Lucas 10:17 - Biblia Dc en Mixe de Quetzaltepec

¹⁷ Tääts ja nitëkë'px majk mäjtskpë ja'ay ojts jotkujk jya'ajnëtë ets y'ënantë: Wintsën, ku'oypyë paatës të xymyëmëtowtë mijts mxëëwkyëjxm.

Biblia Mixe de Quetzaltepec

¹⁷ Tääts ja nitëkë'px majk mäjtskpë ja'ay ojts jotkujk jya'ajnëtë ets y'ënantë: Wintsën, ku'oypyë paatës të xymyëmëtowtë mijts mxëëwkyëjxm.

Lucas 10:17 ပူးပေါင်းရင်းမြစ်များ

Mateo 4:24

Ojts yajnimëtyä'äky ja Jesús ma Sirië y'itjotmën mëti'ipë tyuun kyajpxën ets ja ja'ay tyajmiintë ja pa'amja'ay, mëti'ipë mëk pëjkëpën, mëti'ipë ja ku'oypyë myëët'ajtëpën, mëti'ipë mo'tëp ets mëti'ipë kë'ëxujxp tekyxyujxtëpën. Ni'ëmukë ja Jesús ojts tyajtsokta'ay.

Marcos 16:17

Ja ja'ay mëti'ipë mëpëjktëpën, yë'ë tyuntëp: Ëjts mëët yë nxëëw nëjkx t'ixkäxtëty ja ku'oypyë; kyajpxtëp ja wiink ayuk;

Lucas 10:1

Ko jëtu'un y'ëkjajty y'ëkëpejty, ënät ja Wintsën Jesús twinwijtsy nitëkë'px majkmäjtsk ja ja'ay ets tkejxy nimäjtskjaty kajpn kajpn.

Lucas 10:20

Je'eyëp ko këtii yi'iyë xytyukxoonta'aktëty ko ja ku'oypyë mmëmëtowëtëty, yë'ë mtukxoonta'aktëp ko ja Dios të tuny ja mëyajtën ko mxëëw jap kuja'ay y'ijnëtë tsajpjotm.

Lucas 10:9

Yajtso'oktë ja pa'amja'ay mëti'ipë jamëtyën ets xynyëëmëtëty: Tää ja Dios ja kyutujkën mmëwinkonëtë.

Lucas 9:1

Tääts ja Jesús tmëkajpxmujky ja nimajkmäjtskpë ja y'ijxpëjkpëtëjk ets tmooy ja mëk'ajtën, kuttujkën ets ja ku'oypyë t'ixkäxtëty ets tyajtso'oktëty ja pa'amja'ay.

Romanos 16:20

Jëtu'unts ja Dios, mëti'ipë yäjkpyën ja jotkujk'ajtën, nëjkx tsojk tyaj'atëkoy ja mëjku'u ma miitsëtyën. Wä'än ja Wintsën Jesús mkënu'kxëtë.

Efesios 5:24

Je'eyëp ko jëtu'un ijxtëm ja mëpëjkpëtëjk tmëmëtowtën ja Kristë, näjyëtu'un ja to'oxytyëjk tmëmëtowtëty ja nyiye'etyëjk.