Lamentaciones 2:11 - Biblia Dc en Mixe de Quetzaltepec

¹¹ Moonëpës yë n'ijxën koos je'eyë një'ëy nyä'äxy, jëtu'unës njawë mëpaatëpës yowë nkatsy pyëjnë; tëëjës näjyawëty ntimy xyejykyukëxë koos të n'ixy ja nja'ayës ja nyaax kyajpn të kyutëkoy, koos n'ixy ko yë'ëpaat pi'k ëna'k yuu'o'knëtë tu'ujoty.

Biblia Mixe de Quetzaltepec

¹¹ Moonëpës yë n'ijxën koos je'eyë një'ëy nyä'äxy, jëtu'unës njawë mëpaatëpës yowë nkatsy pyëjnë; tëëjës näjyawëty ntimy xyejykyukëxë koos të n'ixy ja nja'ayës ja nyaax kyajpn të kyutëkoy, koos n'ixy ko yë'ëpaat pi'k ëna'k yuu'o'knëtë tu'ujoty.

Lamentaciones 2:11 ပူးပေါင်းရင်းမြစ်များ

Job 16:13

Xiitsow yaatsow muum xytyi'pxtës; nijënu'unës xykyapa'ëyowtë oyës yë njot nini'kx xytyukjë'pnajxëtë, yë ntiintyës jëtu'unyë naaxkëjxy jyënaankëtä'äky.

Job 30:27

Xijt xijtnë yë njuukyjotës y'ëti'itsy, ka'ap pyo'kxy; jëpom jëpomës je'eyë një'ëy nyä'äxy.

Salmos 119:82

Ënu'kxënëpës yë nwiin ko ntyäty y'ëwxity etsës nmay ntajy: ¿Jëna'ajës xymyo'oja'any ja jotkujk'ajtën?

Salmos 22:14

Jëtu'unës ëjts tä nëë nyajtstämën. Tëës yë nwaay mpajk jyäjxma'ta'ay. Jëtu'unës yë njuukyjot tä pu'unykyën tëë jap jyiiytyakta'ay njootjotyës.

Salmos 31:9

Wintsën, pa'ëyoowkës, atsë'ëkëtuuyës nyajpaaty. Moonëpës yë n'ijxën mëët yë pëjkën ets njot nini'kxës tëë y'ënu'kxëtyääynyë, näjyëtu'un yë njot nja'awënës.

Salmos 38:8

Tyam jëtu'unës nnäyjyawëty amä'ä tukmä'äjë ets ka'apës tii nmëjaawnë; koos n'ëjy ntu'uky yë'ë jootjotypë tsyoonyën.

Salmos 6:7

Tëës yë n'ijxën jyaamënë mëët yë pëjkën ato'onën; Yë'ë nmëtsipës poky myëët'ajtëp koos yë nwiin të jyaamënë.

Salmos 69:3

Tëës yë nyo'kn nyatimtsyëtsnë koos nyä'äxy njoky; jajnëp tooynyëpës yë nyaxn; ets nwiinës tëë nya'ënu'kxënë koos njajantyjyëjp'ixy yë Dios.

Isaías 22:4

Paatyës të n'ëna'any: Jëwa'aktë, nikë minës je'eyë n'ëkyä'äxy; këtiipë pën y'ëna'anëty wä'änës nyaxmony, ets këtiipë pën y'ëna'anëty etsës njotkujkëty maas ja nnax nkajpn ja ëyo'on tpaatyën.

Isaías 38:14

Je'eyës njaak ajëjy tä kuukën, tä pakën. Tëës ja nwiin nyatimy'ënu'kxënë mëët koos jam tsajpkëjxm mpa'at'ixy. Wintsën ëjts ëxëëkës näjyawëty, tun mëyajtën mijtsës ni ijxkëtak.

Isaías 51:20

Jëtu'un tä kupixyny ëkë tä tsajppax muum jyänën ets të y'ënu'kxën, jëtu'un ja m'u'unk m'ëna'k të jyatë, jëtu'unyë të myëjaawkëjxnëtë, kujy jëpipy muum të yajpaatë në'ë'aay tu'u'aay tëë tsyëtyujta'atë mëët ja Wintsën ja tsyip y'äkë, ko të tyiytyunëtë.

Jeremias 14:17

Jëtu'un xy'ënëëmëty ja naax kajpn: Wä'än tka'ay yë nwiinnëëjës xëëny koots janaam jatsojk, mëët ko ja ëyo'on jotmay ja nnaax nkajpnës tyukminyë, ko tsyëtyuta'any mëjwiin këjää.

Jeremias 4:19

Janty yäjts janty pojpës mëët yë pëjkën ijxën. Ëxëëkëmës njawë yë njot. Ka'apës nijënu'un nnäjyawëty npo'kxy, ninu'unës amonyë nka'ity. Tëës nmëtoy ko ja'ay pujxnxuxn tukxu'uxy, tsip y'awantëp, jëtu'un ya'axtë jyoktë tä ja'ay tsyiptuna'anyën.

Jeremias 44:7

Ëjts Wintsën mëti'ipë maaytyääyëpën winë, mëti'ipë ja Israel ja'ay Tyios'ajtëpën, ëjts ënaanp. ¿Tii ko kë'ëm tääpë ëyo'on jotmay mnätyukniminëtë, wi'ix ko miitsëty kë'ëm xy'ëwa'atstë ets ni'ëmukë y'ooktëty yë Judá ja'ayëty, ye'etyëjk to'oxytyëjk, pi'k ëna'k ets yë'ëpaat mëti'ipë tim je'eyë të myëxu'unk'atyën, këtiipë pën wyë'ëmëty?

Jeremias 8:19

Xiitsow yaatsow yajmëtoy jyi'iy yä'äxy ja nnaax nkajpnës: ¿Këtii jëtäätën jam Sión, yë Wintsën y'ëkyajpatnë? ¿Ti këtiitën jam y'ëkyajpatnë ja mëti'ipë yajkutujkpën? Tää ja Wintsën y'ëtsoy: ¿Tiijës ko të xyajjoot'anpëktë, ko wiink tios xy'ëwtatë, ja tios ka'apë tii mëj'ajtën tmëëtëtyën ets mëti'ipë wiink naax wiink kajpn ja'ay y'ëwtajtëpën?

Lamentaciones 1:11

Jëëytyëp yaxtëp ja kunaax kukajpnëty, jë'kxy pëky y'ixtaaytyëp; tëë tyajkta'ay wyit myeeny ma jyi'kxy pyiky tjuyën këtii yuu ookëty. Ix Wintsën wi'ixës o'ktëy njaty nkëpetyën. Ix wi'ixës yë ëyo'on jotmay npaaty n'ixyën.

Lamentaciones 1:16

Je'eyës xyajyaxnë. Je'eyës yë nwiin nëë kyä'änë, ka'ap maa pën pënës xyajjotkujkëp, pënës xyajxäjku'tëp. Xit ko'owës ja n'u'unk n'ëna'k të jyajta'atë jä'ä ko ja mëtsip ni'ik ja myëkëty.

Lamentaciones 1:20

Wintsën ix yë nmonyë ntukyës, tim ma'tääpyës njawë njot nini'kx. Je'eyës yë n'aaw njot nja'awënë y'atijmujknë ko të nkäjpxykyumëtoownaxyës. Jap tëja'p yo'kpuxyës jap yë n'u'unk n'ëna'k y'ooktë, e yaa tëkoty nän o'kën yap ijtp.

Lamentaciones 5:17

Paaty ëëts ja n'aaw njotëty pyëktë y'atontë; paaty ëëtsëty ja n'ijxën myoonëtë.

Lucas 23:29

Pyatäämpy ja xëëw ko m'ëna'antëty: Akujk jotkujk ja to'oxytyëjk mëti'ipë ka'ap y'u'unkpaatën ets mëti'ipë ka'ap yaj'u'unktsi'itstën.

1 Samuel 30:4

Tääts tyëjkëtyë jëëpyë yaxpë.