Lamentaciones 5:18 - Biblia Dc en Mixe de Quetzaltepec

¹⁸ Yë Sión kopk tsaanipiyën je'eyë kyëxë'knë; yë wax je'eyë najxnëtëp tëjkënëtëp.

Biblia Mixe de Quetzaltepec

¹⁸ Yë Sión kopk tsaanipiyën je'eyë kyëxë'knë; yë wax je'eyë najxnëtëp tëjkënëtëp.

Lamentaciones 5:18 ပူးပေါင်းရင်းမြစ်များ

Miqueas 3:12

E paatykyëjxm, mëët ko miitsëty ka'ap tii oy xytyuntë, yë Jerusalén kajpn, mëti'ipë yajtijpën Sión kopk, jëtu'un jyata'any tä ja'ay yë kyam tnëëtu'utajta'ayën ets xit ko'ow jyata'any ets ja Sión kopk nëjkx wyinyo'onëtyä'äy, ujtsjoty nëjkx y'awinpity.

Jeremias 9:11

Yë Jerusalén kajpn, tsaa jëtätjot ets wax ijtakn nyaj'awinpita'anyës; yë Judá kajpn aanë'ëk tëëtsë'ëkës nyaj'awinpita'any ets ni pën jam kyatsëënëja'any.

Jeremias 52:13

ets tno'ktëkooy ja tsajptëjk ets ja kutujkëntëjk ets ja jëën tëjk jampë kajpnjotm yajpaatyën, yë'ë ni'ik ja wintsëntëjkëty ja jyëën tyëjkëty mëti'ipë ënety mëj'äämpy të y'itën;

Jeremias 26:9

¿Ma jëtu'unpë winma'any xypyiky ko m'ëna'any ko ya'atë tsajptëjk mëti'ipë Wintsën tyëjk'ajtypyën jëtu'un jyata'any tä jyäjtyën jam Siló ets ko m'ëna'any ko ya'atë naax kajpn kyutëkoyä'äny ets tukwa'ats wyë'ëma'any ets ko ka'ap yaa pën tsyëënëja'any? Tä ja mayjyä'äy myujkpejty ets ojts tyajnatuktë ja Jeremías.

Jeremias 17:3

ets jam muum aayjyotm ujtsjotm. Mëët ja nëë poky mëti'ipë të xytyunyën, mijts mniminanëp yë mä'tspë ets tyajnëjkxta'aja'any ja mwit mmeeny ets mëti'ipë pëjkë'ëky myaj'ijtypyën, wa'ats tyajnëjkxta'aja'any, ja mpëjktä'äky mëti'ipë jam muum myaj'ijtypyën tunkëjxm kopkëjxm ets ma tëkokyë ja m'itjot mnaaxjotmën.

Nehemías 4:3

Tam ja Tobías ënety näjyëtu'un pya'u'unyëty ets ojts y'ënaanpë: Ixtë, ko xyijy yë pyotsyëty jam wintu'upëky t'oytyuntë, mëpaatëp jam tu'uk wax kyëxpujnë ets tyajëmaamkëta'akëty.

Salmos 63:10

Kupuxy y'ooka'antë, ets pa'uk nëjkx tsyu'utsëtë.

Daniel 9:17

Mijts Dios, mëtoow'it ja jëëytyak nu'kxtakën mëti'ipë ya'atë mtuunpë yäjkpyën; yajmëjnax mxëëw Wintsën, ets ko xymyëët'aty ja tsojkën ja'awën, ni''ijxkëta'ak yë mnaax mkajpn ets mtsajptëjk, ix o'ktëy të jyajnë.

2 Reyes 25:9

ets tjëën ixko'onëtyë ja tsajptëjk, ja akujktëjk ets tëkokyë ja jëën tëjk mëti'ipë ënety jam kajpnjotm yajpatëpën; jä'ä nyino'ktë jëyëjp ja tyëjkëty ja wintsëntëjkëty,

Isaías 64:9

Wintsën, këtii janty nëkooyë mtimjyoot'anpëky ets xëmë xytyimja'amyetsy ëëts ja ntuuntëko'oy nkajpxtëko'oyënëty. Ëk'ix, ëëts mijts xykyajpn'ajtëp.

Jeremias 9:10

Nimon nituktë ja tun kopk, nijë'ë niya'axtë ja aayjyot ujtsjot, jä'ä ko tëë tyëtsta'ay ets ni pën jam kya'ëknajxnë; ka'ap y'ëkyajmëtoownë ja tsajpkaa jam myu'utë, yë'ëpaat yë joon ets aayjëyujk ujtsjëyujk mëti'ipë tsu'tstëpën të kyäkta'atë.

Jeremias 44:2

Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Miitsëty tëë xy'ixtë ja ëyo'on jotmay mëti'ipë jam Jerusalén të y'ityën ets ma Judá nyaax kyajpnën. Tyam xit ko'ow yajpaaty ets ka'ap jam pën tsyëënë

Jeremias 44:6

Ënet njoot'anpëjkyës ets n'ëwa'antäkyës, jëtu'un tä jeexyë yë jëën tsyooypyijkyën jam Jerusalén ets jam Judá ets të mya'taay ja naax kajpn, xit ko'ow të jya'ajtaay tyampaat je'eyëm jam.

Ezequiel 13:4

Mijts Israel, yë mkäjpxynyajxpëtëjk, jëtu'un yë'ëjëty tä maywyax muum yajpaatën ma naax kajpnën tëëpë xit ko'ow jyajta'ayën.