Lamentaciones 2:19 - Biblia Dc en Mixe de Quetzaltepec

¹⁹ Pëtë'ëk, ya'ax jok tsu'um koots; yajtukwa'ats yë m'aaw mjot ma Wintsënën, wä'än yë mwiinnëë tpëyi'iky nëëjën; yujkxaj yë mkë'ë ets amëtow pëjktsow ma yë'ëjë wä'än tpa'ëyoy yë m'u'unk m'ëna'k, mëti'ipë yuu o'ktëpën xii yaa muum ma tu'u y'ëwtityën.

Biblia Mixe de Quetzaltepec

¹⁹ Pëtë'ëk, ya'ax jok tsu'um koots; yajtukwa'ats yë m'aaw mjot ma Wintsënën, wä'än yë mwiinnëë tpëyi'iky nëëjën; yujkxaj yë mkë'ë ets amëtow pëjktsow ma yë'ëjë wä'än tpa'ëyoy yë m'u'unk m'ëna'k, mëti'ipë yuu o'ktëpën xii yaa muum ma tu'u y'ëwtityën.

Lamentaciones 2:19 ပူးပေါင်းရင်းမြစ်များ

Salmos 62:8

Miitsëty, jënu'unës nnaax'aty nkajpn'atyën jam xëmë yë mjot mwinma'any xyaj'itëty ma Tiosën. Mëkajpxtë winë aaw winëjot. Jä'ä ko Dios yë'ë ntsoktakn'ajtëm.

Isaías 26:9

Winë aaw winëjot mijts nmëmëkxejy koots tsu'um; jam ja njot nwinma'anyës tyimyajpaaty ma mijtsën. Ko ënety mijts xynyipaye'ey ja nëë poky naaxwiiny naaxkëjxy, jää nëjkx ja ja'ay nijawëtë mëti'ipë mëtëy nipaye'eyën'ajtpën.

Salmos 142:2

Ma yë'ëjën jamës nnikäjpxy mëti'ipës nka'oyjya'apën, ma yë'ëjën jamës näjyëtu'un npëjktä'äky yë nmonyë ntukyës

Marcos 1:35

Jopyëp, tsojk ojts ja Jesús myä'äypyëti'iky ets tsyo'ony jam kajpnjotm, Tääts ojts nyijkx Dios mëkajpxpë të'ëts'itjotm,

1 Samuel 1:15

Wintsën ka'ap yë'ëkyëjxmëty. Jëtu'un y'ëtsooy yë Aná. Ëjts ka'apës nitii nëë të n'uuky mëti'ipë mëkën, jä'ä tëy mon tukës näjyawëty paatyës yaa të nminy jëëpyë yaxpë Dios wintuuy.

Salmos 141:2

Wä'änës yë ntsajpkäjpxy jam tja'ty ma mijtsën tä poom jyokyën, koos yë nkë'ë nxajë'ëkëty jëtu'un nyaxëty tä jeexyë wintsë'kën myajmo'oyën ko jyënäkyxyëëw'aty.

Jueces 7:19

Tä yë Gedeón mëët yë jyä'äy nimëko'px jamtsow nyëjkxtë ma ja myëtsip ënety yajpaatën, tsu'um jam nyajxtë ma ënety tyajtso'onta'aka'antën ja tsip. Tääts tyëjkëtyë xuxpë wikpë mëët ja tsajpkaawaj ets tpu'utaaytyë ja tu'ts'u'unk mëti'ipë ënety myënëjkxtëpën.

Salmos 42:8

Yë Wintsën xytyuknikäjxpës yë tsyojkën jya'awën xëëny; e ko kyoots'aty ëëp yaxpës jää, etsës yë Dios nmëkäjpxy mëti'ipës xyajjuuky'ajtpën.

Lucas 6:12

Jää po'o ja Jesús ojts nyijkx Dios mëkajpxpë kopkëjxm, tu'ktsu'um ja Dios ojts tja'amyetsy.

Marcos 13:35

Näyjyëtu'un miitsëty, xëmë mjëjp'ixtëty, jä'ä ko ka'ap xynyijawëtë jëna'a jya'ta'any ja wintsën mëti'ipë kutëjk'ajtpën; ajotkumonë nëjkx jyä'ty: Wä'än ux jajmony, ëkë tsu'um, ëkë tsu'umnaxy, ëkë tsajp'okpu'uy.

Mateo 14:25

Komjëpom, tim tsojk ojts ja Jesús nyinëjkxëtë ye'epy mejy wiinkëjxm.

Salmos 119:55

Wintsën, ko kyoots'aty mijts nja'amyejtsyp; ëjts nkuuytyunäämpyës mijts yë m'ijxpëjkën.

Salmos 28:2

Mëtoow'it wi'ixës nyä'äxy njoky ko n'amëtoy yë näypyutëkë, koos yë nkë'ë jam nastijë ma wa'atspë mtsajptëjkën.

Isaías 51:20

Jëtu'un tä kupixyny ëkë tä tsajppax muum jyänën ets të y'ënu'kxën, jëtu'un ja m'u'unk m'ëna'k të jyatë, jëtu'unyë të myëjaawkëjxnëtë, kujy jëpipy muum të yajpaatë në'ë'aay tu'u'aay tëë tsyëtyujta'atë mëët ja Wintsën ja tsyip y'äkë, ko të tyiytyunëtë.

1 Timoteo 2:8

Ntsojkpyës ets ja ja'ay tja'amyätstëty ja Dios oymyaatsowëty, ets ja kyë'ë tyujkxajtëty ma ja Tiosën mëët ja oyjyot oywyinma'any ets ka'ap myëëtëty ja tsip äkë.

Ezequiel 5:16

Nyajminäämpyës yë yuu xëëw ma miitsëtyën, jëtu'un tä jeexyë pën tmëjti'pxyën yë ti'pxnkepy mëti'ipë yajkutëkoopyën. Jëtu'un, nyajminäämpyës ma mijtsën yë yuu xëëw, amay jotmay ets mëti'ipë nëjkx myaj'ook myajtëkoyëtën.

Ezequiel 5:10

Ma miitsëtyën nëjkxëp yë taak teety yë y'u'unk y'ëna'k tsu'utstë, yë u'unk ëna'k nëjkxëp yë tyaak tyeety tsu'utstë. Ntukumëtowäämpy yë mpoky ets mëti'ipë juuky jaakwë'ëmtëpën taxkpëkyës nyajye'eywya'kxa'any.

Salmos 134:2

Xajë'ëktë yë mkë'ëjëty jam ma tsajptëjkën ets mmëjjaw kënu'kxyjyawëtë yë Wintsën.

Salmos 63:4

mapaatës njuuky'ätyën yaa naaxwiiny naaxkëjxy, jëtu'un mijts nikajpxa'any nimëtya'aka'any, ets nxajë'ëka'anyës ja nkë'ë ko ënety mijts npa'tmëkäjpxy.

Job 3:24

N'ëjënës ntu'kënës një'kxyp; npëjkënës n'ijxënës n'ukpy.

1 Samuel 7:6

Yë Israel ja'ayëty ojts jam tyu'ukmukjta'atë Mizpá ets nëë jam may tniwijtspäjtë yë'ëts ojts yë Dios tukwintsë'ëkëtë tä yë ayajk ako'onën. Jä'ä xëëw ka'ap kyääytyë, jëtu'unyë ojts ayuu xyëëwnaxtë ets kë'ëm nyäja'awëy'ijtëtë ko tëë ënety ja Wintsën tmëtëkoytyë mëjwiin këjää. Jam Mizpá jam ojts yë Samuel y'awinpity tu'uwinye'epyë ets tsip twinye'eyëty ets ja naax kajpn näjyëtu'un twinye'eyëty.

Nahúm 3:10

E yë Tebas kajpn ojts tsumy matsy wiink naax wiink kajpn yajmënëjkxnë; yë y'u'unk y'ëna'këty jam yajmëjjëpijptaaytyë ma potsy tyäkyën; mëti'ipë ënety wyintsën'ajtypyën je'eyë ojts yaj'ijxpëtsëëmnëtë ets tsyiptuunpëtëjk aak kë'ëtsumy ojts yajmënëjkxnëtë mëët yë pujxn jo'oky.

Salmos 42:3

Xëëny kootsës të një'ëy të nyä'äxy, jëtu'un yaj'ijxnë yë'ëjës yowë nwiin nëë xykyuxp. Ja nmëtsipës jëtu'un y'ëna'antë: ¿Maa ënät ja mTios?

Salmos 42:4

Koos jëtu'unpë nmëmay nmëtajy, japës ntimjyawë pyëjkë'ëky njootjotyës. Je'eyës njaakja'amyetsy ko ijty mëët yë mayjyä'äy nnëjkxyës jam tsajptëkotm, maas ijty ëjts jëyëjp nëjkxyën akujk jotkujk ets nyajnaxtës ja kukajpxën ja'awëkyëtakën. Mëj ja xëëw ijty tyunyë.

Salmos 142:3

koos nyajpaaty jë'ë ya'ax, Wintsën, mijts wa'ats xynyijawë yë nnë'ë ntu'ujës. Ma ja në'ë tu'u mëti'ipës npanëjkxypyën, jam të tpëjkta'aktë tu'uk yë o'ktakn yu'utsypë.

Jeremias 9:20

Miitsëty to'oxytyëjktëjkëty, mëtoow'itë ja Wintsën ja y'aaw y'ayuk, ja'akyukëtë wi'ix y'ënä'änyën. Tukni''ixëtë yë mnëëxëty wi'ix ya'axtëtyën ets ja to'oxytyëjktëjkëty wi'ix myontëty tyuktëtyën.

Jeremias 14:18

Koos nëjkxy nkamjoty, xii yaajës muum o'kpë n'ixy mëti'ipë tsipjoty të y'ooktën; koos kajpnjoty ntëkë, yë'ëjës ntuk'ijxpejtyp ja'ay mëti'ipë të yuu'ooktën. Yë'ëpaat yë käjpxynyajxpëtëjkëty ets teetytyëjkëty tsyo'onëtë, nyëjkxnëtë muum wiink kajpn ma ka'ap t'ixy'atën.

Miqueas 1:16

E mijts Sión kajpn, nëkä'pta'a yë mkuwaay ets xyaj'ixëtëty ko ëxëëk mjaty mkëpety, mëët ko të m'ëxëëktunyë yë m'u'unk m'ëna'k mëkpë xytsyokyën. Jëtu'un mnäkyukääpëtëty tä majkwejkxyën, jä'ä ko yë m'u'unk m'ëna'k wiink naax wiink kajpn tsumy matsy yajmënëjkxa'antë.