Lamentaciones 3:39 - Biblia Dc en Mixe de Quetzaltepec

³⁹ Yë naaxwiinyëtë ja'ay pokyjoty je'eyë jyuuky'äty, ¿tii ko nëkoo? y'ënä'äny y'ëti'itsy.

Biblia Mixe de Quetzaltepec

³⁹ Yë naaxwiinyëtë ja'ay pokyjoty je'eyë jyuuky'äty, ¿tii ko nëkoo? y'ënä'äny y'ëti'itsy.

Lamentaciones 3:39 ပူးပေါင်းရင်းမြစ်များ

Miqueas 7:9

Tëë yë Wintsën nmëtëkoyës, paaty nkupëka'anyës yë tsyip y'äkë; yë'ë pyaye'eyäämpy yë n'amay njotmayës ets yajxon ja paye'eyën tuna'any. Yë Wintsën xyajnëjkxaanpës jam ma jajën të'kxën ets xytyuk'ixa'anyës ko ënety myëtä'äky.

Proverbios 19:3

Mëët yë'ë ko ja'ay tsyuujëty, paaty nyë'ëtëkoy tyu'utëkoy; ets ko jëtu'un jyäty, Dios pyoky'ijxyp.

Jeremias 30:15

¿Wi'ix ko m'ëjy mtu'uky ko të mtsëtyuty? Yë mtsëtyut ka'ap tsyo'oka'any. Mëët ko je'eyë të mtuuntëkoy të mkajpxtëkoy ets nëë poky të xytyuny të xykyäjpxy, paaty jëtu'un nyajjaty.

Lamentaciones 3:22

E yë Wintsën, ijxtëm yajnijawën ka'ap yë tsyojkën jya'awën kyixy nyäxy ets y'oy jot y'oywyinma'any ka'ap kyukëxë.

Isaías 51:20

Jëtu'un tä kupixyny ëkë tä tsajppax muum jyänën ets të y'ënu'kxën, jëtu'un ja m'u'unk m'ëna'k të jyatë, jëtu'unyë të myëjaawkëjxnëtë, kujy jëpipy muum të yajpaatë në'ë'aay tu'u'aay tëë tsyëtyujta'atë mëët ja Wintsën ja tsyip y'äkë, ko të tyiytyunëtë.

Job 11:6

Yë'ë, mëët jeexyë wijyajtën kujk'ajtën winë mtuk'ixpëkyë, mëti'ipë tsip yajwinja'apën. Ets jeexyë xy'ëk'ixy ko yë Dios ka'ap mëk mtëytyunyë tä mjapaatyën.

Esdras 9:13

E mëët koos ja nëë poky mëjwiin këjää të ntuntë ets ënät o'ktëy të njajt të nkëpäjnëtës, e oyën ka'ap jëtu'un të xytyim tëy tyuntës ijxtëm ënety jyapaatë'atyën, ix ja ëwaatsëtuuy'ajtën jatëkok të xymyo'otës,

2 Reyes 6:32

Yë Elisejë tam ënety pyo'kxy pyiky ma jyëën tyëjkën mëët ja mëjja'aytyëjkëty. E ja yajkutujkpë tëë ënety tkexy tu'uk ja tyuunpë. E ka'anëm ënety ja yajktutujkpë ja kyukäjpxy jam jyä'ty, ko ja Elisejë t'ënëmaay ja mëjja'aytyëjk: Yajxon ixtë, ix tääpë yaja'ay o'kpë tu'uk të tkexy yë tyuunpë etsës yë nkëpajk xyajjënakanë. E tyam ja'akyukëtë yajxon, ko ënät ja tyuunpë jya'tëty, tääts yë tëjk'aaw xyaj'ëtuktëty wä'än jap tëja'p twë'ëmy, wa'ats yajmëtoy ko tää ja wyintsën pyaminyë.

2 Reyes 3:13

e ja Elisejë tyaa t'ëtsooy ja Israel yajkutujkpë: ¿Ëjts tii winma'anyës yam n'ëkmëët'ajtyp mëët mijts? ma nëjkx yë'ë xykya'ixy ja ja'ayëty mëti'ipë ijty ja mteety xëmë winë yajtëëpyën. E ja yajkutujkpë ni'ikyë tjanty y'ënëëmë ja käjpxynyajxpë: Ka'ap, jä'ä ko Wintsënës të xyajmintë ets ëëtsëty nitëkëëk yë Moab ja'ayëty xyaj'ooktëty.

Apocalipsis 16:9

Jëtu'un ja ja'ay y'o'ktaaytyë mëët ja xëëw'an, je'eyëp ko oy jyajëtu'unënäty ka'ap ninu'un ja wyinma'any tyaj'o'oyëtë; ka'ap ja Dios tja'amyäjtstë mëti'ipë yäjkpyën ja ëyo'on, wäänëni'ik tjaaktimpyokytyuuntë.

Salmos 107:17

Ojts ja yuu pa'am pyaatëtë mëët ko ënety ëxëëk winë tuntë ets ko pyokymyëët'atë,

2 Reyes 6:33

Tam ënety jëtu'un myëtyä'äkynyëm mëët ja mëjja'aytyëjk, ko ja kukäjpxy jyä'äjty ma ja Elisejë ets y'ënäny: Tyamën ja mëk ëyo'on tyunyë jyätyë, ¿ëjts tiijës njaaktimy'ëwxitëp ma yë'ëjën?

Job 15:13

¿Wi'ix ko yë Dios yë'ë xytyukjoot'anpëky ets m'a'ëy m'akäjpxy nëkoo?

Jeremias 10:19

Janty mon janty tukës nyajpaaty. Yë ntsëtyutës ka'ap ma nyitsooy. Ëjts jëtu'unës ënety të nmay të ntajy, nmëmëta'akëpës ntij ya'atë pëjkën ijxën.