Lucas 10:15 - Biblia Dc en Mixe de Quetzaltepec

¹⁵ Ets mijts Capernaumëtë ja'ay, ¿jëtu'un may mtajy ko tsajpjotm myajmënëjkxa'anyë? Niwi'ix'äämpy, wäänë pa'tkë'p mijts mnëjkxa'any ëyoowtaknjoty.

Biblia Mixe de Quetzaltepec

¹⁵ Ets mijts Capernaumëtë ja'ay, ¿jëtu'un may mtajy ko tsajpjotm myajmënëjkxa'anyë? Niwi'ix'äämpy, wäänë pa'tkë'p mijts mnëjkxa'any ëyoowtaknjoty.

Lucas 10:15 ပူးပေါင်းရင်းမြစ်များ

Génesis 11:4

Ënet nyäy'ënanëtë: Mintë, tsojk nyajkojëm tu'uk yë kajpn ets nyajpëtë'kmëty tu'uk yë potsy mëti'ipë ja'tëpën tsajpwinm. Jëtu'un nyajjëkyajpmëty mëj'äämpy yaa naaxwiiny. Ka'ap nëjkx xity ko'oy n'ijtëmë.

Isaías 5:14

Jëtu'un tä kaa tni'ëwë'ëkyën yë jyi'kxy, jëtu'un ja naaxwiinyëtë y'ëwa'atsa'any, ets ja naax kajpn jap kyuka'anaxa'any mëët ja y'ënä'ämpëtëjk, jä'ä ja ja'ayëty jëtu'un jatantëp mëti'ipë ja wit meeny ka'ap ëmaay tjawëtën ets xëmë xyëëwtuntë.

Jeremias 51:53

Ma ënety yë Babilonyë kajpn mëj'äämpy të y'awinpityën ets nyäjyawëtëty tëë yowë tsajp tpaaty yë nyaax kyajpn ta'tspëkpyë, jampaatës nkäxa'any yë myëtsip mëti'ipë yajkutëkoyëtëpën. Ëjts Wintsën, ëjts ënaanp.

Ezequiel 26:20

ets mkinëty në'ppaat ma o'kpë yajpaatën, ma nyipätën yë o'kpë tëëyëpë jyuuky'atën. Jap pa'tkë'p nyajjëjpta'aka'any ma ja naax kajpnën mëti'ipë tëëyëp nikoompäjtën ets jap mjuuky'atëty ma ja o'kpë tsyëënëtën. Ka'ap nëjkx pën y'ëktsënaaynyë ma mijtsën ets ka'ap nëjkx nijëna'a m'ëk yaj'akojënë ma ja'ayëtyën mëti'ipë juuky'ajtëpën.

Ezequiel 31:18

Nimëti'ipë kepy ënety kyajëtu'unëty jampë Edén yajpaatën tä yë'ë myëj'äämpyëtyën ets kyëjxmëtyën; e ko të y'o'knë näjyëtu'un jap naaxpa'tkë'p jyëjpta'aka'any tä ja myëku'uktëjkën mëti'ipë jam Edén yajpatëpën ets yajpaata'any mëët ja wiinkëtypë ja aay kepy, mëti'ipë jëënjoty tsipjoty o'ktën tëkooytyën. Tyaapë kepy yajnimëtyä'äkyën yë'ë yaj'antijp yë faraón ets tëkokyë yë jyä'äy.

Ezequiel 32:18

Mijts ye'etyëjk, ëw tu'uk yë ëy, yë'ë m'ëëw'ëtsowëtëp yë to'oxytyëjkëty mëti'ipë yajpatëpën ma kanaakpëky ja naax kajpnën ets xykyuuy'ëwtëty yë Egiptë jëtu'un tä o'kpë yajkuuy'iyën mëët ko tëë may kyutëkoytyë ets tëë y'o'kta'atë yë kyopktëjkëty. Yë kopktëjkëty naaxpa'tkë'p kya'atë, mëët ja mëti'ipë jap yajpatëpën jutjoty.

Ezequiel 32:20

Yë'ëjëty nän ënätyë y'ooka'antë ko ënety y'ooktë ja jyä'äyëty jap tsipjoty. Jëjp ixy ja tëypyujxn y'ijnë jam ma mayjyä'äyën.

Ezequiel 32:27

Ka'ap jyamëty të nyaaxtëkëtë ma nyaaxtëjkëtyën ja wintsëntëjkëty tëëyëpë jyuuky'atën, mëti'ipë ojts jap naaxjoty yajpëjkta'aktën mëët ja pyujxnëty mëti'ipë myëtsiptuuntëpën, yë'ë ojts ja tyiypyujxn tkoy'atë ets ja mëti'ipë ijty nätyuk'akëëytyujkëtëpën kyätykyijxy ojts yajpëjktä'äky, tëë ënety t'ëtsë'ëkëtë ja ja'ay mëti'ipë juuky jaakyajpatëpën.

Abdías 1:4

E oy jënu'un mjatsajpätëty tä witsnën ets oy jeexyë mpä'än xyjyapëjktakpë ma mëtsa'ajën, nëjkxëp jam nyajkënaxy.

Mateo 10:28

Këtii xytsyë'ëkëtëty mëti'ipë nini'kx yaj'o'kpyën, ka'ap myäyëtëty tyaj'ookëty yë anëmë; yë'ë Dios mtsë'ëkëtëp, jä'ä ko yë'ë myëët'ajtyp yë mëk'ajtën ets tyaj'atëkoyëty yë ja'ay ja y'anëmë mëët ja jyot nyini'kx jap ëyoowtaknjoty.

Mateo 11:23

Ets miitsëty Capernaumëtë ja'ayëty, ¿tsajpjotm miits xytyijy myajmënëjkxa'antë? Niwi'ix'äämpy. Wäänë pa'tkë'p mnëjkxtëty ëyoowtaknjoty, jä'ä ko kooxyëp jeexyë ojts jëtu'unpë ja mëj'ajtën jam y'ëktunyë ma ja Sodomë kajpnën, tääpë kajpn tam jeexyë tyampaat yajpaaty.

Mateo 4:13

Jam tsyo'ony Nazaret ets ojts nyijkxy ma ja Capernaúm kajpnën tsënääpyë nëë'akëyë pë'am ma ja Zabulón it ets Neftalí itën.

Lucas 13:28

Ënet ja ja'ay nëjkx jyë'ëtë ya'axtë ets nyätyëtskääpëtëty ko t'ixtëty ja Abraham, Isaac, Jacob ets ni'ëmukë ja Dios ja kyäjpxynyajxpëtëjk, jap ma Dios ja kyutujktaknën, tyam ënety miitsëty ni'ikyë të myaj'ëxwojptëpë.

Lucas 16:23

Jap ënety y'ëyoy ja kumeenyjyä'äy ma ja o'kpë nyipätën, tääts ojts y'ijxë'ëky ets t'ijxpaty ko jam tsajpjotm yajpaaty ja Abraham mëët ja Lázaro.

Deuteronomio 1:28

E tyam, ¿maa ënät nëjkxmëty? Yë nmëkukajpn'ajtëmë jëtu'un y'ëna'antë, ko ma tääpë itjotmën tam yë ja'ayëty mëti'ipë mëkëtyën ets këjxmëty tyänëtë. Ets nyaax kyajpnëty ta'tspëky oy nyapotsy'atë ets näjyëtu'un nikajpxtë, ko tëë t'ixtë yë y'u'unk y'ok yë ja'aypyajkyeny Anac. Tääpë aaw ayuk jëtu'unyë të xy'ëtsë'këtyä'äyëmë.

2 Pedro 2:4

Dios ka'ap ojts tnime'kxy ja anklëstëjk mëti'ipë ka'ap myëmëtoowën, jap ojts tpëjktä'äky ëyoowtaknjoty, kupi'its kukoots ets kuwëëny kuxotsy jap tuk'ëwxity ja tëytyu'unën.