Jueces 9:28 - Biblia Dc en Mixe de Quetzaltepec

²⁸ Ja Gáal ëmu'ukyë y'ënäny: ¿Wi'ix tyimnäjya'awëyënë yë Abimélec? Yë'ëts yë Jerubaal je'eyë myaank ets yë'ë këwen'ajtëp ets putëjkëyëp yë Zebul, e ëëtsajtëm: ¿Tii ko ënät yë'ë je'eyë tuunpë xywya'anmëty? Oy ntu'unmëty je'eyëp ko yë'ë Siquem nmëtu'unmëp mëti'ipë ya'atë Siquem kajpn yaj'ixtakën ets ka'ap yë'ëjëty yë Abimélec.

Biblia Mixe de Quetzaltepec

²⁸ Ja Gáal ëmu'ukyë y'ënäny: ¿Wi'ix tyimnäjya'awëyënë yë Abimélec? Yë'ëts yë Jerubaal je'eyë myaank ets yë'ë këwen'ajtëp ets putëjkëyëp yë Zebul, e ëëtsajtëm: ¿Tii ko ënät yë'ë je'eyë tuunpë xywya'anmëty? Oy ntu'unmëty je'eyëp ko yë'ë Siquem nmëtu'unmëp mëti'ipë ya'atë Siquem kajpn yaj'ixtakën ets ka'ap yë'ëjëty yë Abimélec.

Jueces 9:28 ပူးပေါင်းရင်းမြစ်များ

Génesis 34:2

E jam ënety tu'uk yë ye'etyëjk yajpaaty mëti'ipë txëëwajtypyën Siquem, yë myaank yë Hamor, Heve ja'ay, mëti'ipë ënety mëj'äämpy ijtëpën ma ja jampë ja naax kajpnën. Ënet ja Dina t'atsip'ajty ets myëëtko'knëtëty ets ojts jëtu'un ja näwyinkutsë'ëkë tkamëët'aty ma ja Dina.

1 Samuel 25:10

E ja Nabal tyaa ja y'ëtsooy: ¿Pënën tääpë mtijtëp David? ¿Pën ja'ayën tääpë xynyikajpxtën ko Jesé tmaankëty? tyam ya'atë xëëw ya'atë jëmëjt may yë ja'ay kye'eky jyëtity, mëti'ipë mëtuuntëpën ko ja wyintsën wyintaj tkamëj'ixtë.

Génesis 34:6

Yë Hamor tëë ënety nyijkxy ma ja Jacob ja jyëën tyëjkën ets tmëëtmëtya'aka'any.

1 Reyes 12:16

Ko ja Israel ja'ayëty t'ijxtë ko ja yajkutujkpë ka'ap të myëjpëjkta'akëtë, ënät t'ëtsoowtë: Ëëtsëty nitii jotmayës nkamëët'atë mëët yë David. Ka'ap yam n'ëna'anmëty ënät ja kyuma'ayën t'ëk yajwa'kxa'any mëët ëëtsajtëm tääpë Jesé myaank. Nëjkxta'atë ma mtëjkëtyën miitsëty Israel ja'ayëty. David wä'än yi'iyë tkëwent'aty, mëti'ipë jyiiky'äjtyp myëku'uk'ajtypyën. Tä ënätyë nyëjkxtaaytyë ja Israel ja'ayëty ma tyëjkëtyën.

2 Samuel 20:1

Ojts jam tu'uk yë ja'ay jyuuky'äty mëti'ipë ëxëëk ja jyot wyinma'anyën, ma Benjamín yë jyä'äyën; jä'ä xyëëwajtyp Sebá, yë'ë y'u'unk yë Bicri jam ënety näjyëtu'un yajpatpë Guilgal. Ënet ojts tëkok ja mayjyä'äy t'ëxëëk winkajpxë ets t'ënëmaay: Ëëtsajtëm, ka'ap nimaa ntuk'oy'ajtëm ko yë David yë'ë yaa y'ëne'emy ëkë yajkutuky, mëti'ipë yë Jesé myaank'ajtypyën, paaty yam miitsëty n'ënëëmëtë: Nikë nëjkxta'atë ma mjëën mtëjkëtyën.

Jueces 9:26

Tu'kxëëw tu'kjëmëjt tu'uk yë ja'ay mëti'ipë xyëëwajtypyën Gáal, ojts nyijkxy jam Siquem ets ja myëku'uktëjk tku'ixëja'any, ko jam jyä'äjty ojts ja jyä'äy tpaaty mëti'ipë mëët nyäy'oyjyawëtyën.

Génesis 33:19

Ënet jam tu'uk tjuuy ja naax kam, jä'ä tsyoowpaty mëko'px ja nyimeeny, mëti'ipë tukmëto'kën ja y'u'unk y'ëna'këty ja Hamor, yë Siquem yë tyeety, jam ja wyittëjk ojts tkojy.

Jueces 9:41

Yë Abimélec jam ojts wyi'imy Arumá, e yë Zebul ojts jam Siquem t'ëxwopy ja Gáal mëët tëkokyë ja myëku'uktëjk.