Lucas 11:1 - Biblia Dc en Mixe de Quetzaltepec

¹ Tëkok ja Jesús tmëpëjktsooy ja Dios. Ko tyajjëjpkuwatsëy, ënät ja y'ijxpëjkpë tu'uk y'ënëmaayë: Wintsën, tukni''ijxëtëkës yë Dios mëpëjktso'owën, ijxtëm ja Juan ja y'ijxpëjkpëtëjk tukni''ijxëyën.

Biblia Mixe de Quetzaltepec

¹ Tëkok ja Jesús tmëpëjktsooy ja Tios. Ko tyajjëjpkuwatsëy, ënät ja y'ijxpëjkpë tu'uk y'ënëmaayë: Wintsën, tukni''ijxëtëkës yë Tios mëpëjktso'owën, ijxtëm ja Juan ja y'ijxpëjkpëtëjk tukni''ijxëyën.

Lucas 11:1 ပူးပေါင်းရင်းမြစ်များ

Salmos 19:14

Kupëky nyaxëty mijts mwintum yë n'aaw n'ayukës ets njot nwinma'anyës. Wintsën, yajtsokpë ets yaj'ëwaatsëpëtsëëmpë.

Judas 1:20

E miits, mëku'uktëjkëty, yaj'itë tu'ukyë ja mmëpëjkënëty. Jëëytya'ak nu'kxta'aktë, jëtu'un ijxtëm ja Kënu'kxymyëkajtën mtu'uwinwowëtën.

Lucas 6:12

Jää po'o ja Jesús ojts nyijkx Dios mëkajpxpë kopkëjxm, tu'ktsu'um ja Dios ojts tja'amyetsy.

Lucas 9:18

Jam ënety tëkok ja Jesús ja Dios tja'amyetsy nätyu'uk, ënät ja y'ijxpëjkpëtëjk tyajtëëy: ¿Wi'ix yë ja'ay y'ëna'antë, pën ëjts?

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Dios, pën mëpaat yaj'ëwaatspëtsëmyë ma ja o'kënën, e ja Dios wa'ats ojts myëtoyë jä'ä ko kyäjpxykyupëky.

Lucas 9:28

Tuktujk xëëwëp ënety ja Jesús jëtu'un myëtyä'äky, ko pya'tëjkëy kopkëjxm Dios mëkajpxpë. Wyoow ja Pedro, Santiagë ets ja Juan.

Salmos 10:17

Wintsën, mijts mëtoow'ijtyp yë ja'ay ko mëkäjpxyë mëti'ipë näypyutëkë yajmëyäjtypyën, ets xyajjotkujktä'äky ets xypyutëkë.

Lucas 7:13

Ko ja Jesús t'ijxy ja to'oxytyëjk ja ku'ookpyë jyi'iy yä'äxy, tääts t'ënëmaay: Amonyë, këtii myä'äxy.

Lucas 7:19

ets tuknikejxy ja Wintsën ets tyajtëwtëty pën janty yë'ë ënety ja Dios të kyexyë mëti'ipë minaanpën, ëkë wiinkpë yajjëjp'ijxpë.

Lucas 10:42

Je'eyep ko tu'ukyë je'eyë mëti'ipë kopkpëkyën. María yë'ë të twin'ixy mëti'ipë ni'ik kopkpëkyën ets ka'ap tjëkyepy pën pyëjkxëtëty.

Lucas 11:2

Tääts ja Jesús y'ëtsooy: Ko Dios xymyëpëjktsowtëty, jëtu'un m'ëna'antëty: Dios Teety, kënu'kxy ja mxëëw nyaxëty. Wä'än tminy ja mkutujkën.