Lamentaciones 5:8 - Biblia Dc en Mixe de Quetzaltepec

⁸ Ëyoopëtëjkëty mëtuunpëtëjkëty tyam ëxëëk xytyuuntëpës ets ka'ap pën mëti'ipës xyajtso'oktëpën kyë'ëjootjotyëty.

Biblia Mixe de Quetzaltepec

⁸ Ëyoopëtëjkëty mëtuunpëtëjkëty tyam ëxëëk xytyuuntëpës ets ka'ap pën mëti'ipës xyajtso'oktëpën kyë'ëjootjotyëty.

Lamentaciones 5:8 ပူးပေါင်းရင်းမြစ်များ

Zacarías 11:6

Näyjyëtu'unës ëjts ka'apës mpa'ëyowa'antë yë ja'ayëty mëti'ipë yaa tsënaaytyëpën ma ya'atë naax kajpnën, ni'ikyës nkë'ëyajkta'aja'antë ma jyiiky myëku'ukëtyën ets ma kyutujkpëtëjkëtyën. Ets yë'ëjëty tyajkutëkoya'antë yë naax kajpn ets ni pën nkayajtso'oka'anyës ma kyë'ë y'aawëtyën. Ëjts Wintsën, ëjts yam ënaanp.

Nehemías 5:15

E ja yajkutujkpëtëjk mëti'ipë ënety jëyëjp të tyuntën je'eyë ijty xëmë ja naax kajpn tuk'atsiptë ja ayajk ako'onën, xëmë ja ja'ay ijty yaj'amëtowtë ja wit meeny këëkwëxtyikxy ja poop pujxn mëti'ipë ja yajkutujkpë nyikayëp nyi'uukëpën. E xëmë ijty winjëpom ja naax kajpn winë tjanty'amëtowtë ets tjantypyëjkëtë. Ëjts ka'apës jëtu'un ja naax kajpn ntuuny jä'ä ko ja Wintsën jä'äs ntsë'këp.

Proverbios 30:22

yë mëtuunpë mëti'ipë yajkutujkpën, ets tsuuja'ay mëti'ipë ka'ap yë kyä'äyën y'ukën tyaj'ëmaaytyä'äkyën,

Oseas 2:10

Nëjkxëp y'ixyë y'atsoky ye'etyëjk ko ënety niwa'ats ëxwa'ats nyajwë'ëmyës. Ni pën nëjkx kyamayë tjëwowëty maas nkë'ë jotmën.

Isaías 43:13

Jëtu'un tyimminy tyimku'ty, ëjts jëtu'un Tios'ajtp ets ni pën kyamayëtëty tjëjpmëwa'akëty ja nmëk'ajtënës. Ni pën kyamayëtëty ets tyajma'atëty mëti'ipës tëë ntuknipëjktaakën.

Salmos 50:22

Ja'aykyukëtë yajxon ya'atë, miitsëty jënu'un yë Dios ijxtëkoy ja'atyëkoy xyaj'itën, këtiipë ajotkumonë n'awots ntukwotsëtëty ëkë ëxëëk ntuntëty ma ka'ap pën myajtso'oka'anëtën.

Job 10:7

¿Ets oy xyjyanija'apë ko ëjts ka'apës tii poky nmëëtëty ets ka'ap tjëkyepy ni pën xyjyuutëtyës mkë'ëjootjotyë?

Job 5:4

Yë y'u'unk y'ëna'k ni pën kyaputëkëty. Ko yë yajkutujkpëtëjk pyaye'exyëty yë pyoky, ni pën kyapukajpxëty.

Nehemías 2:19

E ko tnija'awëtyë yë Sambalat jampë kyukajpnëtyën Horón, Tobías, mëti'ipë Amón ja'ayën ets ja Guésem mëti'ipë árabe ja'ayën, je'eyës ojts xynyëxi'ik xytyukxi'iktë ets ni'ikyënëmës ojts wiinkjaty xy'ënëëmëtë: ¿Tiitën miitsëty mtunantëp? ¿Ti wä'än jëtää mijts ja yajkutujkpë xypyuwa'ktu'uta'antë?

Deuteronomio 28:43

Yë jaaypyaat jaaypyo'kxyëty nëjkxëp myëkta'aktë ma mnaax mkajpnën, e mijts ni'ikyë ja mkutujkën kyujënakëty.

Génesis 9:25

ets y'ënäny: Poky y'itëty yë Canaán Tuumpë je'eyë wya'anëty ma ja nimäjtskpë y'äjtyën.