja'ay tpujxtë ja tëëxy y'ääy ets ojts tjëjpye'eyë'ëktë ayaxp ajojkp: Wintsën miimp, Wintsën miimp, Dios kënu'kxëtëp mëti'ipë miinpën Wintsën xyëëwkëjxm. Dios kënu'kxëtëp yë Israel yajkutujkpë.