Jueces 9:27 - Biblia Dc en Mixe de Quetzaltepec

²⁷ Ënet ojts tsyoontë tsatsym tyujkpë ets ja tsatym nyëë tyaj'o'oyëtyë, mëj tnixëëwtuuntyë ets y'uktë myukëtë; kyääytyë pyëjktë ma ja Baal ja tsyajptëjkën ets tpojktë ja Abimélec.

Biblia Mixe de Quetzaltepec

²⁷ Ënät ojts tsyoontë tsatsym tyujkpë ets ja tsatym nyëë tyaj'o'oyëtyë, mëj tnixëëwtuuntyë ets y'uktë myukëtë; kyääytyë pyëjktë ma ja Baal ja tsyajptëjkën ets tpojktë ja Abimélec.

Jueces 9:27 ပူးပေါင်းရင်းမြစ်များ

Salmos 109:17

Mëët ko yë'ë ojts tsojkën'aty yë näpyokë, wä'än ënät näjyëtu'un tyajpoky. Ka'ap tsojkën'ajty ja näkyënu'kxë, paaty wä'än tyajpoky.

Éxodo 32:19

Ko yë Moisés jam jyä'äjty ma Israel ja'ayëtyën, ënät t'ijxy ja awinax mëti'ipë ënety të tyajkojtën, jëtu'unpë kyëxë'ëkyën tä tsajpkaajën ets ja mayjyä'äy tjantywyin'äts tjantywyimputë; yë Moisés yajxon jyänty joot'anpëjky ets tnajtsjëpijpëy ja tsaatsetsy, mëti'ipë aak tsaajën mäjtskëty ojts tukpu'ujëtyääy jam kopk'ëjxm.

Éxodo 32:6

Ko kyomjëpom'ajty, janty ju'unëm ojts myä'äypyëtë'kojtë ets ja wintsë'kën ojts tkë'ëyajkojtë, kanaak tyajnitooytyë ja jëyujk, tuntë jëtu'un ja nämyë''ëëw'oy näymyëkajpx'oyë, wäänë y'ijty tä ojts ja mayjyä'äy tyëkëtë kääpyë ukpë. Ko jëtu'un y'ëkkaaytyääy y'ëk'uktaaytyë tääts tyëjkëtyë äjtspë pujtpë.

Jeremias 25:30

Mijts Jeremías, wa'ats xynyimëtyakta'ajëty ma yë'ëjëtyën tëkokyë mëti'ipë mmëtoopyën. Jëtu'un xy'ënëëmëty: Jëtu'un yë Wintsën jam këjxm yë y'aaw y'ayuk tyajmëtoyë ënääwën, jam ma y'ijtaknën kënu'kxypyë ets tmëkäjpxy ja y'u'unk y'ëna'k mëk, jëtu'un tä yë ja'ay mëk kyajpxtën mëti'ipë tsatym wyintä'äntëpën ets tukmëtoy ni'ëmukë ja naaxwiinyëtë ja'ay.

Daniel 5:23

Mijts, je'eyë xynyëxi'iky xytyukxi'iky yë Wintsën tsajpjotmëpë yajpaatyën, tëë xynyikäxë ja tsim texy mëti'ipë aak pu'ts pujxn mëët y'oytyunyëtyën jampë ijty yajpaatyën ma tsajptëjkën ets jap yë m'uuky të xy'atämëtë ets të xy'ëwtatë ja wiinkëtypë ja tios mëti'ipë oytyunyën mëët yë pu'ts pujxn, poop pujxn, tsuxkpujxn, juunpujxn ets kepy tsaa; tios ka'apë myëtowtën ets ka'apë tii tnijawëtën. E ka'ap ja Dios të xywyinkutsë'ëkë mijts yajkutujkpë mëti'ipë myajjuuky'ajtëpën ets mëti'ipë mtuktuunëpën winë.

Oseas 7:14

Oy janty mëk jyayajmëtoy xymyëkajpxtës ko jam yajpaatë wyiity myaapäjnkëjxm, yë'ëjëty ka'ap winë aaw winëjot xymyëkajpxtës. Ko t'amëtowa'antë yë tsajpmok ets tsatym nyëë tëëpë nyimaanaxyën, yajtsëtyujtëp yë nyini'kxëty ma wiink tiosën; tääts xykyäjpxy kumëtoownaxtës.

Jueces 16:23

Ja kutuunktëjkëty ets ja mëjja'aytyëjk mëti'ipë ënety jam yajpatëpën ma ja filistejë kajpnën ojts nyäwyoowmukëtë ets tnixëëwtuna'antë ko ënety të myëta'aktë. Ma ja xëëw tuntën yajxon ojts y'ätstë ja mayjyä'äy ets ja wyintsë'kën tmooytyë ja tyios Dagón. Ënet t'ëëwtë ya'atë ëy: Yë ntios'ajtëm Dagón yë'ë të tkë'ëyäky yë Sansón ma ëëtsajtëmën, mëti'ipë ënety xymyëtsip'ajtëmën.

Jueces 8:33

Ko yë Gedeón ojts y'o'knë, yë Israel ja'ayëty ojts t'ëxmatstë jatëkok yë Wintsën ets tpanëjkxtëjkëtyë ja wiink tios mëti'ipë yajtijpën Baal; yë'ë ojts twin'ixtë t'ëwtata'antë tu'uk awinax mëti'ipë tyijtëpën Baal-berit.

Jueces 9:26

Tu'kxëëw tu'kjëmëjt tu'uk yë ja'ay mëti'ipë xyëëwajtypyën Gáal, ojts nyijkxy jam Siquem ets ja myëku'uktëjk tku'ixëja'any, ko jam jyä'äjty ojts ja jyä'äy tpaaty mëti'ipë mëët nyäy'oyjyawëtyën.

Jueces 9:4

Jap tju'të tëkë'px majk yë poop pujxn meeny tsajptëkoty ma Baal-berit yë tsyajptëjkën ets tmooytyë yë Abimélec. Mëët ya'atë meeny yë'ë ojts yë Abimélec tukmëjuy yë ja'ayëty mëti'ipë ënety yi'iyë tyuunk'ajtëpën yë yajja'ay'o'k ets t'ënëmaay ets pyanëjkxëtëty. Ënet ya'atë ja'ayëty ojts tjanty pyatsoontë ja Abimélec.

Jueces 9:46

Ko ja ja'ayëty tnijawëty mëti'ipë jam tsënaaytyëpën Migdal-siquem wi'ix ënety ja Abimélec të y'ëti'itsyën, ënät kyäktaaytyë jam ma ja mëjpotsyën ma ja tsyajptëjkën ja El-berit ets jap nyäyu'tstaayëtë.

1 Samuel 17:43

je'eyë t'ënëmaay: ¿TI wi'ixës xy'ixy, ukënë, paatyës xynyiminy mëët yë kepyë? Ets ojts tpoky ja David mëët ja kyë'ëmtios xyëëwkëjxm.