Lucas 12:56 - Biblia Dc en Mixe de Quetzaltepec

⁵⁶ Miitsëty, oyjyä'äy mnätyijëtë ets ka'ap jyëtu'unëty. Pën mnija'awëtëp wi'ix xyajkajpxtëty yë naax ets tsajp, ¿wi'ix ko xykyanijawëtë ja xëëw jëmëjt mëti'ipë miimp këtakpën?

Biblia Mixe de Quetzaltepec

⁵⁶ Miitsëty, oyjyä'äy mnätyijëtë ets ka'ap jyëtu'unëty. Pën mnija'awëtëp wi'ix xyajkajpxtëty yë naax ets tsajp, ¿wi'ix ko xykyanijawëtë ja xëëw jëmëjt mëti'ipë miimp këtakpën?

Lucas 12:56 ပူးပေါင်းရင်းမြစ်များ

1 Crónicas 12:32

Ma ja Isacar ja jyä'äyën, mëti'ipë nyija'awëtyëpën wi'ix ja xëëw po'o myiny kyëtä'äkyën ets tii mëpaat ja Israel ja'ayëty tuntën; jä'ä nyiwinë'ajtë mëti'ipë ojts tniwintsën'atyën nimäjtsk mëko'px ja mëti'ipë nyikopk'ajtën ja jyä'äyëty.

Hageo 2:7

Nyajyu'kxta'ajäämpyës yë naax kajpn wiinkëtypë muum yajpaatën ets tmëmintëty yë wyit myeenyëty ets jyotkujk'ajtënëty maas yë ntsajptëjkën ets ja ntsajptëjkës y'utsa'any mëët yë mëj'ajt oyajtën. Yë Wintsën mëti'ipë maaytyääyëpën winë, yë'ë jëtu'un ënaanp.

Malaquías 3:1

Yë Wintsën mëti'ipë maaytyääyëpën winë jëtu'un y'ënä'äny: Tyamës nkäxa'any yë nkäjpxynyajxpë mëti'ipë nyipëjktaakëpën ja në'ë tu'u. Ja Wintsën mëti'ipë miits m'ixtaaytyëp ajotkumonë tyëkëja'any ma ja tsyajptëjkën. Tää wyinkony ja käjpxynyajxpë mëti'ipë myëmiinpyën ja käjpxytyu'unën mëti'ipë miitsëty mtsojkën'ajtëpën.

Malaquías 4:2

E miitsëty mëti'ipës xywyintsë'këtyëpën, mëti'ipë winë oy nyipaye'eytyëpën, yë mpaye'eyënës mëtëypyë jëtu'un nëjkx tyi'kxy jyäjy xëëwën, mëti'ipë yajtsokp yaj'akëtakpën. Ets nëjkx mnëpëkax mtsajpëkaxtë jëtu'un tä tsajpkaa u'unkën jam ma y'ijtaknën mëët ko ënety mxoonta'aktën.

Mateo 11:25

Näy jä'ä xëëw ja Jesús y'ënäny: Tatë, nmëjja'ap nkënu'kxyjya'ap mijts; tsajpjotmëpë ets naaxwiinypë Wyintsën'atyën, jä'ä ko tëë ja ja'ay yu'unkpë naxymyëpë jyuuky'atën xytyuknijawë ja winma'any tsippëpë, ja winma'any mëti'ipë të xytyukwinkuyu'utsyën ja ijxpëkyjyä'äytyëjkëty ets wijyjyä'äytyëjk.

Mateo 16:3

ets ko jyopyëp'aty, jëtu'un m'ëna'antë: kajtëm pyojë'ëka'any, jä'ä ko xy'ixtë tsyaptsjajy ets wyintuky. Pën miitsëty nëkooyë xynyija'awënëtë ¿wi'ix xyajkajpxtëtyën yë tsajp?, ¿wi'ix ko xykyanijawëtë? ja mëj'ajtën mëti'ipë tyam tuunëp jajtëpën.

Mateo 6:2

Paaty, ko ja ëyoopëja'ay xypyutëkëty këtii xiitsow yaatsow xymyëtyaakwa'kxëty ijxtëm y'ëtë'ëtstën tsajptëkotypë tyuntën mëti'ipë nätyijëtëp oyjyä'äy ets në'ëjoty tu'ujoty nyäpyëjkta'akëtë ets ja ja'ay wyintsë'ëkëtëty. Tëy miits n'ënëëmëtë ko yi'iyë jëtu'un kyuma'ayën'atantëp.

Gálatas 4:4

E ko ja tiempo ojts tpaaty, tääts ja Dios ja y'u'unk ojts tkexy, to'oxytyëjk ojts yajminy yajja'tyë ko tyuuny ja Moisés ja y'ënä'ämën,