Lamentaciones 3:25 - Biblia Dc en Mixe de Quetzaltepec

²⁵ Yë Wintsën y'oyjya'ap yë ja'ay mëti'ipë tuk'ijxpäjtëpën, mëti'ipë yë'ë nimiinëpën.

Biblia Mixe de Quetzaltepec

²⁵ Yë Wintsën y'oyjya'ap yë ja'ay mëti'ipë tuk'ijxpäjtëpën, mëti'ipë yë'ë nimiinëpën.

Lamentaciones 3:25 ပူးပေါင်းရင်းမြစ်များ

Isaías 40:31

yë'ë tëyëty mëti'ipë yi'iyë Wintsën tyuk'ijxpäjtëpën xëmë amëk jotmëk yajpaata'antë ets jëtu'un nyäjyawëja'anëtë nipe'tym kupe'tym tä witsnën; jyëkyejpy mëk pyëyë'ëktëty ets jyëkyejpy pe'tym ye'eytyëty. Ka'ap y'ënu'kxëja'antë.

Salmos 37:34

Mijts jämyë këx'ix ma Wintsënën, ets yi'iyë mëmëtow, yë'ë mkumayanëp ets mo'oja'anyë tu'uk yë naax kajpn tä tu'uk yë näkyumayën. Nëjkxëp kë'ëm xy'ixy wi'ix ënety ja ëxëëkja'aytyëjk kyutëkoytyën.

Isaías 25:9

Jä'ä xëëw nëjkx ja aaw ayuk y'ënä'äny: Ya'atë jëtu'un Wintsënajtp mëti'ipë nTios'ajtëmën, yë'ë të ntuk'ijxpäjtëmë ets yë'ë të xyajtsokëmë. Tsojk ntukxoontakëmë ets ntukxo'on ntuk'ijtëmë, jä'ä ko yë'ë tëë xyajtsokëmë.

Lamentaciones 3:26

Oy ko yë Wintsën n'a'ijx njëjp'ijxmëty yë näypyutëkë, yë'ë nyija'ap jëna'a xypyutëkëja'anëmë.

Salmos 27:14

Tuk'ijxpät yi'iyë yë Wintsën. Jotmëk it. Këtii mmay mtajy. Tuk'ijxpät yë Wintsën.

Salmos 37:7

Ko myajpaatëty Wintsën wintuuy amonyë m'itëty; je'eyë ëwxit mä'kxtuk, xy'a'ix xyjyëjp'ixëty jëna'a mputëkëty. Këtii xy'ëxëëkjawëty ko yë ja'ay nyämyëmëta'akëtëty ma jyuuky'ajtënën, ets ko pën ëxëëk winë tuknipëjktaakëty.

Isaías 30:18

E yë Wintsën jëjp'ixy jam yajpaaty ets jatëkok mwinpitëty; yë'ë mëk mjatsokëtë, jä'ä ko yë Wintsën nipaye'epy yë mëtëy. Akujk jotkujk ja'ay yajpaatë mëti'ipë y'ëwxijtëpën yë Dios.

2 Crónicas 31:21

Tëkokyë mëti'ipë tyuknipëjktakëyën, wä'än yë'ëjëty ja tuunk japë tsajptëkotyën ets wä'än yë'ëjëty ma yajpatuna'anyën ja Wintsën ja tyiyajtën, yë'ëkyëjxm tuuny ets tmëjjawëja'any ja Wintsën ja xyëëw.

Santiago 5:7

Miits mëku'uktëjkëty mëët'atë ja mä'kxtujkën koonëm ja Wintsën myinëty, ijxtëm ja kam tuunpëtëjk mëët ja mä'kxtujkën t'ëwxitë ja nëë tuu koonëm tyajpëtë'ëky ja pyëjktä'äky.

Oseas 10:12

Tëë n'ënëëmëtës: Yë'ë oypyë nipaye'eyën ni'iptë ets xyajmuktëty yë nätsyok näjyawë. Nipëjktaakëtë yë naax ets xynyi'iptëty jemypyë tëëmt, jä'ä ko yë'ë nyixëëw'ajtyp ets Wintsën yaj'ijxta'ajëty, koonëm tyajminëty ja nitsokën ma miitsëtyën tä nëë tuujën.

Isaías 64:4

Ni ma kyayajmëtoy'äty wiinkpë Dios jëtu'unpë tä mijtsën, mëti'ipë jëtu'un winë tyuunpyën tä mijtsën ma ja y'u'unk y'ëna'kën mëti'ipë tukjotkujk'ajtëpën.

2 Crónicas 15:2

ets nitso'ony ja Asá ets t'ënëëmëja'any: Mëtow ya'atë aaw ayuk mijts Asá ets tu'kë'ëyë miitsëty Judá ja'ayëty ets Benjamín ja'ayëty. Yë Wintsën tää yajpaaty ma miitsëtyën, pën miitsëty myajpatëp näjyëtu'un ma yë'ëjën. Pën miitsëty m'ixtaaytyëp yë'ë, mpaatëp yë'ë; e pën miitsëty m'ëxmajtstëp, m'ëxmatsëtëp yë'ë näjyëtu'un.

Isaías 55:6

Ixta'atë ja Wintsën tyam ma tjëkyepyën wi'ix yajpaatëtyën, mëkajpxtë ma tyam winkon yajpaatyën.

Salmos 61:5

Mijts, Dios, mëti'ipës nTios'ajtypyën tëë xymyëtoow'ity mëti'ipës yam nwaantäkpyën, tëë xymyo'oyës ja kuma'ayën mëti'ipë jyä'ä'ajtëpën ja ja'ay mëti'ipë myëjja'awëtëpën ja mxëëw.

Salmos 39:7

E ko jyëtu'un'aty, Wintsën, ëjts ¿tiijës njaak'ëwxitëp? Ëjts jämyës yë n'ëwxijtën nmä'kxtujkën njaakpëjktä'äky ma mijtsën.

Salmos 27:8

Jëtu'unës njawë yë njot nwinma'any y'ënä'äny: Ixta'a yë Wintsën ma yajpaatyën. E ëjts, Wintsën, mijts n'ixtääpy.

Salmos 25:8

Yë Wintsën, oy ets mëtëy winë tuny tkäjpxy; yë'ë yaj'o'oyëp yë nyë'ë tyu'u yë pokyjyä'äy

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

Salmos 119:2

Janty jotkujk yë ja'ay jyuuky'atë mëti'ipë jyä'äkyujkëtëpën ja Wintsën ja y'ënä'ämën tyiyajtën,

Génesis 49:18

Wintsën n'ëwxijtypyës ets mijts xyaj'ëwaatsëpëtsëmëtyës ets xyajtso'okëtyës.

1 Tesalonicenses 1:10

ets xyjyëjp'ixtë ko myina'any ja Jesús, ko tsyoona'any jam tsajpjotm ja Dios U'unk, mëti'ipë juukpyëjkën. Yë Jesús yë'ë xyajnitso'oka'anëm ma ja mëj ëyo'onën mëti'ipë miimp wiinkoonpën.

Salmos 22:26

Kaytyë uuktë, miitsëty ninu'un ëxëëk myajtun myaj'ënëëmëtën, kaytyë uuktë ku'uxyë; Miitsëty ninu'un xy'ixta'atën yë Wintsën, mëjjawëtë ets mjuuky'atëty jeky.

Sofonías 3:8

Paaty miitsëty ëwxitë, pyatyp ja xëëw maas nikajpxanën yë pyokyëty. Ëjts Wintsën, ëjts ënaanp: Tëës ntuknipëjktaakë koos nyajtu'ukmujkta'aja'any yë naax kajpn ets yajkutujkpëtëjk etsës nyajnaxa'any yë ntsip n'äkë ets njoot'anës. Tu'kë'ëyë yë naax kajpn kyutëkooytya'aja'any mëët yë ntsip n'äkës mëti'ipë jëënmëët minaanpën.

Isaías 26:9

Winë aaw winëjot mijts nmëmëkxejy koots tsu'um; jam ja njot nwinma'anyës tyimyajpaaty ma mijtsën. Ko ënety mijts xynyipaye'ey ja nëë poky naaxwiiny naaxkëjxy, jää nëjkx ja ja'ay nijawëtë mëti'ipë mëtëy nipaye'eyën'ajtpën.

Salmos 105:3

Mëj këjxm näjyawëtë, mëët ko xyëëw wya'atsëty ets kyënu'kxëty. Akujk jotkujk itë tu'kë'ëyë miitsëty jënu'un xy'ixta'atën yë Wintsën.

Salmos 61:1

Dios mëti'ipës nTios'ajtypyën, mëtow wi'ixës nmëjë'ëy nmëyä'äxyën yë npëjkën n'ijxënës, mëtow yë ntsajpkäjpxyës.

Salmos 69:32

Ko jëtu'un t'ixtëty, tääts jotkujk nyäjyawëja'anëtë mëti'ipë ënety mon tuk yajpatëpën, ets jyot wyinma'any oy tsuj tjawëja'antë mëti'ipë Dios y'ijxtaaytyëpën.

2 Crónicas 30:19

pokymyä'kx ya'atë ja'ayëty, oy jëtu'un tkapaatë ja näypyuj näjyä'ätsë tä ja ënä'ämën tëyajtën jyaminyën, japë tsajptëkoty y'ityën.

2 Crónicas 19:3

Je'eyëp ko mijts tëë näjyëtu'un winë oy xytyuny, ko ojts xyajjëwa'kta'ay yë Aserá y'awinax mëti'ipë jää kajpnjoty may të yajpaatyën ets ja Wintsën jä'ä të xyajmëjnaxy.

Esdras 8:22

Ëjts natsëtyu'un ja'awëyës ko jeexyë ja yajkutujkpë yaj'amëtooy ja tujnmëëtpë, kwaawmyëëtpë, mëti'ipë jeexyë xykyëwent'ajtëmën ma ntu'uye'eya'anëmën, jä'ä ko tëë ënety kë'ëm ja yajkutujkpë n'ëk'ënëma'ayëmë ko yë Wintsën y'ijx'ijtyp Kyëwent'ajtyp ja'ay mëti'ipë ixtaayëpën ets tyukjoot'anpëjkyp mëti'ipë ka'ap myëjpëjktä'äkyën.

Salmos 71:14

E ëjts, mijts xëmë n'a'ixäämpy njëjp'ixäämpy, ets ni'ikyë mijts nmëjpëjkta'aka'any;