Lucas 1:35 - Biblia Dc en Mixe de Quetzaltepec

³⁵ Tääts ja tsajpjotmëtë kukäjpxy y'ëtsooy: Minaanp ja Kënu'kxymyëkajtën ma mijtsën, Dios ni'ik këjxmëpë myëk'ajtën myajnitukëtëp ijxtëm tu'uk ja yootsën, paaty ya'atë mëxu'unk mëti'ipë minaanp ja'taanpën, wa'ats yë'ë, Dios U'unk yë'ë.

Biblia Mixe de Quetzaltepec

³⁵ Tääts ja tsajpjotmëtë kukäjpxy y'ëtsooy: Minaanp ja Kënu'kxymyëkajtën ma mijtsën, Tios ni'ik këjxmëpë myëk'ajtën myajnitukëtëp ijxtëm tu'uk ja yootsën, paaty ya'atë mëxu'unk mëti'ipë minaanp ja'taanpën, wa'ats yë'ë, Tios U'unk yë'ë.

Lucas 1:35 ပူးပေါင်းရင်းမြစ်များ

Mateo 1:18

Jëtu'un ja Wintsën Jesukristë myiiny kye'exy. Yë Maria, ja Jesús tyaak, yë'ë ënety mëët ja José tsyëënëja'any. Ka'anëm ënety tsyëënëtë tääts ja Maria ojts wyi'imy u'unk mëët, ja Wintsën ja myëk'ajtën y'oyajtën ojts tyukëtä'äkyë.

Juan 1:49

Ënet ja Natanael y'ënëmaayë: Wintsën, mijts ja Dios m'u'unk'ajtëp, mijts ja Israel ja'ay yajkutujkpë.

Juan 1:34

Tëës n'ixy, ëjts ijxpë nija'apës je'eyë ko yë'ë Dios y'u'unk'atyë.

Romanos 1:4

je'eyëp ko jyuukpyijky o'kpë akujky jää ojts y'awinpity Dios u'unk, mëët ja kuttujkën, ets mëët ja mëk'ajtën mëti'ipë yajwatspën.

Mateo 1:20

Tëë ënety ja José jëtu'un myäy tyäjy ko ojts t'ixy kuma'ayjoty tu'uk ja Wintsën ja y'anklës. Tääts ojts y'ënë'ëmxëty: José, David yë tyëëmp y'aats, këtii xytsyë'ëkë ko xytyo'oxytyëjk'atëty yë Maria, yajminäämpy tu'uk yë mëxu'unk, Kënu'kxypyë Mëk'ajtënkyëjxm.

Marcos 1:24

Jesús, Nazaretëtë ja'ay, ¿tii mtsojkpy mëët ëëtsëty? ¿Yë'ë mijts të xynyiminy etsës xyajkutëkoya'antë? Wa'ats mijts n'ixy'äty; mijts Wa'ats yë Dios myajnaxyë.

Mateo 27:54

Ko ja tsiptuunpë wintsën jëtu'un t'ijxtë, mëti'ipë ënety jam kyëwent'ajtëpën ja Jesús, ko nëkoo ja naaxwiinyëtë y'ëkyu'kxnë, ënät tsyë'këtyë ets y'ënantë: Tëytyëm ko tääpë ja'ay Tiostëm ijty U'unk'ajtëp.

Hebreos 4:15

Jä'ä ko ja nteety wintsën'ajtëmë, xypya'ëyo'owëm yë'ë ets nyija'awëp wi'ix nkamëtakëmën, jä'ä ko näjyëtu'un të yajpëjktä'äky wi'ix jeexyë pyokytyunyën, jëtu'un ijxtëm ëëtsajtëm nyaj'ijxmajtsëmën.

Lucas 1:27

ets tku'ixëty ja to'oxy'ëna'k ka'apë ye'etyëjk tmëët'atynyëmën, mëti'ipë xyëëwajtypyën Maria. Ajaaymyuky ënety y'ijnë ets ja José tmëëtsëënëja'any, yajkutujkpë David y'u'unk y'ok.

Gálatas 2:20

ka'ap y'ëjtsëty n'ëkjuuky'ajnë, Kristë juuky'ajnëp maas ja njot nwinma'anyën. Ja juukyajtën mëti'ipës ja nnini'kx tyuk'oy'äjtypyën, paaty jyuuky'äty jä'äs ko nmëpëky ja Dios ja y'U'unk, mëti'ipës të xytsyokyën etsës të xykyu'oo'kë.

Hechos 8:36

Jëtu'un tyu'uye'eytyë, ënät ja nëë tpatë ets ja Etiopíë ja'ay y'ënäny: Tyaa nëë, ¿ka'ap jëtää y'oyëty koos nnëëpätëtyë?

Job 25:4

¿Paaty, wä'än jëtää tu'uk yë naaxwiinyëtë ja'ay wa'ats nyaxëty Dios wintumë?

Juan 20:31

Paaty ya'atë të yajkëjxja'ay ets miits xymyëpëktëty ko ja Jesús yë'ë Kristë, Dios U'unk ets yë'ë xymyëpëktëty, ets jëtu'un xypaatëty ja juukyajtën xëmëkyëjxmëpë.

Marcos 1:1

Jëtu'un tsyo'ontä'äky ja oy aaw oy ayuk ma yajnimëtyä'äkyën ja Jesukristë, Dios U'unk.

Salmos 2:7

Yë'ëjës nikajpxäämpy nimëtya'akäämpy mëti'ipë yë Wintsën të tuknipëjktaakën; yë'ëjës të xy'ënëëmë: Mijts n'U'unk'ajtyp, ëjts yë njot ne'pny mmëët'ajtyp.

Job 14:4

Ni pën tkayajpëtsëmëty yë wa'atspë ma mëti'ipë ëxëëkën.

Efesios 2:3

Näyjyëtu'un ijty njuuky'ajtëm ni'ëmukë, yë'ë npatu'unëm ja nkë'ëm winma'any'ajtëm, ja poky ets ja ëxëëk atsojkën. Jëtu'un ijty n'ijtëm ijxtëm ja ja'ay oy pyënëtyën, paatykyëjxm ijty xypyaat'ajtëm ja Dios ja myëj tëytyu'unën.

Mateo 14:33

Ets pënjaty ënety jap kepy nëëwinye'epyëjoty, ojts nyäkyoxtënaaytya'akëtë Jesús wyintuuy ets t'ënëmaaytyë: Tëy jëtu'un, Dios U'unk mijts.

Mateo 4:3

Ënet ja mëjku'u nyimiinë ets wyinma'any ixa'anyë, ets y'ënëmaayë: Pën Dios mijts mU'unk'ajtëp, t'ënëëmë ya'atë tsaa ets y'awinpitëty tsajpkääky.

Salmos 51:5

Tyamës yajxon nikäjpxy koos ëxëëkës nja'ay'äty, jëtu'unës ntimmyiiny ntimyjyä'äjty naaxwiiny naaxkëjxy pokyjyä'äy, koos ënety njap'atynyëm ntaakës jyootjoty.

Job 15:16

ni'ik yë ja'ay, mëti'ipë pokytyum xëmë yajpatpën ets aakjä'ä xëmë y'ijxyp tyuunpy ka'apë y'oyëtyën, mëti'ipë pokytyuunpën tä jeexyë nëë t'uukyën.

Lucas 1:34

Tääts ja Maria tyajtëëy ja tsajpjotmëtë kukäjpxy: ¿Wi'ixtsën ya'atë jëtu'unpë tyuna'any jyata'anyë? kajts mëti'ipë ye'etyëjk nmëët'atynyëmës.

Lucas 1:36

Näy pyatäämpy ja mtsëkuu Isabel tu'uk ja u'unk, oy tëë jyamëjja'ayënë; mëti'ipë ijty tyijtëpën ko ka'ap tjëkyepy y'u'unk'ixëty, tam tyam ja mëxu'unk tnëkëjxm'aty mëtuktujk tyam ja pyo'o.