Lucas 11:22 - Biblia Dc en Mixe de Quetzaltepec

²² E ko ënät tu'uk myiny wäänë mëkpë ets myëmëtä'äkyë, tu'kë'ëyë pyëjkta'ayxyëty mëti'ipë tyukuwäämpyën ets tyukjotkujk'ajtypyën ets ja pyëjktä'äky yajkniwaanta'ay mëti'ipë myëët'ajtypyën.

Biblia Mixe de Quetzaltepec

²² E ko ënät tu'uk myiny wäänë mëkpë ets myëmëtä'äkyë, tu'kë'ëyë pyëjkta'ayxyëty mëti'ipë tyukuwäämpyën ets tyukjotkujk'ajtypyën ets ja pyëjktä'äky yajkniwaanta'ay mëti'ipë myëët'ajtypyën.

Lucas 11:22 ပူးပေါင်းရင်းမြစ်များ

Génesis 3:15

Mijts ets to'oxytyëjk xëmë mnämyëtsip'atëtëty. Ets jëtu'un y'itëty ma m'u'unk m'okën ets ma to'oxytyëjk näjyëtu'un yë y'u'unk y'okën. Mkutä'änë'ëkëtëp yë y'u'unk y'ok ma nkëpajkën. Ets mijts nëjkxëp xytyekymyëtsu'utsë ma tyeky'ixpo'kxën.

Éxodo 15:9

Yë mmëtsip tyaa ënety të myäy të tyäjy: Mpapo'ojäämpyës yam mapaatës najtspaatën, etsës nyajwa'kxtaja'any, mëti'ipës ënety të mpëjkëtyä'äyën, koonëmës yajxon nku'uxëtëty. Etsës nkupujxta'aja'any mëët ja mpujxnës, mëti'ipës nkë'ëkë'ë'ajtypë.

Isaías 27:1

Jä'ä xëëw nëjkx ja Wintsën tkupuxy mëët ja tyiypyujxn, mëjwiinpë këjääpë ets kutsë'ëkëpë ja mëj jëyujk mëti'ipë jap nëëjoty tsënääpyën, ja mëj tsa'any mëti'ipë näwyinxa'tsmujkëpën japë nëëjoty tsyëënën, mëti'ipë yajtijpën dragón ets Leviatán.

Isaías 53:12

Paatykyëjxm ja Wintsën tmo'oja'any tu'uk ja ënyäätyakn ma y'u'unyëtën ja wintsëntëjkëty, kopktëjkëty ets ja mëj'äämpyë y'itën, tu'ukmukyë nëjkx tukxoonta'aktë ko ënety të myëta'aktë; yë'ëkyëjxm ko ojts nyäkyë'ëyäkyë o'këntum, ets jëtu'un jyäjty kyëpejty tä jeexyë ëxëëk të y'ëti'itsy të y'ënä'änyën, mëët yë'ëkyëjxm ko ojts tkunaxy ja pokyjyä'äytyëjk.

Lucas 11:21

Ko tu'uk ja ye'etyëjk jotmëk nyäpyëjktä'äkyë ets tam tmëëtëty mëti'ipë nätyukuwanëpën, kyëwent'ajtyp ja tyëjk, jëtu'unts ja pyëjktä'äky ijx'ity këwent'aty tyaj'ity.

Lucas 11:23

Pën xykyapukajpxëpës, ëjts xymyëtsip'ajtp; pën ka'ap tyuunmuky pyëjkmuky mëët ëjts, je'eyë winë t'ixko'owta'ay.

Efesios 6:11

Nekyuwa'anëtë jëtu'un ijxtëm ja tsiptuunpë nyäxyoxëtën ko tsyiptuna'antë. Jëtu'un näkyëwent'atëtë mëët ja mëk'ajtën mëti'ipë Dios të mmo'ojëtën këtiipë ja mëjku'u wyinma'anypyaatëty wi'ix myajpokytyunëtëty.

Efesios 6:13

Paaty miits yajxon xymyëët'atëty ja mëk'ajtën mëti'ipë Dios të mmo'ojëtën, ko tpaatëty ja xëëw ëxëëkpë myiny wyinkonyën ets xymyëmëta'aktëty, tu'ukyë ja mëpëjkën xyaj'itëty ko ënety mëk myajpaatë.

Colosenses 2:15

Kristë mëët yë Dios ojts tpëjkëtë ja kuttujkën yaapë naaxwiiny y'ënä'ämtën ets yajkutuktën ets ojts naxym tyajnajxtë tsumpyë matsypyën ko ojts yë Kristë myëtä'äky.

1 Juan 3:8

Pën xëmë pokytyuunp, ja mëjku'u jä'ä'ajtëp; jä'ä ko yë mëjku'u ojts tyajtso'ontä'äky yë pokytyu'unën. Paatykyëjxm ja Dios U'unk të myiny yaa naaxwiiny ets tyajkutëkooytya'aja'any tu'kë'ëyë ja mëjku'u ja tyuunk.

1 Juan 4:4

U'unk maayëty, Dios miits m'u'unk'ajtëtëp. Tëë ja win'ë'ëmpëtëjk xymyëmëta'aktë, jä'ä ko wäänëni'ik ja mëk'ajtën tmëëtëty mëti'ipë mëët m'itën këtiinëm ja mëti'ipë naaxwiinyëtën.