Lamentaciones 3:22 - Biblia Dc en Mixe de Quetzaltepec

²² E yë Wintsën, ijxtëm yajnijawën ka'ap yë tsyojkën jya'awën kyixy nyäxy ets y'oy jot y'oywyinma'any ka'ap kyukëxë.

Biblia Mixe de Quetzaltepec

²² E yë Wintsën, ijxtëm yajnijawën ka'ap yë tsyojkën jya'awën kyixy nyäxy ets y'oy jot y'oywyinma'any ka'ap kyukëxë.

Lamentaciones 3:22 ပူးပေါင်းရင်းမြစ်များ

Salmos 86:15

E mijts Wintsën, jä'ä mTios'aty yujy tëtä'äky, ets pa'ëyoop, mä'kxtujkp mëët yë tsojkën ja'awën ets tëyajtën.

Lucas 1:50

Xëmë tpa'ëyoy mëti'ipë wiinkutsë'këyëpën.

Nehemías 9:31

E mijts mëët ko xy'ëkmëët'aty ja pa'ëyo'ow najts'ëyo'owën ka'ap xytyimyajkutëkooy ets tu'ukyë xytyim'ijxmajtsy; tä xyajwinkëxë'ëky ko mijts oy mTios'aty ets mëët'ajtyp ja ëma'atjot.

Malaquías 3:6

Ëjts Wintsën, ka'apës nyajtëkatsy yë njot nwinma'any, paaty miitsëty Jacob yë y'u'unk y'ok ka'ap m'atëkoytyë.

Salmos 78:38

E yë Dios mëj këjää yë pa'ëyo'owën najts'ëyo'owën tmëët'aty, nyimä'kxëp ja pyoky ets ka'ap tyajkutëkooynyëpë; kanaak ok jëtu'unyë tyajninajxy ja tsyip y'äkë, ets ka'ap ojts nëkooyë tunyë këwentë ko jya'ëwa'antäky.

Salmos 106:45

ënety ojts tja'amyetsy ja käjpxytyu'unën mëti'ipë ënety mëët të tunyën, tää tyajtëkajtsy ja jyot wyinma'any, jä'ä ko yë tsyojkën jya'awën ni'ik myëj kyëjääjëty.

Salmos 77:8

¿Tëë jëtää jäpaat kyixy nyäxy yë tsyojkën jya'awënë? ¿Tëë jëtää kyixy nyäxy ja wyaantakën xëmëkyëjxmë?

Salmos 103:10

yë'ë ka'ap jëtu'un të xytyiytyu'unëmë ijxtëm të ntuuntëko'oyëmën winë;

Jeremias 3:12

Nëjkx tukmëmëtya'ak ya'atë aaw ayuk. Ko xymyëmëtya'akëty, jamtsow mnajts'ixëty anëkëjxmtsow ets xy'ënëëmëty: Jëtu'un yë Wintsën të tniwinpity ja y'aaw y'ayuk: Wimpit mijts Israel mëti'ipë käjpxy kyumëtoownajxpën. Ka'ap ëxëëk ntuna'any ets ka'ap xëmë ntukjoot'anpëka'any, ëjts nmëët'ajtypyës oyjyot oywyinma'any. Ëjts Wintsën, ëjts ënaanp.

Jeremias 30:11

Ëjts mëti'ipë Wintsën'ajtpën, tyamës nikäjpxy, ko yajpaataanpës xëmë mëët mijts ets nyajtso'okäämpy. Nyajkutëkooyäämpyës tëkokyëty yë naax kajpn mëti'ipë najtswop najtskäjë ijtëpën. E mijts ka'ap nyajkutëkoyä'äny, je'eyë ntëytyuna'any tä pyaat'atyën: ka'ap jëtu'unyë nyaj'ita'any, kwanë ko xykyumëtoy yë mpoky.

2 Samuel 24:14

Ets ja David t'ëtsooy ja Gad: Ëjts Jotmayjyotyës tyam nyajpaaty, ni'ik oy ko yë Wintsën yë'ë xytyiytyu'unëtyës ets këtiinëm ko yë'ë nmëtsipës.

Salmos 69:17

këtii xy'ixtijëty ya'atë m'ëyoopë mmëtuunpë. Ëtsoowinpijtkës tsojkyë, jä'ä ko ëjts o'kën jëjp'amës nyajpaaty.

Jeremias 31:20

Yë Efraín yë nyaax kyajpn u'unk maayënës ntsoky njawë; yë'ëjës tu'uk n'u'unk'ajtyp nmaay'ajtyp mëti'ipës mëk ntsojkpyën. Oyës muum ntuk'ojy yë tyëko'oyën, ëjts ka'apës nja'atyëkoy; jëëpy yaxpës njawë n'aaw njot ets npa'ëyoopyës jatëkok. Ëjts Wintsën, ëjts ënaanp.

Daniel 9:9

E mijts Wintsën, mëti'ipës n'ëwtajtëpën, mijts tam xymyëëtëty yë poky nyimä'kxën ets pa'ëyo'owën najts ëyo'owën. Ëëtsëty wa'atsës nijawëtë ko tëë njanty kyäjpxykyumëtoownaxtë