Lamentaciones 3:26 - Biblia Dc en Mixe de Quetzaltepec

²⁶ Oy ko yë Wintsën n'a'ijx njëjp'ijxmëty yë näypyutëkë, yë'ë nyija'ap jëna'a xypyutëkëja'anëmë.

Biblia Mixe de Quetzaltepec

²⁶ Oy ko yë Wintsën n'a'ijx njëjp'ijxmëty yë näypyutëkë, yë'ë nyija'ap jëna'a xypyutëkëja'anëmë.

Lamentaciones 3:26 ပူးပေါင်းရင်းမြစ်များ

Salmos 37:7

Ko myajpaatëty Wintsën wintuuy amonyë m'itëty; je'eyë ëwxit mä'kxtuk, xy'a'ix xyjyëjp'ixëty jëna'a mputëkëty. Këtii xy'ëxëëkjawëty ko yë ja'ay nyämyëmëta'akëtëty ma jyuuky'ajtënën, ets ko pën ëxëëk winë tuknipëjktaakëty.

Salmos 37:34

Mijts jämyë këx'ix ma Wintsënën, ets yi'iyë mëmëtow, yë'ë mkumayanëp ets mo'oja'anyë tu'uk yë naax kajpn tä tu'uk yë näkyumayën. Nëjkxëp kë'ëm xy'ixy wi'ix ënety ja ëxëëkja'aytyëjk kyutëkoytyën.

Salmos 130:5

Yajxon ëmuumtu'ukjot n'ëwxityës yë Wintsën, n'ëwxityës jëtu'un yë nWintsënës, ets y'aaw y'ayuk yë'ëjës ntuk'ijxpejtyp.

Hebreos 10:35

Paaty miitsëty jam xypyëjkta'aktëty ja mjot mwinma'anyëty ma Tiosën. Yë'ë nëjkx këjää mmo'ojëtë ja kuma'ayën.

Génesis 49:18

Wintsën n'ëwxijtypyës ets mijts xyaj'ëwaatsëpëtsëmëtyës ets xyajtso'okëtyës.

1 Pedro 1:13

Paaty miits a'ijxp jëjp'ijxp myajpaatëty ets wijy kujk mjuuky'atëty. Nämyëmëta'akëtë, jëjp'ixtë ëmuumtu'ukjot ja mëyajtën mëti'ipë ja Dios tyunäämpyën ko ja Jesukristë myinëty jatëkok.

Hebreos 3:14

Tëë mëët ja Kristë npatëm ja oyajtën, mëët yi'iyë ko ntukjotkujk'ajtmëty mapaat njuuky'ajtëmën ijxtëm të nyajtso'ontakëmën.

Isaías 30:15

Jëtu'un y'ënä'äny ja Wintsën, Wa'atspë yajpaatyën ma Israel ja'ayëtyën: Jootwinpitë ets mjotkujk'atëty; xeemy ets tu'uwitsy nëjkx mjuuky'atë, yë'ë mtukjotmëk'atëp. Je'eyëp ko miitsëty ka'ap oy ja jëtu'unpë xymyëtowtë,

Salmos 119:166

Wintsën, ëjts n'a'ijxyp njëjp'ijxypyës etsës xyajtso'okëty, jä'ä ko ëjts nkuuytyuunpyës yë m'ënä'ämën mtëyajtën.

Salmos 119:174

Wintsën, ëjts ntsojkpyës ets mijts xyajnitso'okëtyës. Ëjts janty jotkujkës nnäjyawëty mëët yë m'ijxpëjkën.

2 Crónicas 20:17

Ma ya'atë tsip tyuna'anyën ka'ap myiitsëty mtsiptuna'antë. Miitsëty je'eyëp ko mnëjkxtë ets jam mna'ix mnawoontëty, je'eyëp ko ënät xy'ixtëty wi'ix ja Wintsën tuna'anyën ya'atë kajpn ets wi'ix myajtso'oka'anëtën. Miitsëty Jerusalén ja'ayëty ets miitsëty Judá ja'ayëty, këtii ninu'un mtsë'ëkëtëty; nëjkxtë jopy wiinkuwa'akëtë tääpë mëtsip, yë Wintsën yë'ë mëët myajpaata'antë.

Salmos 52:9

Dios, kë'ëyxyëëw kë'ëyjyëmëjtës nkukajpxëja'any ma mijtsën mëët ko oy winë xytyuny; mijts xëmë n'ëwxitäämpy ma ja'ayëtyën mëti'ipë wa'ats juuky'ajtëpën, jä'ä ko mijts janty'oy janty tsuj mTios'aty.

Salmos 73:28

E ëjts ni'ikyës yë Dios nmëwinkona'any, jä'ä ko maas ëjtsën, yë'ë tu'uk n'oyjya'apës. Mijts, Wintsën, mijts ntsoktakn'ajtyp, e ëjts kopkpëkyës koos nnikäjpxy mëti'ipë të xytyuny të xykyäjpxyën.

Gálatas 4:18

Oy yë'ë ko nmëma'ay nmëtajmëty ja wiinkëtypë, je'eyëp ko oyjyot oywyinma'any mëët ets xëmë jëtu'un, ka'ap jyääyëty koos njää'atëty mëët miitsëty.

Isaías 30:7

Ka'ap tii myäyë, ka'ap tukjaty wi'ix pyutëkëtëtyën, paatyës të nxëëwmo'oy: Mëj jëyujk mëti'ipë je'eyë ni'tspën ets ka'ap tii tuny.

Salmos 92:1

Wintsën Ni'ik Këjxmëpë, janty'oy ko mijts myajmo'oy yë kukkajpxën ja'awëkyëtakkën, ets ko yajkuuy'iy ja mmëjajtën m'oyajtën.

Éxodo 14:13

Tä ja Moisés ojts y'ëtsowëtë: Këtii mtsë'ëkëtë, yajpaatë amëk jotmëk, yë Dios jëtu'un të tuknipëjktaakë ets tyam xy'ixtëty wi'ix myajtso'oka'anëtë; yë Egiptë ja'ayëty nijëna'a nëjkx jëtu'un tka'ëk'ijxnëtë, tä tyam t'ixa'antën.

Isaías 7:4

ets xy'ënëëmëty: Mnäkyëwent'atëtëp, je'eyëp ko këtii mtsë'ëkëty ets këtii xyajtëkatsëty yë mwinma'any ko xy'ixëty yë tu'ts nyitoy.

Jeremias 14:22

¿Wä'än jëtää tyajtu'ujëty tu'uk yë tios mëti'ipë ka'ap tyiosëtyënë? ¿Wä'än jëtää kë'ëmwinma'any tsyoony yë nëë tuu tsajpjotmë? Ka'ap Wintsën mëti'ipës nTios'ajtëpën, mijts yë nëë tuu mkejxyp, mijts winë mtuuntääpy, paatykyëjxm mijts myaj'ëwxity.

Lamentaciones 3:27

Oy ni'ik ko yë ja'ay yë'ë tëyajtën tuny.

Éxodo 14:14

Miitsëty këtiimës mmaytyë mtajtë, yë Dios yë'ë mnitsiptunanëtëp.

Salmos 62:2

Yë'ë tu'kpajk xyajnitsokpës ets xykyuwaanpës Nijënu'un tkajëkyepy xymyëmëta'aktëtyës yë nmëtsiptëjkës jä'ä ko yë'ëjës ntsoktakn'ajtyp.

Habacuc 2:3

Ka'anëm tpaaty ja nyixëëw ets y'atëwëty ya'atë wiinkëma'ay; yë'ë koonëm yë y'atëwa'any. Mijts ëwxit oy pyo'oxëty, jä'ä ko jää y'atëwa'any ko ënety yajxon të tpaaty ja nyixëëw.