Lamentaciones 3:17 - Biblia Dc en Mixe de Quetzaltepec

¹⁷ Ma ëjtsën ka'ap yajpaaty jotkujk'atë, tëëjës nja'atyëkooynyë wi'ix ja'ay nyäjyawëty jotkujk.

Biblia Mixe de Quetzaltepec

¹⁷ Ma ëjtsën ka'ap yajpaaty jotkujk'atë, tëëjës nja'atyëkooynyë wi'ix ja'ay nyäjyawëty jotkujk.

Lamentaciones 3:17 ပူးပေါင်းရင်းမြစ်များ

Isaías 59:11

Aakjëtu'un ni'tsëmë osën, aakjëtu'un nmu'ujëmë pakën; yajxon yaj'ëwxity yë nitsokën ets ka'ap tsyojkminy; yajxon njajanty'ëwxijtëmë, ni'ikyë nmëjëkämkäkëm.

Zacarías 8:10

Jä'ä ko tëëyëp ka'ap ijty yajmëjuytyë yë ja'ayëty ets jëyujkëty. Ets mëtsip nän ka'ap të y'ity tyajjotkujk'atë yë naax kajpn; tëëjës n'ëwa'atsy ets nixim niyam ja'ay nyämyëtsip'atëtëty.

Lamentaciones 1:16

Je'eyës xyajyaxnë. Je'eyës yë nwiin nëë kyä'änë, ka'ap maa pën pënës xyajjotkujkëp, pënës xyajxäjku'tëp. Xit ko'owës ja n'u'unk n'ëna'k të jyajta'atë jä'ä ko ja mëtsip ni'ik ja myëkëty.

Jeremias 16:5

Ojtsës näjyëtu'un yë Wintsën xy'ënëëmë: Këtii jap tëkoty mtëkëty ma ja o'kpë tnijë'ë tniya'axtën, këtii näjyëtu'un xynyiyaxpëty ets xymyëkja'apëty mëti'ipë të y'ookyën, jä'ä ko tëëjës nyajjëwä'äky ja n'oyajtën, ja ntsojkën nja'awën ets npa'ëyo'owënës ma ja naax kajpnën. Ëjts Wintsën, ëjts ënaanp.

Jeremias 14:19

Wintsën, nikajpx yajxon pën tëë xytyim'ixtijy yë Judá ja'ayëty. Nikajpx yajxon pën tëë xymyëtsipke'exy yë Sión kajpn. ¿Wi'ix ko ëëtsëty të xy'ëkyajtsëtyujtëpë ets ka'apës n'ëktsoknëtë? Yë'ë ënety ëëts njëjp'ijxtëp wi'ix njotkujkta'aktëtyës, e nitiijës të nkapaatë. Oy mëk ntij nyajpaatëtyës, e näy'ëtsë'ëkë ëëts yaa je'eyë të npaatë.

Jeremias 8:15

Yë'ë të nja'ëwxijtëm oy juukyajtën, nitii oy të nkapatëmë. Yë'ë të njajëjp'ijxëmë oy'ajt mëk'ajtën, je'eyë të ntsë'këmë.

Isaías 54:10

Oy ja tun kopk wya'ktëkatsëty, ets jyitëty, yë ntsojkënës nja'awënës ka'ap tyëkatsa'any ets nkäjpxytyu'unënës ka'ap kyëxa'any nyaxa'any. Yë'ë jëtu'un Wintsën ënaanp mëti'ipë mpa'ëyoowëpën.

Isaías 38:17

Ix, tyam jotkujkës nyajpaaty, ets ka'ap n'ëkmoon n'ëktujknës. Mijts të xykyëwent'aty yë njuukyajtënës këtiipë kyuka'anaxëty jap jutjoty, jä'ä ko mijts tëë xymyä'kxta'ay yë npokyës.

Salmos 119:155

Yë ëxëëkja'aytyëjk myëjëkäm'ajtëp yë mputëjk mpupäjtën, jä'ä ko ka'ap tkuuytyuntë ja m'ënä'ämën mtëyajtën.

Job 7:7

Wintsën yë'ë ja'amyäts koos yë njuukyajtënës jëtu'un yë'ë tä ja'ay myëkxejyën, mëti'ipë ka'ap jyotkujk'atyën.

Génesis 41:30

ets ok myina'any näjyëtu'un wëxtujk jëmëjt ma ka'ap tii y'ita'any wyintëwa'anyën. Ni pën nëjkx tkaja'amyetsy wi'ix ënety winë të y'ëk'ijt të y'ëkwintëëpën ma Egiptë nyaaxjotmën, jä'ä ko ja yuu xëëw yë'ë yajma'ta'ajäämpy ja naax kajpn.

Jeremias 12:12

Ma ja tun kopkën mëti'ipë yajpatëpën jam të'ëts'itjotmën tëë jam myintë ja ja'ayëty mëti'ipë ëxëëk të y'ëtë'ëtstë y'ëna'antën, jä'ä ko ëjts Wintsën, nmëëtës yë ntëypyujxn mëti'ipë yë naax kajpn yajkutëkoyäämpyën wä'än timmyaajëty ets ka'ap ja jotkujk'ajtën y'ita'any.