Lamentaciones 5:6 - Biblia Dc en Mixe de Quetzaltepec

⁶ Koos nkääky n'uuky ntsojktë, jëyëjpës ojts yë Egiptë ja'ayëty ets Asiria ja'ayëty nmëtuntës.

Biblia Mixe de Quetzaltepec

⁶ Koos nkääky n'uuky ntsojktë, jëyëjpës ojts yë Egiptë ja'ayëty ets Asiria ja'ayëty nmëtuntës.

Lamentaciones 5:6 ပူးပေါင်းရင်းမြစ်များ

Oseas 12:1

Yë Efraín poj jyi'kxyp: Tu'kxëëw tpaye'ey yë poj mëti'ipë xëëwpëtsëmtsyow tso'onpën. Këjääjëp yë wyin'ë'ënën ets tsyip y'äkë. Yë Asiria ja'ay yë'ë mëët käjpxytyu'unën tuny ets Egiptë ja'ayëty tyuknikejxyp yë olivë on tä tu'uk näynyamo'ojën.

Oseas 9:3

Wimpitäämpy yë Efraín jatëkok jap Egiptë ets jam Asiria jyë'kxäämpy yë ëxëëkpë jë'kxy pëky. Ka'ap y'ëktsëënëjanë jam ma Wintsën yë kyajpnën,

Oseas 7:11

Yë Efraín jëtu'un tä tu'uk yë pakën tëëpë kyumu'ukyën, ka'apë wyijyëtyën: Y'amëtoopy yë näypyutëkë jap Egiptë ets nän y'amëtoopy yë näypyutëkë yë Asiria ja'ayëty.

Oseas 5:13

Ko yë Efraín nye'ixëtëty pëjkëp ijxëp ets Judá t'ijxpaatëty yë tsyëtyut, ënät nëjkx yë Efraín nyijkxy jam Asiria ets putëjkën t'amëtowëty ja Asiria yajkutujkpë, e yë'ë ka'ap nëjkx myäyë wi'ix yajtsokxëtëty ja pyu'uts ets ja tsyëtyut.

Jeremias 2:36

¿Wi'ix ko janty poj'am xytyimyajtëkatsa'any ja mja'ay mëti'ipë mëët mnäpyiky mnämyätsyën? Näyjyëtu'un ënät ja Egiptë kajpn ka'ap oy mmëtuna'anyë, tä ja Asiria kajpnën ka'ap ojts oy mmëtunyë.

Jeremias 2:18

¿Tii ënät mtimpyaat mtimy'ixëp ko mnëjkxëty jap Egiptë ets xy'uukëty ja Nilë nëë? ¿Tii ënät mtimpyaat mtimy'ixëp ko mnëjkxëty jam Asiria ets xy'uukëty ja Éufrates nëë?

Génesis 24:2

Paaty ojts tëkok t'ënëëmë ja tyuunpë mëti'ipë mëjja'aynyën mëti'ipë kyëwent'ajtypyën tu'kë'ëyë winë mëti'ipë ja Abraham myëët'ajtypyën. Tä t'ënëmaay: Pëjkta'ak yë mkë'ë ma npuuypya'tkënës.

Ezequiel 17:18

jä'ä ko tëë tnëxi'iky tukxi'iky ja käjpxytyu'unën ets ka'ap të tpatuny ijxtëm ojts yajkäjpxy'ätyën, je'eyë ojts winë tkupëky ets ka'ap t'ëkpatuunë. Paatykyëjxm ka'ap tjëkyepy juuky kyä'äkëty.

Jeremias 50:15

Xii yaa tukyaax tukjokëtë ko mtsiptuna'antë. Ka'ap ja Babilonyë y'ëkmëtaknë. Tëë jyijta'ay ja pyotsy ma ënety kyëwent'atën, tëë jyijtë'kta'ay ja potsy mëti'ipë ja kajpn nyapots'ajtypyën. Jëtu'unës ntuunwinpita'any mëët koos të xymyëtëkoytyë: Tuunwinpitë ijxtëm të mtunëtën.

Isaías 57:9

Pëyi'ikyë ojts xynyinëjkxy ja tios Mélec ets oyjätyëty ja pa'akxu'kpë tsooy të xymyënëjkxy; jëkämpaat xykyejxy yë mtuunpë ets xynyikäjxëy ets myinëty, koonëm xyajkuka'anajxy jap ma o'kën yajkutukyën.

2 Reyes 10:15

Ko ja Jehú ojts jam tsyo'onë ets nyëjkxnë, jam mëët tu'u'am nyäpyatë yë Jonadab, myaank yë Recab, yë'ë ënety nimiinëp ets kyajpxpo'kxa'anyë. Tä ja Jehú ojts tkajpxpo'kxy ets t'ënëmaay: ¿Wi'ix oy xynyiminyësë, jëtu'un tääjës ëjtsën ma mijtsënë? Jëtu'un, oypyës nyajmiinpy, jëtu'un y'ëtsooy ja Jonadab. Pën jëtu'un mooykyës yë mkë'ë, jëtu'un y'ënäny yë Jehú. Tä ja Jonadab myooyë ja kyë'ë ets ja Jehú jam mëët pyejty ma ja pyujxn wintëkäämpën.

Lamentaciones 4:17

Ëëtsajtëm oy jënu'un wiin nyaj'ënu'kxëmëty ets oy jënu'un nja'ëwxijtmëty ja näypyutëkë, ka'ap tii mpaata'anëmë. Yë'ë ntsaty'ëwxijtëmë tu'uk yë kajpn mëti'ipë ka'ap tjëkyepyën xyajtsokmëty.