Lucas 12:17 - Biblia Dc en Mixe de Quetzaltepec

¹⁷ Ënet ja kumeenyjyä'äy myäy tyäjy: ¿Tiis ntunëp? ka'apës nmëëtëty maajës npëjkë'ëkëty yë npëjktä'äkyës.

Biblia Mixe de Quetzaltepec

¹⁷ Ënät ja kumeenyjyä'äy myäy tyäjy: ¿Tiis ntunëp? ka'apës nmëëtëty maajës npëjkë'ëkëty yë npëjktä'äkyës.

Lucas 12:17 ပူးပေါင်းရင်းမြစ်များ

Eclesiastés 11:2

Mo'ojëp yë mjëëky mëku'uk mëti'ipë mëët'ajtypyën mapaat mëtä'äkyën, jä'ä ko ka'ap yajnijawë tii ëyo'on miimp këtakp naaxjoty kajpnjoty.

Isaías 58:7

ko xy'akaaytyukëty ja mmëku'uk mëti'ipë yuu'o'këpën ko xytyëjkmo'ojëty ka'ap ja jyëën tyëjkën, ko xymyo'ojëty ja ja'ay ja wyit tyujkxy mëti'ipë nikëëts ixkëëtsën ets xypyutëkëty xëmë ja mjëëky mmëku'uk.

Mateo 16:7

Ënet ja y'ijxpëjkpëtëjk aak ayi'iyë nye'ëna'anëtë: Paty jëtää jëtu'un y'ënä'äny jä'ä ko ka'ap ja tsajpkääky të nmëmi'inëmë.

Mateo 5:42

Pën tii m'amëtoowëp, mo'o; ets pën tii tsyojkpy ënu'kxy, tuk'ënu'kx.

Lucas 10:25

Tu'uk ja tsajptëkotyëtë yaj'ijxpëjkpë wya'kujkëy ets tkäjpxywyitsa'any ja Jesús ets tyajtëëy: Wintsën, ¿tiis ntunëp ets npaatëtyës ja juukyajtën xëmëkyëjxmëpë?

Lucas 11:41

Putëkëtë ja ëyoopëja'ay ëmuumtu'ukjot ets jëtu'un ja mjot mwinma'any wya'atstëty.

Lucas 12:16

Tääts tnimëtyäky ya'atë ijxpäjtën: Jää ijty tu'uk yë ja'ay kumeenypë. May ojts ja pyëjktä'äky tyajpëtë'ëky kyamjotm.

Lucas 12:18

Tääts jyaak'ënany: Tëës nwinma'anypyääty tiis mtunëpën. Yë ntëjkës mutskpë yë'ëjës nyajpëtë'ëkëp ets nkojëtyës jawäänë mëjpë, japtsës yë mpëjktä'äky npëjkë'ëkëty mëti'ipës nmëët'ajtypyën.

Lucas 12:22

Tääts ja Jesús t'ënëmaay ja y'ijxpëjkpëtëjk: Jä'äkyëjxmës jëtu'un n'ëna'any këtiipë xymyëmay xymyëtajtëty tii mtukjuuky'atëp, tii mkaytyëp m'uuktëp ets tii mwit'at mxox'atëp.

Lucas 12:29

Paaty nëëmëtë: këtii xymyëmay xymyëtajtëty tii mkaytyëp m'uuktëpën.

Lucas 12:33

Tooktë tiijaty jam mmëët'ajtëp ets xymyo'otëty yë ëyoopëja'ay; jëtu'un xypaatëty mëti'ipë jam tsajpjotmën, mëti'ipë ka'ap kyixy nyäxyën, ma ka'ap ja mä'tspë tyëkën, ets ka'ap tii waany tyuktëkëty.

Lucas 16:3

Tääts ja tuunpë wyinmaay: ¿Tiijës ënät ntunëp koos yë nwintsën yë ntuunk xypyëjkëty? ka'apës tii mëk'ajtën nmëët'aty etsës nkamtunëty ets tsëtyuumpës koos ja ayajk ako'onën n'amëtowëty.

Lucas 16:9

Jëtu'un miits nkajpxwijtë ko ja wit meeny mëti'ipë ka'ap myëtëyëtyën, jam xyajtuntëty ma ja ja'ayëtyën ets xypaatëty ja mëti'ipë m'oyjyawëtëpën; jä'ä ko ënety ja mwit mmeeny kyëxtë mmëët'atëp pën m'oyjyawëtëpën.

Lucas 18:22

Ko Jesús jëtu'un tmëtooy, tääts t'ënëmaay: Tap ja tu'uk mëti'ipë mtëkoy'ajtxëpën. To'kta'a winë mëti'ipë mmëët'ajtypyën ets xymyo'ojëty ja ëyoopëja'aytyëjk; jëtu'un xypyaatëty ja kuma'ayën tsajpjotmëpë ets pamiinkës ënät ok.

Lucas 19:17

Tääts ja yajkutujkpë y'ëtsooy: Oy jëtu'un, oy mijts të mtuny. Jä'äkyëjxm ko oy yiin wään tii të myajmo'oy tëë oy xyajtuunkpaaty; tyam mijts ntuknipëky ets myajkutukëty majk kajpn.

Lucas 3:11

Ets ja Juan y'ëtsoowëtë: Pën mäjtsk myëët'ajtyp ja wyit xyox, wä'än tmo'oy tu'uk mëti'ipë jyä'ä ka'ijtpën; pën myëët'ajtyp ja jyi'kxy pyiky, wä'än tmo'oy mëti'ipë jyä'ä kaka'atpën.

Hechos 16:30

Tääts ja pujxntëjk këwent'ajtpë tyajpëtseemy ja Pablo mëët ja Silas ets tyajtëëy: Mëku'ukëty, ¿tiis ntunëp etsës nnitso'okëty?

Hechos 2:37

Ko jëtu'un tmëtoowtë, tää jyotmaytyëjkëtyë ets tyajtëëwtë ja Pedro ets ja wiink ijxpëjkpëtëjk: Mëku'ukëty, ¿tiijës ntuntëp?

Romanos 12:13

Näpyutëkëtë nixim niyam ma myajpaatën wa'ats kajpn. Oy tsuj xy'ëxajëtëty mëti'ipë mnimiinëtëpën.

1 Timoteo 6:17

Pën yaa kumeeny'ajtëpën naaxwiiny, t'ënëëmë ets ka'ap yë'ë nyätyukyajmëjnaxëtëty ets ka'ap yë'ë tuk'ijxpätëty,; jä'ä ko yë kumeenyajtën këjxp najxp yë'ë. Wä'än ja Dios yë'ë tuk'ijxpätë, jä'ä ko yë'ë yajktääpy oy tyimtiijëty ets akëtä'äky jotkëtä'äky nwë'ëmëty.

1 Juan 3:16

Nnija'awëm wi'ix ja Jesukristë xytsyojkëmën ëmuumtu'ukjot, paaty të xykyu'o'këmë. Näyjyëtu'un ëëts nkë'ëyajkmëty ja njuukyajtën'ajtëm ets nku'o'këmëty ja nmëku'uk'ajtëmë.