Lucas 11:10 - Biblia Dc en Mixe de Quetzaltepec

¹⁰ Yë'ë ko ja'ay tii t'amëtoy, yajmoopy yë'ë; ko pën tii t'ixta'ay, pyätyp; ets pën pyijkxnojkpy ja tëjk'aaw, ëwatsxëyëp.

Biblia Mixe de Quetzaltepec

¹⁰ Yë'ë ko ja'ay tii t'amëtoy, yajmoopy yë'ë; ko pën tii t'ixta'ay, pyätyp; ets pën pyijkxnojkpy ja tëjk'aaw, ëwatsxëyëp.

Lucas 11:10 ပူးပေါင်းရင်းမြစ်များ

Santiago 4:3

Ets ko xy'amëtowtë, ka'ap myajmo'otë, jä'ä ko ka'ap oy xy'amëtowtë ets jä'ä ko jam xyajtuna'antë ma ka'ap pyaat'atyën.

Lamentaciones 3:18

Tëës ënety n'ënanë ko ka'apës ja Wintsën n'ëktukjotkujk'atanë.

Salmos 31:22

Maas ënety ka'ap jotkujk näjyawëtyën, ënätës ojts nmay ntajy ko tëëjëntij xyjyä'äytyëkooynyës; e ko ojts n'amëtoy ja näypyutëkë, ojts ënätyë xy'ëtsoyës.

Santiago 5:11

Ëëtsëty jä'äs ntijtë ko akujk jotkujk yë ja'ay yajpaatë mëti'ipë myëmëtaktëpën ja ëyo'on jotmay. Miitsëty tëë xymyëtoy'atë wi'ix ja Job tmëtënaayën ja ëyo'on jotmay, ets mnija'awëtëp näjyëtu'un wi'ix ojts ja Dios myo'oyë ja oyajtën ok, jä'ä ko yë Dios myëët'ajtyp yë pa'ëyo'owën najts'ëyo'owën.

Lucas 18:1

Tääts ja Jesús tnimëtyäky mëët tu'uk ja ijxpäjtën wi'ix kyopkpëkyëtyën ko ja'ay wyanë tsyowë ets ka'ap kyumay kyutajëty.

Lamentaciones 3:8

oyës mëk të amëtoy yë näypyutëkë, ka'ap të tmëtoy yë n'aaw nyo'knës;

Mateo 5:42

Pën tii m'amëtoowëp, mo'o; ets pën tii tsyojkpy ënu'kxy, tuk'ënu'kx.

Mateo 7:8

Jä'ä ko pën tii y'amëtoopy, yajmoopy; ko pën tii t'ixta'ay, pyätyp; ets pën pyijkxnojkpy ja tëjk'aaw, ëwatsxëyëp.

Lucas 11:9

Paaty miits nëëmëtë ets xy'amëtowtëty ets myajmo'otëty; ixta'atë ets xypyaatëty; pijkxnoktë ja tëjk'aaw ets y'ëwa'atsëty.

Lucas 11:11

Ma miits u'unkteety mxëëw'atën, ¿wä'än jëtää m'u'unk tsa'any xymyo'otëty ko m'amëtowëtëty ja nëë jëyujkë?