Lucas 1:65 - Biblia Dc en Mixe de Quetzaltepec

⁶⁵ Ni'ëmukë ja myëjëën myëtëjk ojts mëjmëtoy tmëtowtë ets ja ja'ay tnija'awëtyääytyë jam Judea y'itjotm, tunjotm kopkjotm, wi'ix ënety të tyuny të jyätyën.

Biblia Mixe de Quetzaltepec

⁶⁵ Ni'ëmukë ja myëjëën myëtëjk ojts mëjmëtoy tmëtowtë ets ja ja'ay tnija'awëtyääytyë jam Judea y'itjotm, tunjotm kopkjotm, wi'ix ënäty të tyuny të jyätyën.

Lucas 1:65 ပူးပေါင်းရင်းမြစ်များ

Mateo 2:1

Belén ja Jesús ojts myiny kye'exy, Judea y'itjotm. Herodes ënety jam yajkutujkp. Tääts jam Jerusalén jyajtë ja matsa'a ixtääpyë mëti'ipë tso'ontëpën xëëwpëtsëmtsyow.

Lucas 1:39

Ko jëtu'un jyäjty kyëpejty, ënät ja Maria tsyo'ony ets ojts nyijkx tunjotm kopkjotm jam Judea itjotm.

Lucas 2:18

Ets ko jëtu'un tmëtoowtë ja ja'ayëty wi'ix ja kupixyny këwent'ajtpë y'ëna'antën, mëjmëtoy ojts tmëtowtë.

Lucas 5:26

Ets ja ja'ay mëj ixy t'ijxtë, ojts ja Dios näjyëtu'un tmëjjaw tjaantyjawëtë ets y'ënantë: Mëj winma'any ya'atë ja kënu'kxën tyam të n'ijxëmë.

Lucas 7:16

Ko jëtu'un t'ijxtë, tääts ni'ëmukë tsyë'këtyë ets ja Dios tmëjja'aw tjaantyjya'awëtyë ets y'ënantë: Tu'uk ja Dios kyäjpxynyajxpë të kyëxë'ëky ma ëëtsajtëmën. Näyjyëtu'un y'ënantë: Tëë ja Dios tniminy tnija'ty ja jyä'äy.

Hechos 19:17

Ni'ëmukë ja jutiis ja'ayëty ets ka'apë jyutiisëty, mëti'ipë jam tsënaaytyëpën Éfeso, tnija'awëtyääytyë ets ja tsyë'këtyë. Jëtu'un ja Wintsën Jesús ja xyëëw ni'ikyë myëjtëjkëy.

Hechos 2:43

Ja ja'ayëty mëj'ixy t'ijxtë ko ja ijxpëjkpëtëjkëty tyaj'ixëtë ja Dios ja myëj'ajtën kanaakpëky.

Hechos 5:11

Ënet ja mëpëjkpëtëjk tsyë'këtyääytyë, mëët ja ja'ayëty mëti'ipë y'ixtë nyija'awëtyën tii të tyuny të jyätyën.

Hechos 5:5

Je'eyë ja Ananías jëtu'un tmëtooy, ooky tyimnakëtäky. Ets mëti'ipë y'ijxtën nyija'awëtën, ni'ëmukë tsyë'këtyë.

Josue 10:40

Jëtu'un'äämpy yë Josué ojts tniwa'kta'ay tampë ja it naaxwiinyëtë. Ojts tyaj'o'kta'ay ja yajkutujkpëtëjk jampë yajpaatën ma ja kopkjotmën, ma ja Négueb tnitänën, jam joyjyotm ma ja winjënakën. Yajkutëkooytyääy winë ets ojts tyaj'o'kta'ay ja ja'ay jampë tsyëënëtën. Ni pën ojts juuky tkayajwë'ëmy, jëtu'un tuuny tä ënety ja Wintsën mëti'ipë Tyios'ajtypyën yë Israel ja'ayëty të tyuk'ëne'emyën.

Josue 10:6

E ko ja Gabaón ja'ayëty jëtu'un t'ijxtë ënätyë ojts tkäjpxynyikäxtë ja Josué jam Guilgal ma ënety jam yajpaatyën ets t'ënëmaaytyë: Wintsën këtii ëëts jëtu'unyë xynya'ixtë. Min poj'am putëjkëtëkës, tun yë mëyajtën ets niwaantutëkës, tëë yë yajkutujkpëtëjk mëti'ipë Amor ja'ayëtyën tu'ukyë nyäpyëkëtë jampë kopkjotm yajpaatën etsës xynyitëkëja'antë.

Apocalipsis 11:11

E ko mëtëkëëk xëëw ja kujkm ënety të nyäxy, ënät ja Dios të yajjuukpyëkëtë ets jatëkok të pyëtë'ëktë e mëti'ipë të t'ixtën yajxon të tsyë'kënëtë.