Lucas 12:30 - Biblia Dc en Mixe de Quetzaltepec

³⁰ Yë'ë ko ya'atë jëtu'un yë ja'ay myëmaay myëtajtëp mëti'ipë ka'ap yë Dios t'ixy'atën; e miitsëty mëët'ajtëp tu'uk ja mteetyëty mëti'ipë nyija'apën tii myajmëyajtëp.

Biblia Mixe de Quetzaltepec

³⁰ Yë'ë ko ya'atë jëtu'un yë ja'ay myëmaay myëtajtëp mëti'ipë ka'ap yë Tios t'ixy'atën; e miitsëty mëët'ajtëp tu'uk ja mteetyëty mëti'ipë nyija'apën tii myajmëyajtëp.

Lucas 12:30 ပူးပေါင်းရင်းမြစ်များ

Mateo 10:20

jä'ä ko ka'ap yë'ëjëty xykyajpxa'antë mëti'ipë kë'ëm mmaay mtajtëpën, ja Dios Teety ja jya'awën miits myajkajpxanëtëp.

Mateo 18:14

Näyjyëtu'un ja Dios, miits ja mTeetyëty tsajpjotmëpë ka'ap tsoky ets nitu'uk y'u'unk y'ëna'k mutskpë ye'eytyëkoyëty.

Mateo 5:47

Ets pën yi'iyë miits mkajpxpo'kxtëp ja mmëkä'äxëty ¿Tii oyajtën tääpë xyajnätyijëtë? Yë ja'ay ka'apë Dios tmëpëkyën yë'ë jëtu'un ëtëtstëp.

Mateo 6:1

Ko yë mmëku'uk xypyutëkëty ijxtëm pyaat'atyën, ka'ap nikëxë'ëky tii xytyuntëty ets ja'ay t'ixtëty. Ko nikëxë'ëky tii xytyuntëty, ka'ap ja mTeetyëty tsajpjotmëpë mmo'ojëtëty ja kuma'ayën.

Mateo 6:32

Pën ja Dios ka'ap nijawëtë, yë'ë jëtu'unpë myëmaay myëtajtëp; miitsëty mëët'ajtëp ja mTeetyëty tsajpjotm mëti'ipë nyija'apën tii myajmëyajtëp.

Mateo 6:8

Ka'ap miits jëtu'un mja'ay'atëty ijxtëm yë'ëjëtyën, jä'ä ko ja mTeety tëë tnijawë tii myajmëyajtëp oy ka'anëm xy'amëtowtë.

Lucas 12:29

Paaty nëëmëtë: këtii xymyëmay xymyëtajtëty tii mkaytyëp m'uuktëpën.

Lucas 12:31

Miitsëty, jam xypyëjkta'aktëty ja mjot mwinma'anyëty ma xypyaatëty ja Dios ja kyutujkën ets myajmo'otëty tii mkaytyëp m'uuktëpën ets tii mnätyukxoxëtëpën.

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Dios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Juan 20:17

Tä ja Jesús y'ënëmaayë: Këtiis xymyätsy, jä'ä ko ka'anëmës nnëjkxy ma ja Dios Teetyën. Nëjkx ets xytyuk'ëwaanëty ja nmëku'uktëjkës: Ko jamës nnëjkxy maas yë nTeetyën ets ma miits yë mTeetyëtyën; maajës yë nTiosën ets ma miits yë mTiosëtyën.

Efesios 4:17

Ya'atës nnikäjpxyp ets yë'ë yam ntukkë'ëtëjkëtyëp ma ja Wintsën Jesukristë ja xyëëwën: Ko ka'ap jëtu'un m'ëkjuuky'ajnëtëty ijxtëm ja ja'ayëtyën mëti'ipë ka'ap ja Dios tnijawëtën, mëti'ipë jëtu'un juuky'ajtëpën ijxtëm ja kyë'ëm jot kyë'ëm winma'anyëtyën,

1 Tesalonicenses 4:5

ka'ap jëtu'un m'ëtë'ëtstëty ijxtëm y'ëtë'ëtstën mëti'ipë ja Dios ka'ap tnijawëtën, mëti'ipë winë y'atsojktëpën.