Lamentaciones 2:1 - Biblia Dc en Mixe de Quetzaltepec

¹ Mëj'äämpy yë Wintsën yë tsyip y'äkë të tyaj'ity, mëti'ipë të tyajkukootsën yë Sión kajpn oypyë ënety yaj'ixyën. Tëë tyajma'ta'ay ja Israel kajpn oypyë tsujpë ets jëtu'un të tyajjaty tä jeexyë tsajp kyupojtsnaxyën naaxkëjxy; ko jyoot'anpëjky ka'ap tja'awëy ja tyekpya'tk.

Biblia Mixe de Quetzaltepec

¹ Mëj'äämpy yë Wintsën yë tsyip y'äkë të tyaj'ity, mëti'ipë të tyajkukootsën yë Sión kajpn oypyë ënäty yaj'ixyën. Tëë tyajma'ta'ay ja Israel kajpn oypyë tsujpë ets jëtu'un të tyajjaty tä jeexyë tsajp kyupojtsnaxyën naaxkëjxy; ko jyoot'anpëjky ka'ap tja'awëy ja tyekpya'tk.

Lamentaciones 2:1 ပူးပေါင်းရင်းမြစ်များ

Salmos 132:7

Tsojk nja'amëmë ma Wintsën yë tsyajptëjkën; wä'än nnäkyoxtënaaytyakëmë ma yajpaatyën.

1 Crónicas 28:2

Ënet ja David wya'akë'ky ets y'ënäny: Mëtoow'ijtëkës jëëkyëty mëku'ukëty ets miits naax kajpnëty: Ëjts jä'äs ënety të nmay të ntajy nkoja'anyës tu'uk yë tëjk ma Wintsën yë kyaaxë yajpëjkta'akëtyën ma xëmë y'itëtyën ets jam yajkutukëty; e tëëtsës ënety njanipëjktakëtyä'äy tiijaty tunaanpën.

Lucas 10:18

Ets ja Jesús y'ënëmaayëtë: Jëtu'un, tëëjës n'ixy ko ja mëjku'u kyuka'anaxy tsajpwinm ijxtëm ja wëtsuk nyaaxkëtä'äkyën.

Mateo 11:23

Ets miitsëty Capernaumëtë ja'ayëty, ¿tsajpjotm miits xytyijy myajmënëjkxa'antë? Niwi'ix'äämpy. Wäänë pa'tkë'p mnëjkxtëty ëyoowtaknjoty, jä'ä ko kooxyëp jeexyë ojts jëtu'unpë ja mëj'ajtën jam y'ëktunyë ma ja Sodomë kajpnën, tääpë kajpn tam jeexyë tyampaat yajpaaty.

Joel 2:2

jä'ä xëëw ma tsu'um ets koots y'ita'anyën, ma wintuky winjaam y'ita'anyën.

Ezequiel 30:18

Koos ënety nyajkutëkoy yë Egiptë kyutujkën etsës nyajkëjxta'ay ja myëk'ajtën mëti'ipë të nyätyukyajnaxyën mëj këjxm, nëjkxëp yë xëëw kyootsë jam Tafnes ets Egiptë kajpn yoots nëjkx nyitukyë, e ja Egiptë ja'ayëty tsumy matsy nëjkx yajmënëjkxta'atë wiink naax wiink kajpn.

Salmos 99:5

Mëjjaw kënu'kxyjyawëtë yë Wintsën, mëti'ipë nTios'ajtëmën; yë'ë wiinkoxtänëtë ets ëwtatë. Yë Dios, wa'ats yë'ë.

Lucas 10:15

Ets mijts Capernaumëtë ja'ay, ¿jëtu'un may mtajy ko tsajpjotm myajmënëjkxa'anyë? Niwi'ix'äämpy, wäänë pa'tkë'p mijts mnëjkxa'any ëyoowtaknjoty.

Ezequiel 24:21

Ënëëmë yë Israel kajpn: Jëtu'un yë Wintsën y'ënä'äny: Nyaj'ëxëëkëjäämpyës yam yë ntsajptëjkës, mëti'ipë m'oy'ijxtëpën, mtsojktëpën ets mëj'äämpy mnäyjyawëtë ko jyääjëty ets yë'ë mtukjotmëk'ajtëp; yë m'u'unk m'ëna'këty ye'etyëjk to'oxytyëjk mëti'ipë jam Jerusalén të xyajwë'ëmtën ja'ay nëjkx yaj'o'kta'ajëtë.

Lamentaciones 4:1

Tëë ja pu'ts pujxn yëkëtyä'äy. Ka'ap y'ëk'atë'kxnë. Xii yaa muum në'ëjoty tu'ujoty yajpatnë xit ko'oy, ja tsaa oyëtypë jëtu'unyë muum jyaak ka'tsnë

Lamentaciones 1:1

Tukwa'ats yë naax kajpn të wyi'imy ma ijty tëëyëp ja'ay may yajpaatën. Jëtu'un kyëxë'knë yë naax kajpn tä tu'uk ku'ooky to'oxytyëjkën. Atsip tyam myëtuun y'ëyoownë ja naax kajpn mëti'ipë mëk të yajtsoky të yajjawën jëtu'un tä to'oxytyëjkën yajkutujkpë.

Isaías 64:11

Ja ntsajp tëjkëtyës ma ijty ja nteety n'apëtyës mwin'ëw mwinya'axëtën, tëë ja tyooytyä'äy. Tu'kë'ëyë mëti'ipë ënety ëëts ntsojktëpën, xit ko'ow të jyajta'ay.

2 Samuel 1:19

Mijts Israel, tëë tsyëtyuty yë mmëj'ajt jam tunkëjxm kopkëjxm. Tëë y'ooky ja mja'ayëty mëti'ipë jotmëkëtyën.

1 Samuel 4:21

Ets tyajxëëwpejty ja myaank Icabod, jä'ä ko tyaa y'ënäny: Yë Israel jëtu'unyë të wyi'imy mëj'ajtëntuk, jä'ä ko tëë yajpëjkëtë ja Dios ja kyaaxë. Mëët ko jëtu'un y'ënäny, jä'ä ënety tyijpy ko ja Dios ja kyaaxë wiink ja'ay të myënëjkxyë, ko ja tyeety myë't të y'ooky ets ko ja nyiye'etyëjk ënety näjyëtu'un të y'ooky.

Lamentaciones 2:17

Tëë yë Wintsën tuny mëti'ipë të tmay të tajyën ets jëtu'un winë të tuny tä të tnikäjpxyën. Tëë tyajkutëkoy mëti'ipë tëëyëp nyikäjpxypën ko tyajkutuka'any, yë'ë të tyajnitukë ets mëtsip mnëxi'ik mtukxi'ikëtëty ets mëtsip mëj'äämpy të tyajnaxy.

Ezequiel 19:12

Je'eyëp ko ojts atsip tnujkë'ëktë ets tnajtsjëpijpëtyë. Jam xëëwpëtsëmtsyow ojts ja jëënpoj tsyoony ets yajtëtsë tääts tyëëmka'ataay; ja xye'enty ojts tsyëtsta'ay ets yajjëënkupëjky.

Salmos 89:45

tëë yë jyuukyajtën xykyuwijtsë ets të xyajwë'ëmy tsëtyu'unmëët.

Jeremias 30:14

Ja ye'etyëjktëjk mëti'ipë ënety mëët mnäy'ixjëtity mnäpyajëtityën, tëë mja'atyëkooyënëtë; ka'ap m'ëk jot'ajtënëtë. Jä'ä ko jëtu'un mijts të nyajtsëtsyuty tä jeexyë nmëtsip'atyën, mëk të ntëytyuny jä'ä ko këjää ja mtëko'oyën ets mëj ja mpoky.

Lamentaciones 1:12

Mëti'ipë në'ëye'ey tu'uye'eytyëpën ets mëmay mëtajtë pën mpëjkëtëp m'ijxëtëp tääjës ëjtsën ets jëtu'un m'ëyowtë. Yë Wintsënës xy'ëyo'onmo'oy koos të xytyukjoot'anpëky.

Lamentaciones 4:11

Yajnajx ja Wintsën ja tsyip y'äkë, ojts tyajmëtä'äky ja jyoot'an; yajnitooy ja Sión kajpn ets yë'ëpaat tyajkutëkooytyääy ja pyoty ëjx.

Ezequiel 13:13

Paaty ëjts maas nWintsën'atyën n'ëna'any: Koos ënety njoot'anpëky nyajminäämpyës yë mëktuupoj ets koos ënety ja ntsip n'äkë myëjë nyajtëtsntu'ujäämpyës jëtu'un tä jeexyë tsyaatu'uyën etsës winë nyajkutëkoyä'äny mëët ja tsip äkë.