Lamentaciones 1:1 - Biblia Dc en Mixe de Quetzaltepec

¹ Tukwa'ats yë naax kajpn të wyi'imy ma ijty tëëyëp ja'ay may yajpaatën. Jëtu'un kyëxë'knë yë naax kajpn tä tu'uk ku'ooky to'oxytyëjkën. Atsip tyam myëtuun y'ëyoownë ja naax kajpn mëti'ipë mëk të yajtsoky të yajjawën jëtu'un tä to'oxytyëjkën yajkutujkpë.

Biblia Mixe de Quetzaltepec

¹ Tukwa'ats yë naax kajpn të wyi'imy ma ijty tëëyëp ja'ay may yajpaatën. Jëtu'un kyëxë'knë yë naax kajpn tä tu'uk ku'ooky to'oxytyëjkën. Atsip tyam myëtuun y'ëyoownë ja naax kajpn mëti'ipë mëk të yajtsoky të yajjawën jëtu'un tä to'oxytyëjkën yajkutujkpë.

Lamentaciones 1:1 ပူးပေါင်းရင်းမြစ်များ

Isaías 3:26

Jë'ëjaanp ya'axaanp ja naax kajpn ets mon tuk yajpaata'any, nëjkxëp ja ja'ay tsyo'ontaaynyë ets tukwa'ats ja naax kajpn wyë'ëmëty.

Esdras 4:20

jam Jerusalén ojts jam yajkutujkpëtëjk y'itë mëti'ipë mëk yajkutujktën ma it naaxwiinyëtën mëti'ipë yajpatpën ma xëëw pyëtsimyën, ma ja Éufrates mëjnëëjën, yë'ëjëty xëmë ijty myeenyyaktë jam Jerusalén.

1 Reyes 4:21

Yë Salomón wäänë mëj ijty muum ja kyutujkën yajnikäjpxy, këtiinëm jyëtu'unëty ja wiinkëtypë ja kutujkëntëjk; jampaat ja kyutujktakn y'ëwtijty ma nëëjoy yajtijyën Éufrates ets nyäxy ma ja filistejë ja'ayëtyën; tyimja'ty jam Egiptë. Tëkokyë ja ja'ayëty aak ayajk aak ako'onëtyëp ijty mapaat ja Salomón yajkutujkyën.

Isaías 54:4

Këtii mtsë'ëkëty, ni pën mkatukxi'ikëtëty; ka'ap pën m'ojëtëty ets ka'ap pën myajtsëtyunëtëty. Nëjkxëp xyjyä'äytyëkooytyä'äy mëti'ipë ënety të xytyuktsëtyunyën ko m'ëna'k'ajty, ets ka'ap nëjkx xy'ëkja'amyäjtsnë ko ënety ëxëëk të mjaty të mkëpety ko mku'o'kë,

Sofonías 2:15

Jëtu'un jyata'any ja naax kajpn amëj akëjxmëpë ets jotkujkpë, mëti'ipë ja nyija'ay të y'ëna'antën ko ka'ap maa wiinkpë kajpn tä yë'ëjëtyën. O'ktëy ja naax kajpn të jyäty, aayjëyujk ujtsjëyujk jam ëtëtsp ënaanp. Ko ënety jam pën nyäxy je'eyë nëjkx myëkxejy y'o'kxejy ets ka'ap tsojkën'atëty jëtu'unpë ja kajpn.

Lamentaciones 5:16

Jëtu'unës nyajajnëtë tëë yowë ja nkujanëtyës xykyuka'atutnëtë; janty mon janty tuk ëëts nyajpaatë koos të mpokytyuntë.

Isaías 22:2

Ma ja kajpnën, ma ja'ay y'akujk'at jyotkujk'atën, ma ja ja'ay y'ëyë'ëktën kyëyätën. Ja mja'ay mëti'ipë të y'ooktën ka'ap jyamëty të y'ooktë tsipjotm ets ka'ap jyä'äyëty të yo'kpuxëtë;

2 Reyes 23:35

Joaquim ojts tmo'oy ja Necao ja poop pujxn ets ja pu'ts pujxn ijxtëm t'amëtooyën; ja pu'ts pujxn ets ja poop pujxn mëti'ipë ojts tkë'ëyäkyën yë'ë mëti'ipë ja naax kajpn ojts t'akon t'ayakën. Nitu'ukjaty aak nimëtsyowë ojts tyaktë jënu'un pyaatëtën ets jä'ä tmooytyë ja yajkutujkpë Necao.

Apocalipsis 18:7

Tëytyuntë tsaatyuntë ijxtëm pyaat'atyën, jä'ä ko tëë tuntë winë ëxëëk. Jëtu'un y'ënä'äny jyootjoty wyinma'anyjoty: Tyaajës n'u'unyë ijxtëm tu'uk yë yajkutujkpën to'oxytyëjkpë. Ka'apës nku'ooky tyo'oxyëty ets ka'apës n'ëyowa'any.

Ezequiel 26:16

Tëkokyë ja yajkutujkpëtëjk nëjkxëp jam wyä'ätsë'kta'atë ma y'ënyääypyäjnëtyën ets nëjkxëp ja wyit tjäänta'atë mëti'ipë ënety myë''ënä'ämtëpën; tsë'ëkë mëët nëjkx nyaaxwäätstë jatëkok ets janaam jatsojk tsyëtyuytyëty ko ënety m'ixyë.

Lamentaciones 4:1

Tëë ja pu'ts pujxn yëkëtyä'äy. Ka'ap y'ëk'atë'kxnë. Xii yaa muum në'ëjoty tu'ujoty yajpatnë xit ko'oy, ja tsaa oyëtypë jëtu'unyë muum jyaak ka'tsnë

Lamentaciones 2:10

Yë mëjja'aytyëjk amonyë jyaak u'unyëtë naaxkëjxy, tëë naaxway nyätyukupëjkta'ajëtë ets yë'ë wit të tuktëkëtë mëti'ipë u'kxpën nä'ämpën. Yë to'oxy'ëna'këty mëti'ipë kukajpnajtëpën Jerusalén winta'ak naaxkow jyaak jëtitë.

Lamentaciones 2:1

Mëj'äämpy yë Wintsën yë tsyip y'äkë të tyaj'ity, mëti'ipë të tyajkukootsën yë Sión kajpn oypyë ënety yaj'ixyën. Tëë tyajma'ta'ay ja Israel kajpn oypyë tsujpë ets jëtu'un të tyajjaty tä jeexyë tsajp kyupojtsnaxyën naaxkëjxy; ko jyoot'anpëjky ka'ap tja'awëy ja tyekpya'tk.

Jeremias 50:23

Yë Babilonyë ja'ayëty, jëtu'un yë naax kajpn y'ixyë pujxnkuwojpnën mëti'ipë tëë kyiitsyën ets piw nuuk të jyajta'ay. Tsë'këp yë naax kajpn ko yë Babilonyë ëxëëk të jyäty të kyëpety.

Jeremias 40:9

Ets ja Guedalías y'ënëmaayëtë, yë'ë tyios tyukkajpxpejtyp: Këtii mtsë'ëkëtë ko yë caldeo ja'ay m'ënä'äma'anëtë. Jam wë'ëmtë tsënääpyë Babilonyë ets oy myajpaatëty.

Jeremias 9:11

Yë Jerusalén kajpn, tsaa jëtätjot ets wax ijtakn nyaj'awinpita'anyës; yë Judá kajpn aanë'ëk tëëtsë'ëkës nyaj'awinpita'any ets ni pën jam kyatsëënëja'any.

Isaías 52:7

Janty oy janty tsuj yaj'ixy yë ja'ay mëti'ipë oy aaw oy ayuk myëmiinpy yajmiinpyën tunjotypë kopkjotypë, mëti'ipë nyikäjpxypën ko ka'ap y'ëkjää'atanë jëën tsip, mëti'ipë nyikäjpxypën ko pyaatantëp ja ja'ay ja ëwaatsëtuuy'ajtën ets t'ënëmaay ja Sión kajpn: Yë mWintsën, yë'ë yajkutujkpë'ajtp.

Isaías 52:2

Jerusalén kajpn, pëtë'ëk, näwyinxitët ets mnaaxwäätsëty ma ja kutujktaknën. Sión kajpn, ma mijts myajpaatyën tä tu'uk to'oxy ëna'kën tsumpyë matsypë, näyo'käjtu'utët, ëxmajtsnë yë mkepy mëti'ipë mtëytyuunëpën.

Isaías 14:12

Wi'ixën jam tsajpjotm të mkuka'anajxpë, mëj ijty mtë'kxy mjajy jopyëp. Jëtu'unyë naaxkëjxy të myajnajtsjëpipë, mijts mëti'ipë ijty ëxëëk ja naax kajpn mtuunpyën.

Salmos 122:4

Ma yë'ëjën jam yë Wintsën yë jyä'äy myintë ets tmëjpëjkta'aktë Wintsën yë xyëëw jëtu'un tä ojts tuk'ëne'emyën ja Israel kajpn.

Nehemías 9:37

Ko ja pëjktä'äky jyayajpëky mëjwiin këjää wiink ja'ay ja jyä'ä'ajtyp ets yë'ë yajkutujkpë jyi'kxyp pyijkpy, mëët koos ja nëë poky të ntuuntëkoytyë. Ëëtsëty ets mëët ja njëyujk ntsajpkaajëtyës je'eyë ëëts nëkoo ntyäty tyun ntyäty'ëyowtë wiink ja'ay tyukxoompy tyuk'ijtyp. Paatykyëjxm ëëts nkumon nkutukëtë ets një'ëtë nyäy'axtë.

Nehemías 5:4

wiinkpë y'ënä'äny ko may të nyu'kxnë jä'ä ko ja yajkutujkpë tjanty amëtoy ja ayajk ako'onën, may mëti'ipë tëë tnimeenykyo'onënyën ja nyaax kyajpn kyamtëjk. Tam wiinkpë mëti'ipë ënaanpën:

2 Reyes 23:33

Ja yajkutujkpë Necao, ja Egiptë ja'ay, ojts tsum yaj'ityë jam Riblá, ma ja y'itjotmën ja Hamat; këtiipë jam yë'ë yajkutukëty Jerusalén ets tukupëjky atsip ja naax kajpn ets tyaktëty ja këpäjtën; tëkëëk mil ja tëkëëk mëko'px tsim ja poop pujxn ets i'px majktëkëëk tsim ja pu'ts pujxn.

Isaías 50:5

Yë Wintsën yë'ëjës të xymyo'oy ijxkujk ja'aykyujkën, e ëjts käjpxykyupëjkpë të nnäpyëjktä'äkyës ets ka'apës ni'ikyë të nnäyu'ts të nnäkyiiyënë.

2 Crónicas 9:26

Ja Salomón jä'ä ijty nyikopk'ajtyp tëkokyë ja yajkutujkpëtëjk mëti'ipë yajpatëpën Éufrates, ma ja filistejë ja'ayëtyën ets mapaat ja Egiptë ja'ayëty ja tsyëpa'anëty y'ëwtitën.

Isaías 49:21

Ets nëjkx mmay mtajy: Ixës tyaapë n'u'unk nmaay may të ntimyajmooynyë. Ëjts ka'apës ijty u'unk ëna'k nmëëtëty; ëxwopy ixkexyës të n'ity ets ijxtëkoy ja'atyëkoy, ¿wi'ixës yë n'u'unk n'ëna'k të yä'knëtë? Nnätyu'ukës xëmë të nyaj'ixmatsy, ¿wi'ixën të myiinëtë n'u'unk n'ëna'kës?

Jeremias 31:7

Jëtu'un yë Wintsën y'ënä'äny: Ëwtë akujk jotkujk, tukxoonta'aktë yë Jacob yë nyaax kyajpn mëti'ipë tu'uk je'eyë kajpn'ajtpën ets mëj'äämpyë y'ityën ma wiinkëtypë naax kajpnën. Mëk ëwtë ets mëjjaw kënu'kxyjyawëtë yë Wintsën, wä'än ja'ay tmëtowtë ets m'ëna'antëty: Tëë yë Wintsën tyajtso'oky yë nyaax kyajpn, niwäänëpë ënety të jyaakwë'ëmtën ma Israel ja'ayëtyën.

Jeremias 42:2

ets tnimiintë ja Jeremías käjpxynyajxpë ets t'ënëmaaytyë: Mëyajtën ëëts n'amëtowantëp ma mijtsën, niwaantso'ow nipëjktso'owëtëkës ma mWintsën Tiosën, këtii m'ëna'anëty ko ka'ap, maas niwäänë të nwë'ëmtën. Nimay ijty ëëtsëty tëëyëp, tyam niwäänë njaakyajpaatës, jëtu'un tä xy'ixyën.

Ezequiel 5:5

Ëjts, mëti'ipë Wintsën'ajtpën, jëtu'unës n'ëna'any: Ixtë ja Jerusalén kajpn. Ëjts ojts mpëjktä'äky ma wiinkëtypë ja naax kajpnën ets wiinkëtypë ja it naaxwiinyëtën.

Jeremias 44:2

Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Miitsëty tëë xy'ixtë ja ëyo'on jotmay mëti'ipë jam Jerusalén të y'ityën ets ma Judá nyaax kyajpnën. Tyam xit ko'ow yajpaaty ets ka'ap jam pën tsyëënë

Jeremias 44:6

Ënet njoot'anpëjkyës ets n'ëwa'antäkyës, jëtu'un tä jeexyë yë jëën tsyooypyijkyën jam Jerusalén ets jam Judá ets të mya'taay ja naax kajpn, xit ko'ow të jya'ajtaay tyampaat je'eyëm jam.

Lamentaciones 1:19

Ojtsës nja'amëtoy yë näypyutëkë yë n'atsokyjyä'äytyëjkës, yë'ëjëty ni'ikyë ojts xy'ëxmatstës. Yë teetytyëjkëty ets mëjja'aytyëjk wa'ats të y'o'kta'atë jam kajpnjotm, jë'kxy pëky ënety y'ixtaaytyëp këtiipë yuu ooktëty.

Ezequiel 26:2

Jëtu'un yë Tirë kajpn të y'ënä'äny, yë'ë y'antijpy yë Jerusalén kajpn: Ix tää ënät të mya'ta'ay ja nyitëjk'aaw ja kajpn ma ijty tëëyëp ja ja'ay y'ajuy y'atooktën, tyam ëjtsës xytyukka'ap; etsës nkumeenytya'akëty ets yë'ë wä'än axit ako'owë tjajta'ay.