Jueces 9:54 - Biblia Dc en Mixe de Quetzaltepec

⁵⁴ Ko ja Abimélec nyäjya'awëyë tëë tsyëtyuty, tä ënätyë tmëjyaxëy ja tyuunpë mëti'ipë tyëëmjëtijtypyën ja tëypyujxn ets t'ënëmaay: Juut yë mtëypyujxn ets yaj'o'kës, ka'apës ntsoky yë käjpxy y'ëna'anëty ko to'oxytyëjk të xyaj'ookyës. Ënet ja tyuunpë tyukmoxmëku'umëyë ja yenypyujxn ets jëtu'un y'o'ky.

Biblia Mixe de Quetzaltepec

⁵⁴ Ko ja Abimélec nyäjya'awëyë tëë tsyëtyuty, tä ënätyë tmëjyaxëy ja tyuunpë mëti'ipë tyëëmjëtijtypyën ja tëypyujxn ets t'ënëmaay: Juut yë mtëypyujxn ets yaj'o'kës, ka'apës ntsoky yë käjpxy y'ëna'anëty ko to'oxytyëjk të xyaj'ookyës. Ënät ja tyuunpë tyukmoxmëku'umëyë ja yenypyujxn ets jëtu'un y'o'ky.

Jueces 9:54 ပူးပေါင်းရင်းမြစ်များ

2 Samuel 1:10

Ënätës të njanty wiinkuwa'akë etsës të nyaj'ooky, jä'ä ko tëëjës ënety n'ixy ko ka'ap y'ëkjuuky'atanë, tëë yajxon mëj tsyëtyujnë. Tääts të ntimpyëjkës ja pyu'tspujxn kujup ets ja pyu'tspujxn kë'ëjän ets yaa mijts ntukniminy.

2 Samuel 1:7

Ko të nyäjyë'ixyë täätsës të xy'ijxpaaty etsës të xyaaxë. Ëjts tëëjës ninëjkxy etsës ntuna'any ja mëti'ipë ënety xytyuk'ënä'ämaanpën.

2 Samuel 1:9

Ënätës të xy'ënëëmë koojëkës ntimyaj'ookëty, tëë y'ënu'kxënyë yajxon tim ookanëp ënätynyë.

2 Samuel 23:37

Sélec, jampë tsyoonyën Amón; Naharai, jampë kyukajpnëtyën Beerot, mëti'ipë ijty yë Joab pyutu'unëp'ajtypyën, yë myaank yë Sarvia;

1 Crónicas 10:4

Ënet ja Saúl ojts ënätyë tjamëkäjpxy ja tyuunpë mëti'ipë myëët'ajtypyën ja akëëytyujkën ets t'ënëmaay: Yaj'o'kës mëët yë mtëypyujxn, këtiipë tääpë mëtsip xytyukxi'iktëtyës. E ja tyuunpë ka'ap nye'a'ijxëy tyaj'ookëty ja wyintsën mëët ja mëktsë'ëkë. Ënet ja Saúl ojts kë'ëm tkajpë'ëky ja tyiypyujxn ets tkukëtaawë'ky, jëtu'un kë'ëm nyäyaj'o'kë.

1 Crónicas 10:5

E ko ja tyuunpë y'ijxë ko tëë kë'ëm ja Saúl nyäyaj'ookyë, ënät näjyëtu'un tkukëtaawë'ky ja tyiypyujxn kë'ëm ets y'oky.

1 Crónicas 11:39

Selec, mëti'ipë Amón ja'ayën; Naharai, jampë tsyoonyën Berot, mëti'ipë ijty ja Joab tyuktsëëmjëtijtypyën ja tyi'pxn ets ja kyu'umën, tëkokyë mëti'ipë myëtsiptuuntëpën, ja Joab ja Sarvia myaank;

Jueces 4:9

Oy nja'amëty, jëtu'un y'ëtsooy ja Débora. Yë'ë tëy mnijawëp ko ënät nmëtakmëty ma ya'atë tsipën, ka'ap myijtsëty xytyukmëjnaxa'any, jä'ä ko yë Sísara yë'ë yaj'ookanëp tu'uk yë to'oxytyëjk. Ënet tsyo'ony ja Débora mëët yë Barac ets ojts nyëjkxtë jam Quedes.

Jueces 9:55

Ko yë Israel ja'ayëty t'ijxtë ko yë Abimélec tëë y'o'knë, ënät ojts wyimpijtaaynyëtë ma tyëjkëtyën.

1 Samuel 14:12

Tääts ja Jonatán mëët ja tyuunpë yajyaxëtyë: Yam ku'të, tyam tu'uk yë ayuk nmo'oja'antë. Tä ja Jonatán t'ënëmaay ja tyuunpë: Pamiinkës jä'ä ko yë Wintsën tëë kyë'ëyakëtë ma Israel ja'ayëtyën.

1 Samuel 14:13

Yë Jonatán matsyë jaaxyë ojts jam pya'tëkë kopkkëjxm mëët ja tyuunpë. Jënu'un ja Jonatán ja myëtsip tkutijnaxyën, ja tyuunpë jä'ä yaj'o'kpy.

1 Samuel 14:14

Ma ja Jonatán mëët yë tyuunpë tnipëtë'kyën ja filistejë ja'ayëty, jä'ä ojts tyaj'ooktë ja myëtsipëty, i'px.

1 Samuel 14:17

Ënet ja Saúl t'ënëmaay ja tsyiptuunpëtëjk mëti'ipë ënety jämyëët'ajtëpën: Mëtyoowta'atë yë tsiptuunpëtëjk ets yajnijawëty pën jam pën tyëkoy'äty. Ko ojts tmëtyoowta'atë ënät ojts tnijawëtë ko kajtëm ënety jam pën ja Jonatán mëët ja tyuunpë.

1 Samuel 14:7

Tääts y'ëtsooy ja tyuunpë: Tun tii mmääpy mtäjpyën, ëjts tyaajës nyajpaaty ets nputëkëja'any.

1 Samuel 16:21

Tä ja David jam myiiny ma ja Saulën ets ojts jam wyë'ëmnë, yë Saúl oy tukjotkëtäky yë David, paaty ojts tpëjktä'äky ets yë'ë pyutëkëtëty.

1 Samuel 31:6

Jëtu'un ojts y'o'knëtë jä'ä xëëw ja Saúl mëët nitëkëëk ja myaank ets tu'uk ja tyuunpë, ets tëkokyë ja jyä'äy.