Lamentaciones 4:19 - Biblia Dc en Mixe de Quetzaltepec

¹⁹ Ni'ik pye'tym'ajnëtë yë nmëtsipëtyës këtiinëm jyëtu'unëty yë witsn mëti'ipë tsajpkëjxy kääkjëtijtëpën; koos njanëjkxtë kopkkëjxm tamës xypyaja'të, koos nëjkxtë të'ëts'itjotm tamës xypyaja'të.

Biblia Mixe de Quetzaltepec

¹⁹ Ni'ik pye'tym'ajnëtë yë nmëtsipëtyës këtiinëm jyëtu'unëty yë witsn mëti'ipë tsajpkëjxy kääkjëtijtëpën; koos njanëjkxtë kopkkëjxm tamës xypyaja'të, koos nëjkxtë të'ëts'itjotm tamës xypyaja'të.

Lamentaciones 4:19 ပူးပေါင်းရင်းမြစ်များ

Habacuc 1:8

Ni'ik yë kyëwaayëty pe'tym pyëyë'knëtë këtiinëm jyëtu'un'atë yë kaa; ni'ik y'ajëjnëtë këtiinëm jyëtu'un'atë yë wax të'ëts'itjotmëpë. Nimay yë kyëwaayëty jyänty myintë pëyi'ikyë ma jam ja tsip y'ita'anyën, jëtu'un myintë tä yë witsn tnikëtä'äkyën yë jëyujk mëti'ipë myatsäämpyën.

Jeremias 4:13

Ëk'ixtë wi'ix myinyën yë mëtsip tä tu'uk yootsën, yë pyujxnwintëkäämpë jëtu'un yaj'ixy wyinkontë pojxujtykyën, yë kwaay jëtu'unyë yaj'ijxnë kyääkë'knëtë witsnën. Janty mon janty tuk ëëtsajtëm nyajpatëmë, tëë ntëko'oyëmë.

Oseas 8:1

Tukxu'ux yë mxuxn tä tukxu'uxyën mëti'ipë këwent'ajtpën ma Wintsën yë kyajpnën. Jä'ä ko tëë ja käjpxytyu'unën tjëënaxy ets tëë tkäjpxykyumëtoownaxy ja n'ijxpëjkënës.

Deuteronomio 28:49

Jëkäm yë Dios tyajtsoona'any yë naax kajpn, mëti'ipë poj'am mtukja'tëtëpën tä tu'uk yë witsnën; ja aaw ayuk mëti'ipë kyajpxtëpën, ka'ap nëjkx xywyinjawë;

Amós 2:14

Oy jënu'un mjakä'äktëty poj'am myajnajtspaatëtëty; mëti'ipë jotmëk janäyjya'awëyëpën jëtu'unyë myëjaawkëxa'any, oy yë'ëjëty ja'ay mëti'ipë jotmëkën ka'ap tsyo'oka'any.

Jeremias 16:16

Ëjts Wintsën jëtu'unës n'ëna'any: Nyajminäämpyës ja'ay mëti'ipë nëë jëyujk majtstëpën ets tmatstëty ja Israel ja'ay. Ok nyajmina'anyës nimay mëti'ipë aayjëyujk ujtsjëyujk y'ijxtaaytyëpën ets tmajtsmuktëty ja Israel ja'ayëty tunkëjxmëpë kopkëjxmëpë tsyëënëtën.

Lamentaciones 1:13

Jam tsajpjotm yë Wintsën të xytyuknikexyës yë jëën mëti'ipës nwaay mpajk të tyajtooytyëkoyën; jam ntu'u'amës jamës yë xyoky etsës të xyajwinpity; tëëjës xynyike'eky ets xëmës n'ëyoy njotëkoy.

Oseas 8:3

E yë Israel tëë t'ixtijy mëti'ipë oyën, paatykyëjxm yë myëtsip y'ëxjëtita'any pyajëtita'anyë.