Lamentaciones 1:6 - Biblia Dc en Mixe de Quetzaltepec

⁶ Tëë tyëkooytyä'äy ja y'oy'ijxën ja Sión kajpn; yë wyintsëntëjk jëtu'un tyam jyëtitë tä jëtsyu'ujën mëti'ipë jë'kxy'ixtaaytyëpën; je'eyë tyeky tjaak winpajëxoxtë ko tkukä'äktë mëti'ipë matsanëpën.

Biblia Mixe de Quetzaltepec

⁶ Tëë tyëkooytyä'äy ja y'oy'ijxën ja Sión kajpn; yë wyintsëntëjk jëtu'un tyam jyëtitë tä jëtsyu'ujën mëti'ipë jë'kxy'ixtaaytyëpën; je'eyë tyeky tjaak winpajëxoxtë ko tkukä'äktë mëti'ipë matsanëpën.

Lamentaciones 1:6 ပူးပေါင်းရင်းမြစ်များ

2 Reyes 19:21

Jëtu'un ja Wintsën kyajpxwinpity, ma tnikäjpxyën ja Senaquerib mëti'ipë jam yajkutujkpën Asiria: Ja naax kajpn mëti'ipë yajtijpën Sión, jëtu'un npëjktakmëty tä ja to'oxy'ëna'kën, mëti'ipë je'eyë mnëxikpy mtukxikpyën mijts Senaquerib. Yë Jerusalén je'eyë kyëpajk timjyëpipy mëët ja mmëj'ajt mkëjxm'ajtën ko mkäknë.

2 Reyes 25:4

Ënet jam potsy'ëjxm tu'uk t'oytyuuntë ja najxtakn, ja caldeo ja'ayëty oy jap kajpnpë'ajp jyakëwent'atë, ka'ap t'ijxtë ko ja yajkutujkpë kyeky mëët ja tsyiptuunpëtëjkëty, tsu'umkujk kyäktë. Jamtsow ojts kyäkpëtsëmtë potsy'akujkm ma ja tëjk'aawën mëti'ipë ënety ja Nabucodonosor ja jyä'äy këwent'ajtëpën ets tpëjktë ja tu'u mëti'ipë jam najxpën ma ja pëjykyamën mëti'ipë ja yajkutujkpë jyä'ä'ajtypyën; jamtsow jyënajkë'ktë ma ja Jordán nëë yajninëjkxyën.

2 Reyes 25:5

E ja tsiptuunpëtëjkëty, ja Caldeo ja'ayëty ojts tpapo'otë ja yajkutujkpë Sedequías ets jam naspatëtyë ma ja jyoyjotmën ja Jericó. Ja tsyiptuunpë jëtu'unyë nyikäktaayë ja jyä'äy.

Salmos 50:2

Dios yë'ë jam të'kxp jajp ma Sión kajpnën, ma ja kajpnën janty'oy janty tsujpë.

Salmos 96:9

Ëwtatë ets wiinkajpxta'aktë yë Wintsën ma tsyajptëjkën, tëkokyë yë naaxwiinyëtë ja'ayëty wä'än twinkutsë'ëkëtë.

Isaías 1:21

Mijts Jerusalén kajpn mëti'ipë wa'ats kajpn yajtijpën, jëtu'un të m'awinpity tä tu'uk to'oxytyëjkën mëti'ipë xim yam ye'etyëjk yeempyën ets myëët'atëtëty. Tëëyëp aak'oy ijty ja'ay jyuuky'atë ets aak mëtëy winë tuntë, e tyam aak yajja'ay'o'knëtëp.

Isaías 12:6

Xi'iktë xontë miitsëty naax kajpnëty mëti'ipë tsënaaytyëpën jam Sión, jä'ä ko yë Wintsën, wa'atspë, mëti'ipë yajpatpën ma Israel kajpnën tam yajpaaty ma miitsëtyën mëët tu'kë'ëyë ja myëj'ajtën.

Isaías 4:5

Ma ja Sión kopkën, ets ma ja ja'ay tu'ukmukyë yajpaatën, nëjkxëp ja Wintsën jam ja kyënu'kxën tyajkëtä'äky tä tu'uk yë yoots nëma'ajën, jëënën nëjkx tyajkëtä'äky ko kyoots'atëty. Jam anëkëjxmtsow yë Wintsën yë myëj'ajt y'oyajtën nëjkx yajpaaty,

Jeremias 13:18

Jëtu'un xy'ënëëmëty yë yajkutujkpë ets yajkutujkpë taak: Jënaktë jam ma myajkutuktën, naaxkëjxy u'unyëtë, jä'ä ko tëë kyä'äy ja mkujän mëti'ipë myaj'oykyëxë'këtëpën.

Jeremias 29:4

Jëtu'un yë Wintsën y'ënä'äny mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, yajtuknikäxtë nitëkokyë ja'ayëty mëti'ipë të yajmëtsoontën tsumy matsy yaa Jerusalén ets të yajmënëjkxtë jam Babilonyë:

Jeremias 47:3

Ko tmëtoowpaatëty ja kwaay pëkajx pëkajxnë myintë, ko ja pujxnwintëkäämpë kyujy jyëmämëty ets ja ye'eypyäjn jyänty ëna'anmëty. Ja teety taak jëtu'unyë nëjkx ja y'u'unk y'ëna'k tnipëyë'ktuta'atë, jä'ä ko ka'ap nëjkx t'ëkmëët'ajnëtë ja mëk'ajtën wi'ix ni'ëmukë kyä'äktëtyën.

Jeremias 48:41

Oy jënu'un myëjkajpnëty ets oy jënu'un kyëwent'atyëty, ko ja myëtsip nyiminëtëty, o'ktëy tyuna'anyë. Jä'ä xëëw ja Moab ja tsyiptuunpëtëjk nëjkxëp yë tsë'ëkë tyajnaxy tä tu'uk yë to'oxytyëjk tsyë'ëkën ko u'unk maay tyajmina'any naaxwiiny.

Jeremias 52:11

E yë Sedequías ojts yajni'ënä'ämë ets wyiintsaa yajjuutëty ets yajtsumëty mëët yë pujxntä'äky, jëtu'un jam Babilonyë yajmënëjkxëty. Tsumy ënety jap y'ity ko ojts y'o'knë.

Jeremias 52:13

ets tno'ktëkooy ja tsajptëjk ets ja kutujkëntëjk ets ja jëën tëjk jampë kajpnjotm yajpaatyën, yë'ë ni'ik ja wintsëntëjkëty ja jyëën tyëjkëty mëti'ipë ënety mëj'äämpy të y'itën;

Ezequiel 24:21

Ënëëmë yë Israel kajpn: Jëtu'un yë Wintsën y'ënä'äny: Nyaj'ëxëëkëjäämpyës yam yë ntsajptëjkës, mëti'ipë m'oy'ijxtëpën, mtsojktëpën ets mëj'äämpy mnäyjyawëtë ko jyääjëty ets yë'ë mtukjotmëk'ajtëp; yë m'u'unk m'ëna'këty ye'etyëjk to'oxytyëjk mëti'ipë jam Jerusalén të xyajwë'ëmtën ja'ay nëjkx yaj'o'kta'ajëtë.

Ezequiel 24:25

Tyam mpëjkëtya'ajäämpyës yë Israel yë nyaax kyajpn këwent'atypë y'ityën, mëti'ipë tsyajptëjk'ajtypyën, oypyë yaj'ijxyën, mëti'ipë tsyojkpyën ets y'oyjya'apën. Mpëjkëtya'ajäämpyës näjyëtu'un yë y'u'unk y'ëna'k ye'etyëjkpë to'oxytyëjkpë.

Deuteronomio 28:25

ets mnakëty. Ko ja mëtsip xyanitsoonëty, je'eyë xywyinku'ixëty ko nimay mniminyë, tääts poj'am mkä'äkëty, mijts ko ënety ëxëëk'o'ktëy mjajnë mkëpäjnë, yë'ë nëjkx ja wiink naax wiink kajpn xytyuk'atsë'ëk xytyuk'ajawë.

Deuteronomio 32:30

Tu'uk je'eyë ja myëtsip mëti'ipë nitu'kmil yajkekpyën ja myëtsip. ¿Wi'ix jëtää ko jyëtu'unëty? E ja mäjtskpë ja myëtsip majk mil tyajke'eky. ¿Näy wi'ix ko jyëtu'unëty? E ¿tiikyëjxm ko jëtu'un jyajnëtë kyëpäjnëtë? Yë'ë ko Wintsën jëtu'un të tuknipëjktaakë, mëti'ipë ijty këwent'ajtëtëpën. E tyam jä'ä ko tëë y'ëxmajtsënëtë, paaty o'ktëy jyajnëtë kyëpäjnëtë ma ja myëtsipëtyën.