Lamentaciones 3:40 - Biblia Dc en Mixe de Quetzaltepec

⁴⁰ Tsojk nmëma'ay nmëtajëmë wi'ix nyajpatëmë ets tsojk niwinpijtëmë yë Wintsën.

Biblia Mixe de Quetzaltepec

⁴⁰ Tsojk nmëma'ay nmëtajëmë wi'ix nyajpatëmë ets tsojk niwinpijtëmë yë Wintsën.

Lamentaciones 3:40 ပူးပေါင်းရင်းမြစ်များ

2 Corintios 13:5

Nämyëmay nämyëtajëtë miits kë'ëm ets xy'ixtëty xynyijawëtëty pën mjantymyëpëjktëp ja Jesukristë. Näwyinma'any'ixëtë miits kë'ëm. ¿Këtii xynyijawëtë ko ja Jesukristë yajpaaty mëët miitsëtyë? ¿Ëkë nëkoo miits mnanyikajpxëtë ko Kristë xymyëpëktë?

Salmos 119:59

Ënätës të nmëmay të nmëtajy wi'ixës winë ntunyën, täätsës jatëkok të n'ëna'any ni'ik jaak'oy yowë koos yë m'ënä'ämën mtëyajtën nkuuytyunëty.

Salmos 4:4

Mëët'atë ja näywyinkutsë'kën ets këtii mpokytyuntë. Ko ënety jam mmaanëtë mpo'kxnëtë, ëk'itë amonyë ets mëmay mëtajtë pën oy winë të xytyuntë.

Isaías 55:7

Ja ëxëëk ja'ay wä'än ja ëxëëk në'ë ëxëëk tu'u t'ëxmatsy, mëti'ipë je'eyë ëxëëkpë myëmääpy myëtäjpyën, wä'än t'ëxmatsy; ijxkaptë pën Wintsën'ajtp, ets mpa'ëyow mnajts'ëyowëtëty; yë'ë Wintsën mëjwa'kpätë, mëti'ipë yäjkpyën winë ets mpokymyä'kxëtëty.

Oseas 6:1

Mintë ni'ëmukë ets tsojk Wintsën niwinpijtëmë. Yë'ë atëj awäxë të xytyu'unëmë nän yë'ë mayanëp ets xyajtsokmëty; ojts xyajtsëtyujtëmë je'eyëp ko ojts näjyëtu'un xyajtsokëmë.

1 Corintios 11:28

Paaty, jëyëjp xy'ixtëty xytyuntëty ja mjuukyajtënëty wi'ix myajpaatën naamka'anëm ënety xykyäytyë xy'uuktë ya'atë a'ux.

1 Corintios 11:31

Kooxyëp jeexyë kë'ëm näyaj'o'oyëmë, ka'ap ja Dios jeexyë xytyiytyu'unëmë.

2 Crónicas 30:6

Tä ja kukäjpxy ye'eywya'kxtaaytyë, jä'ä myënëjkxtëp ja yajkutujkpë ja y'aaw y'ayuk, ma ja ënä'ämën kuttujkën tpëjktäkyën: Miitsëty Israel ja'ayëty yajwinpitë jatëkok ja mjot mwinma'anyëty ma ja Wintsënën, mëti'ipë ja Abraham, Isaac ets ja Jacob Tyiosajtën ets yë'ë mnijootwinpitëtëty ets näjyëtu'un ja ja'ayëty mëti'ipë të tkukä'äktën ja Siria ja'ayëty, Sirië yajkutujkpëty.

Ezequiel 18:28

Ko wyinma'anypyaatëty ets t'ëxmatsëty yë ëxëëk në'ë ëxëëk tu'u, tääpë ja'ay juuky'ataanp yë'ë ets ka'ap y'ooka'any tyëkoyä'äny.

2 Crónicas 30:9

Pën miitsëty mja'amyäjtstëp ja mWintsën Dios, mpa'ëyowanëtëp yë'ë ets tyuktëkëjäämpy ja yajkutujkpëtëjk mëti'ipë të tmatstën ja mjëëky mmëku'uk ets tnajtsmatsëtëty ets tpaatëty jatëkok ja nyaax kyajpnëty, jä'ä ko yë Wintsën pa'ëyoop najts'ëyo'owëp yë'ë, ka'ap jëtu'unyë mnajts'ixëja'anëtë pën myajwinpijtëp ja mjot mwinma'anyëty.

Deuteronomio 4:30

Ma ënety miits xymyënax xyajnaxtën ja ëyo'on jotmay ets ja monyëtukyë ets mjootwinpitëty jatëkok xymyëmëtowtëty ja mWintsën Tiosëty.

Hechos 26:20

Täätsës jëyëjp ojts ntuk'ëwaanëtë ja Dios ja y'aaw y'ayuk ja ja'ayëty mëti'ipë jam tsënaaytyëpën Damaskë ets näjyëtu'un jam Jerusalén ets mëti'ipë jam ijtëpën Judea y'itjotm; näjyëtu'un ntuk'ëwa'anëtyës mëti'ipë ka'ap jyutiis ja'ay'atën. Jëtu'unës ja ja'ay n'ënëmaay ets jyotwinpitëty ets ja Dios tmëpëktëty ets jëtu'un tyajnikëxë'ëktëty ko tëë t'ëxmatstë ja y'ëxëëk winma'anyëty.

Oseas 12:6

Paaty myaj'ënëëmë mijts Israel, niwinpit yë mTios; oy winë xytyunëty ets tëy jaanty, yë Dios yë'ë xëmë mtuk'ijxpätëp.

Oseas 5:15

Etsës jatëkok nwinpita'any maas n'ityën, koonëm yë pyoky kë'ëm tja'awëy'itëty ets xy'ixta'atëtyës. Jam ma ënety jë'ë ya'ax yajpaatën, jamës nëjkx xy'ixta'atë.