Lucas 11:20 - Biblia Dc en Mixe de Quetzaltepec

²⁰ Näyjyëtu'unës ëjts, Dios yë myëk'ajtën mëët n'ixkexyës yë ku'oypyë, jëtu'un xyjyä'äkyukëtëty ko ja Dios ja kyutujkën të tyajtso'ontä'äky ma miitsëtyën.

Biblia Mixe de Quetzaltepec

²⁰ Näyjyëtu'unës ëjts, Tios yë myëk'ajtën mëët n'ixkexyës yë ku'oypyë, jëtu'un xyjyä'äkyukëtëty ko ja Tios ja kyutujkën të tyajtso'ontä'äky ma miitsëtyën.

Lucas 11:20 ပူးပေါင်းရင်းမြစ်များ

Éxodo 8:19

Paaty ja wijyjyä'äytyëjkëty ojts t'ënëmaaynyëtë ja yajkutujkpë: Tyaapë n'ijxëmën, Dios yë kyejxyp. Yë mëj'ënä'ämpë ninu'un kyakäjpxyjyä'äykyujkëy, ka'ap timmyëpëjky oy pën wi'ix jya'ënany, jëtu'un ojts nyäpyëjktä'äkyë tä ënety ja Dios të tnikäjpxyën.

Mateo 12:28

Jä'ä koos pën yë'ëjës mëët yë Dios yë myëk'ajtën n'ixkejx yë ku'oypyë, tääpë jä'ä yajja'akyukë ko tëëjën jyä'ty ja tsajpjotmëpë kuttujkën ma miitsëtyën.

Lucas 10:9

Yajtso'oktë ja pa'amja'ay mëti'ipë jamëtyën ets xynyëëmëtëty: Tää ja Dios ja kyutujkën mmëwinkonëtë.

Mateo 3:2

ets y'ënä'äny: Ixmatstë ja mka'oywyinma'anyëty; tää wyinkony ja kuttujkën tsajpjotmëpë.

Lucas 10:11

Yë'ëpaat yë pu'uxm mëti'ipë jam ma ëëts yë ntekyëtyën nwinxitës ets xymyëwë'ëmtëty ja mpokyëty. E nijawëtë ko winkon ja Dios ja kyutujkën yajpaaty ma miitsëtyën.

Daniel 2:44

Ma ënety tääpë yajkutujkpëtëjk y'ënä'ämtën, jää nëjkx yë Dios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kuttujkën tyajkutëkooytyä'äy ets yë'ë xëmëkyëjxm nëjkx y'ity.

2 Tesalonicenses 1:5

Ya'atë yajknikëxë'kpy ko Dios pyaye'ey ijxtëm pyaat'atyën ets kopkpëky ko mtëkëtëty ma ja kyutujktaknën, jä'ä ko yë'ë tyam mku'ëyo'owëtëp.

Hechos 20:25

Nnija'apës ko ka'ap nëjkx xy'ëk'ijxnëtës jënu'un miits të ntuk'ijxpëktën ja Dios ja kyutujkën.

Mateo 4:24

Ojts yajnimëtyä'äky ja Jesús ma Sirië y'itjotmën mëti'ipë tyuun kyajpxën ets ja ja'ay tyajmiintë ja pa'amja'ay, mëti'ipë mëk pëjkëpën, mëti'ipë ja ku'oypyë myëët'ajtëpën, mëti'ipë mo'tëp ets mëti'ipë kë'ëxujxp tekyxyujxtëpën. Ni'ëmukë ja Jesús ojts tyajtsokta'ay.

Lucas 11:21

Ko tu'uk ja ye'etyëjk jotmëk nyäpyëjktä'äkyë ets tam tmëëtëty mëti'ipë nätyukuwanëpën, kyëwent'ajtyp ja tyëjk, jëtu'unts ja pyëjktä'äky ijx'ity këwent'aty tyaj'ity.