Lucas 11:49 - Biblia Dc en Mixe de Quetzaltepec

⁴⁹ Paaty ja Dios mëët ja wijyajtën të y'ënä'äny: Ntuknikäxantëp ja nkäjpxynyajxpës ets ja n'ijxpëjkpëtëjkës, je'eyëp ko nëjkxëp xyaj'ooktë ets xy'ixjëtit xypyajëtitë.

Biblia Mixe de Quetzaltepec

⁴⁹ Paaty ja Tios mëët ja wijyajtën të y'ënä'äny: Ntuknikäxantëp ja nkäjpxynyajxpës ets ja n'ijxpëjkpëtëjkës, je'eyëp ko nëjkxëp xyaj'ooktë ets xy'ixjëtit xypyajëtitë.

Lucas 11:49 ပူးပေါင်းရင်းမြစ်များ

Jeremias 7:25

Maju'unëm yë m'ap m'ok tsyoontën jap Egiptë ets tyampaat, xëmës të njakexy yë ntuunpëtëjk mëti'ipë käjpxynyajxtëpën.

Mateo 22:6

ets ja wiinkëtypë ni'ikyë ojts tmatstë ja yajkutujkpë ja tyuunpëtëjk ets tyaj'o'ktë.

Lucas 11:48

Jëtu'un xyajnikëxë'ëktë ko m'oyjya'awëtëp mëti'ipë tyuuntën ja m'aptëjkëty; jä'ä ko yë'ë yaj'o'ktë ets miits xynyitajëtë.

Lucas 24:47

ets yajkajpxwa'kxëty ma tu'kë'ëyë ja kajpnën, Jerusalén tsyo'onta'akëty, yajtuk'ëwaanëtëp ets tyajtëkatstëty ja wyinma'any, wä'än ja Dios tmëpëktë ets ja pyoky yajnimä'kxtëty.

Juan 16:2

Nëjkxëp myaj'ixkäxtë jap tsajptëkoty ets nëjkxëp ja'ay myaj'ookëtë ets jëtu'un nëjkx myäytyë tyajtë ko Dios myëtuuntëp.

Hechos 1:8

E mpëktëp miits ja mëk'ajtën ko ja Kënu'kxymyëkajtën mtukëta'akëtëty ets xykyajpxwa'kxtëty mëti'ipë të xy'ixtën ëjtskyëjxm; jëtu'unts xynyikajpxtëty jam Jerusalén, Judea y'itjotm, Samaria ets ma tu'kë'ëyë it naaxwiinyëtën.

Hechos 11:27

Näy jää jëmëjt ojts jënaakën ja Dios ja kyäjpxynyajxpë kyëta'aktë mëti'ipë tso'ontëpën jam Jerusalén ets ojts jya'të jam Antioquía.

Hechos 22:20

Nyija'awëtëp näjyëtu'un koos jam nyajpaty ma ja Esteban y'o'kyën, mëti'ipë ijty mnimëtyakëpën. Tamës ënety ëjts nyajpaaty ets n'oy'ijxës ko tyaj'o'ktë; ëjts ojts ja yaja'ay'o'kpë ja wyit nkëwent'ajtëtë.

Hechos 7:57

Ja ja'ayëty ka'ap tmëtowantë, je'eyë ja tyatsk t'amajtstuktë ets mëk yujk'ënantë ets ja Esteban tmatstëty.

Hechos 8:3

Tääts ja Saulo tpajëtijtäky ja mëpëjkpëtëjk winjëën wintëjk ets atsip tyajpëtsëëmy tyëkoty, wä'än ye'etyëjk to'oxytyëjkëty ets pujxn tëkoty tpëjktaktaaytyë.

1 Corintios 1:24

e mëti'ipë ja Dios të wyin'ixëtën, wä'än tjutiisëty tkajutiisëty, ya'atë Kristë, yë'ë Dios yë myëk'ajtën ets wyijy'ajtën.

1 Corintios 1:30

Dios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Dios mëët oy nwë'ëmëm, jëtu'unts ja Dios xyjyä'äy'ajtmëty ets najtspëkë n'ijtmëty.

Efesios 4:11

Yë'ë pyëjktak ja ja'ay ets ja oy aaw oy ayuk tkajpxwa'kxëty, wiinkpë Dios kyäjpxynyajxpë'atëty, wiinkpë tkajpxwa'kxëty ja oy'aaw oy ayuk, wiinkpë ja mëpëjkpëtëjk t'ijx'it tkëwent'atëty ets ja wiinkpë yaj'ixpëkëty.

Colosenses 2:3

Kristë mëët yajnijawë tu'kë'ëyë ja wijyajtën kejyajtën ets ja'aykyujkën mëtoowkujkën.

Apocalipsis 16:6

Jä'ä ko tëë tyajtsun tyajtaxtë ja mmëpëjkpëtëjk ets ja mkäjpxynyajxpëtëjk; paaty mijts ja nëë të xyajwinpity ne'pynyën ets yë'ë t'uuktëty, jëtu'un ijxtëm pyaat'atëtën.

Apocalipsis 18:20

Mijts, tsajpjotmëpë yajpaatën, xoonta'aktë mëët ko jëtu'un të jyäty tääpë kajpn; ets miitsëty wa'ats kajpnëty, ayuk kajpxnajxpëty, käjpxynyajxpëtëjkëty xoonta'aktë jä'ä ko tëë ja Dios tuny ja paye'eyën ko të tyajkutëkoy tääpë kajpn.