Lamentaciones 5:20 - Biblia Dc en Mixe de Quetzaltepec

²⁰ ¿Wi'ixës ko xëmë xyjyä'äytyëkoytyë? ¿Wi'ixës ko jeky xy'ëxmatstë?

Biblia Mixe de Quetzaltepec

²⁰ ¿Wi'ixës ko xëmë xyjyä'äytyëkoytyë? ¿Wi'ixës ko jeky xy'ëxmatstë?

Lamentaciones 5:20 ပူးပေါင်းရင်းမြစ်များ

Salmos 44:24

¿Wi'ix ko mnäyu'utsyë? ¿Wi'ix ko xyjyä'äytyëkoytyës? ¿Këtii xy'ixy koos n'ëyowtë?

Salmos 13:1

Wintsën, ¿Jëna'apaat ja'atyëkoy xyaj'ita'anyës? ¿Xëmëkyëjxmën ja'atyëkoy xyaj'ita'anyësë? ¿Jëna'a je'eyë mnäyu'utsa'anyë ko mijts niminëty?

Salmos 89:46

Mijts Wintsën, ¿Jëna'a mwa'këxë'ëka'any ma tyam yu'utsy myajpaatyën? ¿Jekpyaat xyajtoyä'äny yë mtsip m'äkë tä jëën tyoy jyemyënë?

Salmos 85:5

¿Ëkë winë xëëw winë jëmëjt xyaj'ita'any yë mtsip m'äkë mëët ëëtsëtyë?

Salmos 79:5

Mijts Wintsën, ¿Jëna'apaat mijts mjoot'anpëka'any? ¿Xëmë yë mjoot'an tyoyä'äny tä jëënënë?

Salmos 74:1

Dios, ¿wi'ix koos xëmëkyëjxm xy'ëxmats xymyajtstu'utë? ¿Wi'ix ko nëkooyë të xytyimtukjoot'anpëky yë m'u'unk m'ëna'k mëti'ipë jëtu'un mmëët'ajtypyën tä yë kupixyny ëna'k myäytyänëtën mëëykyijxy ujtskëjxy?

Isaías 62:6

Jerusalén, jam ma mpotsykyopkën tëëjës jam npëjktä'äky yë këwent'ajtpë, xëëny koots y'ëna'antë: Këtii m'ëmontë miitsëty mëku'uktëjkëty mëti'ipë Wintsën myëkajpxtëpën,

Salmos 13:2

¿Jëna'a ka'ap n'ëkmoon n'ëktujknëtyës ets jëna'a ka'ap ja njot nja'awënës y'ëk'ëyoownëty? ¿Jëna'a ka'ap ja nmëtsipës xy'ëk'ënä'ämnëty?

Salmos 42:10

Jëtu'unës yë nwaay mpajk pyëjknë y'atoonë koos xyajjoot'anpëktë yë nmëtsiptëjk, ets janaam jatsojk xyajtëwtës: ¿Ma ënät ja mTios?

Isaías 49:14

Jëtu'un ënety ja Sión y'ënä'äny: Tëës yë Wintsën xymyajtstutnë ets tëëjës xyjyä'äytyëkooynyë.

Jeremias 14:9

¿Wi'ix ko jëtu'un myaj'ixy tä tu'uk ja'ayën mëti'ipë kumo'on kutujkëpën ëkë tä tu'uk tsiptuunpë ja'ayën mëti'ipë ka'ap myäyën pyutëkëty? E mijts Wintsën, itkujky mjayajpaaty ma ëëtsëtyën, ni'ëmukë ëëts nijawëtë ko ëëtsëty xykyajp'atë; këtii ëëts xy'ëxmatstë.