Lamentaciones 2:6 - Biblia Dc en Mixe de Quetzaltepec

⁶ Jëtu'un tä mä'tspën jëtu'un jap tsajptëkoty ëxëëk të y'ëti'itsy; tëë tyajma'ta'ay ma ijty nätyu'ukmukë y'ityën. Yë Wintsën të tyajkutuky ets jam Sión. Ka'ap pën y'ëkxëëwtuunëty ets ka'ap pën sapëtë xëëw t'ëk mëjja'awënëty. Mëët yë tsyip y'äkë ets mëët yë y'ëwa'an'at të tukjoot'anpëky yë teetytyëjkëty ets yajkutujkpë.

Biblia Mixe de Quetzaltepec

⁶ Jëtu'un tä mä'tspën jëtu'un jap tsajptëkoty ëxëëk të y'ëti'itsy; tëë tyajma'ta'ay ma ijty nätyu'ukmukë y'ityën. Yë Wintsën të tyajkutuky ets jam Sión. Ka'ap pën y'ëkxëëwtuunëty ets ka'ap pën sapëtë xëëw t'ëk mëjja'awënëty. Mëët yë tsyip y'äkë ets mëët yë y'ëwa'an'at të tukjoot'anpëky yë teetytyëjkëty ets yajkutujkpë.

Lamentaciones 2:6 ပူးပေါင်းရင်းမြစ်များ

Sofonías 3:18

jëtu'un tä ja'ay jotkujk nyäjyawëtyën ko xëëw tyunyë jyätyë. Jëtu'un yë Wintsën y'ënä'äny: Ëjts mijts nyaj'ëwaatsëpëtsëmäämpy ëyo'onjoty jotmayjoty, ma ënety mtsëtyuny mjaaypyetyën.

Lamentaciones 1:4

Mon tuk yaj'ixy yë Sión tu'u. Ka'ap pën y'ëkmiinë xëëw'ijxpë. Aanë'ëk tëëtsë'ëk yajpaaty ja tëjkëtyakn, jëëytyëp yaxtëp ja teetytyëjkëty, ëjtëp tu'ktëp ja ëna'ktëjkëty ets ja Jerusalén kajpn yajpaaty mon tuk.

Lamentaciones 4:16

Tëë yë Wintsën y'ëxmatsëtë, paaty jëtu'unyë të y'aye'eyëtya'atë ets ka'ap të y'ëkni''ijxwinpijtënëtë. Ko ka'ap pën ja teetytyëjkëty të t'ëkwintsë'kënëtë ets ko ka'ap pën ja mëjja'aytyëjkëty të t'ëkja'amyäjtsënëtë.

Malaquías 2:9

Paaty n'ëna'anyës, mëët yë'ëkyëjxm ko ka'ap të xymyëmëtowtës ets mëët yë'ëkyëjxm ko ka'ap tu'knax yë ja'ay të xyaj'ijxpëktë, ëjts nyajkutukäämpyës ets naax kajpn m'ëxëëk ixëtëty ets ka'ap mtsokëtëty. Yë Wintsën mëti'ipë maaytyääyëpën winë yë'ë jëtu'un ënaanp.

Ezequiel 17:18

jä'ä ko tëë tnëxi'iky tukxi'iky ja käjpxytyu'unën ets ka'ap të tpatuny ijxtëm ojts yajkäjpxy'ätyën, je'eyë ojts winë tkupëky ets ka'ap t'ëkpatuunë. Paatykyëjxm ka'ap tjëkyepy juuky kyä'äkëty.

Lamentaciones 5:12

Ja nkopktëjkëtyës kyë'ëkëjxy të yajtëëyë'ëktë, ja mëjja'aytyëjk ka'ap pën të y'ëkwinkutsë'kënë.

Lamentaciones 4:20

Tëë yajtsumy yajmatsy mëti'ipë ja Wintsën wyin'ijxën, mëti'ipë ijty ëëts xyjyotkujkmooytyëpën, ja yajkutujkpë mëti'ipë ijty ëëts n'antijtëpën: Yë'ë wyintuuy jotkujk njuuky'ata'antës ma naax kajpnën.

Isaías 64:11

Ja ntsajp tëjkëtyës ma ijty ja nteety n'apëtyës mwin'ëw mwinya'axëtën, tëë ja tyooytyä'äy. Tu'kë'ëyë mëti'ipë ënety ëëts ntsojktëpën, xit ko'ow të jyajta'ay.

Isaías 63:18

Tim wäänë yë mnaax mkajpn të tjä'ä'aty, yë kyajpn, mëti'ipë wa'ats mtijpyën. Yë nmëtsipëtyës jëtu'unyë të tä'änëtijta'atë ja mtsajptëjk.

Isaías 43:28

ja mwintsëntëjk ëxëëk ojts jap y'ëtë'ëtstë maas yë ntsajptëjkën; paatyës ojts ntimmyajtstu'uty yë Israel kajpn, mëti'ipë yë Jacob kyajpn'ajtypyën ets myëtsip yajkutëkoyëtëty.

Isaías 5:5

E tyam ntuknijawëja'antë wi'ixës ja ntsatsym kam ntuna'anyën: njëpëkäämpyës yam ja nyikemy ets ja kam tyimkutëkoyëty; tyamës ja nyipotsy njijtë'ëkanë ets ja ja'ay jap tyëkëtëty ets tkutä'änta'atëty;

Isaías 1:13

Këtiis nitii wintsë'kën xy'ëktuknimiinëtëty ka'apë tsyowpaatyën, yë nyijok ka'apës n'ëktsojknë. Ma ja po'o xynyixëëwtuntën, ma ja po'kxënxëëw xypyo'kxtën ets ma ja ja'ay xyajtu'ukmuktën ets ëxëëk y'ëtë'ëtstë y'ëna'antë.

Isaías 1:8

Yi'iyë yë Sión të jyaak wë'ëmy jëtu'un tä tu'uk kamtëjkën, nätyu'uk jyaak yajpaaty ma tsatym kyamën. Tä tu'uk këtseytyëjkën ma melón kamën, Tä tu'uk kajpnën tëëpë myëtsip yajnatukyën.

Salmos 89:40

Ojts yë pyotsy xyajjujtaayë mëti'ipë yë nyaax kyajpn nyapots'ajtypyën, ets ojts axit ako'owë xyajjajta'ay ja nyaax kyajpn.

Salmos 80:12

¿Wi'ix ko nyikemy të xyajkëtaawtaayë ets ënät akujk jotkujk tyëkëtë yë ja'ay mëti'ipë në'ëye'ey tu'uye'eytyëpën ets tuktë ja tsatymtyëëm?

Salmos 76:2

Yë tsyajptëjk jam yajpaaty ma Sión kopkën, jam Jerusalén;

Jeremias 17:27

E pën miitsëty ka'ap mja'akyukëtë ets ka'ap xypyatuntë ja n'ënä'ämënës ets po'kxënxëëw ka'ap xypyo'kxtë. Pën mënajxtëp ja tsëmy kë'ëy, ja juy tooky jam ma ja tëjkëtyaknën, ma ja naax kajpn yajnitëkën, ëjts njëënmo'ojäämpyës tääpë naax kajpn, nyajnitooyäämpyës yë Jerusalén yë tyëjk aaw ets ko ënety jëtu'un ntunyës, ni pën nëjkx kyamayë tyajpi'itsëty ja jëën.

Jeremias 50:28

Ja'ay mëti'ipë jam Babilonyë të kyä'äktën tëë yaa myintë Sión ets të tnimëtya'aktë wi'ix yë Wintsën Tëyajtën ëxëëk të tunyën yë Babilonyë kajpn, mëët ko ëxëëk tuuny yë tsajptëjk yaapë yajpaatyën.

Salmos 74:7

Tëë jap yë jëën tpëjkta'aktë tsajptëkoty; ka'ap nijënu'un yë winkutsë'kën të tmëët'atë ma mtsajptëjkën, tëë yajxon tim nyaaxkujijtëtya'atë.

Isaías 5:6

jëtu'unyës ntimyjyä'äytyëkoyä'äny. Ni pën kyakuyu'ujëtëty ets ni pën kyawinpux kyawinpootëtëy, äämjyoty pejyjoty nëjkx wyi'imy. Ëjts kë'ëm njëpëkäämpy ja yoots nëma'a ets ka'ap y'ëktuunëty.

Jeremias 42:18

Ja Wintsën mëti'ipë maaytyääyëpën winë, mëti'ipë Israel ja'ay Tyios'ajtëpën, yë'ë ënaanp: Timjëtu'un ijxtëm ojts yë Jerusalén ja'ayëty xyajjoot'anpëktënës, timjëtu'un miitsëty xyajjoot'anpëka'antës ko mnëjkxtëty jap Egiptë. Ijxpäjtën nëjkx mwë'ëmtë ko ënety të myajpoktë; atsë'ëk ajawë mjata'antë ets nijëna'a nëjkx mka'ëkwinpijnëtë ma ya'atë it naaxwiinyëtën.

Jeremias 45:4

E mijts jëtu'un xy'ënëëmëty, ko jëtu'un yë Wintsën y'ënä'äny: Ëjts nyajkutëkooyäämpyës mëti'ipës të nkojyën, nwijxë'ëkäämpyës mëti'ipës të npenyën; wa'atsës winë nyajkutëkoyä'äny yaa naaxwiiny.