Lamentaciones 1:11 - Biblia Dc en Mixe de Quetzaltepec

¹¹ Jëëytyëp yaxtëp ja kunaax kukajpnëty, jë'kxy pëky y'ixtaaytyëp; tëë tyajkta'ay wyit myeeny ma jyi'kxy pyiky tjuyën këtii yuu ookëty. Ix Wintsën wi'ixës o'ktëy njaty nkëpetyën. Ix wi'ixës yë ëyo'on jotmay npaaty n'ixyën.

Biblia Mixe de Quetzaltepec

¹¹ Jëëytyëp yaxtëp ja kunaax kukajpnëty, jë'kxy pëky y'ixtaaytyëp; tëë tyajkta'ay wyit myeeny ma jyi'kxy pyiky tjuyën këtii yuu ookëty. Ix Wintsën wi'ixës o'ktëy njaty nkëpetyën. Ix wi'ixës yë ëyo'on jotmay npaaty n'ixyën.

Lamentaciones 1:11 ပူးပေါင်းရင်းမြစ်များ

2 Reyes 6:25

Jä'ä jëmëjt ojts jam y'ity tu'uk mëk yuu Samaria, jä'ä ko ja ja'ayëty ojts ja naax kajpn tyajnatujkta'atë, ojts jap tu'uk ja krukts tsyoowpatnë tëkë'px aakyë'ë poop pujxn meeny ets ojts näjyëtu'un jap tjuuynyëtë yë pak të'ëny mëti'ipë ojts tsyoowpatnën mëkoxk aak poop pujxn meeny.

Salmos 79:4

Tyam je'eyë ënät ëëtsëty xynyëxi'ik xytyukxi'iktë ja naax kajpn mëti'ipë yajmëwinkon'ajtpën; tyam yajja'ayxyiktëpës je'eyë ma ja ja'ayëtyën mëti'ipës xywyinajx xywyintëjkëtyëpën.

Jeremias 15:19

Jëtu'un yë Wintsën y'ënä'äny: Pën mijts mwinpijtp jatëkok maas ëjtsën, mijts nkupëkäämpy etsës xymyëtunëty. Pën mijts mmajts'ijtyp ja mwiin m'aaw ets ka'ap nëkoo ayuk xy'ixkäjpxy, yi'iyë mnikäjpxyp mëti'ipë tëy jaantyën; jyëkyäpëp xynyikajpx xynyimëtya'akëty ëjts yë n'aaw n'ayukës. Yë'ë, nëjkxëp mniminyë ets mijts, nëjkxëp xynyinëjkxy.

Jeremias 19:9

Ëjts nyajkutukäämpy ets ja ja'ay tsu'utstëty ja kyë'ëm u'unk kyë'ëm ëna'k, ye'etyëjkpë to'oxytyëjkpë; nixim niyam nëjkx nyätsyu'tsënëtë ko ënety o'ktëy jyajnëtë ets kyëjxtaaynyë ja jë'kxy pëky mëët ko ja myëtsip të yajnatukëtë.

Jeremias 38:9

Wintsën, mëti'ipë tääpë ja'ay të tuntën, mëjpoky yë'ë. Tääpë Jeremías yuu'ookëp ënät jap nëëjutjoty, jä'ä ko ka'ap maanë yë jë'kxy yaa kajpnjoty.

Jeremias 52:6

Ma taxtujk y'änyën, ja mëmajktaxk po'opë, jää ojts ja ja'ay mëk tja'awënëtë ja yuu nëëtëëtsë jap kajpnjoty, ka'ap maa tiinë tii ja'ay jyë'kxtëpën.

Lamentaciones 1:8

Yë Jerusalén nëkooyë të pyokytyuunë paaty ka'ap pën y'ëktsojkënë. Mëti'ipë ijty mëj'äämpy jyëkyajpëpën, tyam ka'ap pën y'ëk'ixanënë, jä'ä ko niwa'ats ëxwa'ats t'ijxnëtë. Paaty jyi'iy yä'äxy ets wintsëtyu'un jëjptsëtyu'un wya'akwinpity.

Lamentaciones 1:9

Tëë yë nyëë pyoky yaj'ëxëëkëtë; ka'ap ojts tmëmay tmëtajy wi'ix wyimpëtsëma'any. Ka'ap nmëpëka'anmëty wi'ix të jyäty të kyëpetyën; ni pën kyajjotkujkmo'oyë. Ix Wintsën, wi'ixës o'ktëy njaty nkëpetyën ets wi'ix yë nmëtsipës nyämyëjaw nyäjyäänty jawëtyën.

Lamentaciones 2:11

Moonëpës yë n'ijxën koos je'eyë një'ëy nyä'äxy, jëtu'unës njawë mëpaatëpës yowë nkatsy pyëjnë; tëëjës näjyawëty ntimy xyejykyukëxë koos të n'ixy ja nja'ayës ja nyaax kyajpn të kyutëkoy, koos n'ixy ko yë'ëpaat pi'k ëna'k yuu'o'knëtë tu'ujoty.

Lamentaciones 2:12

Ets ja pi'k ëna'këty t'ënëmaaytyë ja tyaakëty: Nanë, ka'ap tii kääkynyë ka'ap tii uukynyë. Aak ooky muum yajpatnëtë tu'ujoty ma kajpnën, tam tyaak jyatsä'än'itëtë ko y'ooktë.

Lamentaciones 2:20

Ëk'ix Wintsën, mëmay mëtaj ko mijts ka'ap ni pën jëtu'un xytyunyëm ëxëëk. ¿Mëpaat jëtäätën tu'uk u'unktaak tsu'utsëty yë kyë'ëm u'unkë? ¿Mëpaat jëtäätën y'ooktë tyëkoytyë yë teetytyëjkëty ets käjpxynyajxpëtëjkëty jap ma tsajptëjkënë?

Lamentaciones 5:1

Wintsën yë'ë ja'amyäts wi'ixës të njat të nkëpätën; ijxtëkës, wi'ixës xyajjoot'anpëktën.