Jueces 8:27 - Biblia Dc en Mixe de Quetzaltepec

²⁷ Mëët tääpë pu'ts pujxn mëti'ipë yë Gedeón ënety të tyajmukyën, yë'ë mëët t'oytyuuny tu'uk yë teety wyit mëti'ipë jam pyëjktakën Ofrá, ma kyukajpnëtyën; mëët ya'atë Efod mëti'ipë aak pu'ts pujxnën, yë Israel ja'ayëty ka'ap ojts oy yë Wintsën tmëtuntë, je'eyë ojts nëkoo tyajtsipta'aktë ja Gedeón ja y'u'unk tyo'oxytyëjk.

Biblia Mixe de Quetzaltepec

²⁷ Mëët tääpë pu'ts pujxn mëti'ipë yë Gedeón ënäty të tyajmukyën, yë'ë mëët t'oytyuuny tu'uk yë teety wyit mëti'ipë jam pyëjktakën Ofrá, ma kyukajpnëtyën; mëët ya'atë Efod mëti'ipë aak pu'ts pujxnën, yë Israel ja'ayëty ka'ap ojts oy yë Wintsën tmëtuntë, je'eyë ojts nëkoo tyajtsipta'aktë ja Gedeón ja y'u'unk tyo'oxytyëjk.

Jueces 8:27 ပူးပေါင်းရင်းမြစ်များ

Salmos 106:35

Ni'ikyë ojts mëët nyäxyëpiinënëtë ja ja'ayëty ka'apë ja Dios t'ëwtatën, ets ojts tyukjajtënëtë ja y'ëxëëktu'un y'ëxëëk kajpxënëty;

Salmos 106:39

Yë'ëjëty ojts nyäyaj'ëxëëkëtë, mëët ja y'ëxëëktu'un y'ëxëëk kajpxën.

Salmos 73:27

Mëti'ipë mijts mëjëkämkäkëpën, kopkpëky ko nëjkx y'ooktë; myajkutëkoyäämpy yë ja'ay mëti'ipë ka'ap oy mmëmëtoyën.

Éxodo 23:33

Yë tyiosëty këtii jam xy'ijxta'aktëty ma mkajpnën këtiipë myajpokytyunëtëty maas ëjtsën, jä'ä ko mijts tsojk xy'ëk'ëwtajtnëty ets nëjkx yë'ë myajtu'utëkoyë.

Éxodo 32:4

ets t'ëxajëy ja pu'ts pujxn ets jap tyajwin'ë'tsy jëënjoty, yë'ë ojts mëët tyajkojy tu'uk yë awinax, jëtu'unpë kyëxë'ëkyën tä tsajpkaajën. Ënet ja mayjyä'äy y'ënaantaaytyë: Israel ja'ayëty, ya'atë jëtu'un mwintsën'ajtëp, mëti'ipë ojts jap mjuutëtën Egiptë.

Éxodo 34:16

Ets ni yë'ë mëpaat tkayajpëk tkayaj'uuktë yë nyëëxëty mëët mijts yë mmaankëty, jä'ä ko ënety tuntë tkajpxtë ja ëxëëkpë jam ma ja wyintsënëty t'ëwtatën, tsojk näjyëtu'un ja m'u'unkëty y'ëtëtsta'aktëty.

Isaías 8:20

Wä'än jëtää jëtu'un y'ëna'antëty, je'eyëp ko ja mëti'ipë ënety nyikajpxtëpën, aakjä'ä ka'apë tyunëtyën.

Ezequiel 7:20

Ko të t'oy'ixtë kë'ëjiits kë'ëjän tääts mëj këjxm të nyäpyëjkta'akëtë ets yë'ë të tuk'oytyuntë ëxëëkpë y'awinaxëty. Paatykyëjxm nyaj'awinpitanëtës yë kyë'ëjän kyë'ëjiitsëty tä pu'uxmën.

Oseas 2:2

Jëtu'un yë Wintsën y'ënä'äny: Ojtë ya'axtë yë mtaakëty, win'ojtë yajxon, jä'ä ko yë'ë ka'apës nëk to'oxytyëjk'ajnë ets yë'ë nän ka'apës ëjts xy'ëkniye'etyëjk'ajnë. Ka'apës yë'ëjëty t'ëkmëëtsënaaynyë, etsës nän ka'apës n'ëk'ënanë tmëëtsëënëty. Koonëm t'ëxmatsëty ma tookyën yë jyot nyini'kx. Ets këtii nëkoo tyi'tsk t'ëktuk'akëëynyëty wiink ja'ay.

Oseas 3:4

Jä'ä ko yë Israel ja'ayëty jeky ka'ap tmëët'ata'antë yë kyutujkpëty ets mëti'ipë nikopk'atëtëp, ka'ap tyaka'antë wintsë'kën ets ka'ap t'ëwtata'antë ja tsaanipiy kënu'kxypyë, ka'ap tmëët'ata'antë yë teety wit ets awinax mëti'ipë tu'kjëën tu'ktëjk myëët'ajtëpën.

Deuteronomio 12:5

Ma miits yë mja'ayëtyën, yë Wintsën nëjkxëp twin'ixy tu'uk yë it naaxwiinyëtë ma nëjkx yaj'ëwtatyën, e miitsëty jam nëjkx mnëjkxtë.

Deuteronomio 7:16

E miitsëty tii tëy mtuntëp, myajkutëkooytya'atëp ja naax kajpn mëti'ipë ënety ja Dios kyë'ëyäjkpyën ma miitsëtyën, ninu'un xykyapa'ëyowtëty ets këtii yë wyintsën xy'ëwtajtëtëty, jä'ä ko yë'ë nëkoo je'eyë nëjkx myajtu'utëkoyëtë.

Deuteronomio 7:25

Nëjkxëp xynyino'kta'atë ja y'awinaxëty, mëti'ipë mëët ja pu'ts pujxn ets ja poop pujxn nyikoyëtyën. Ko xy'ixtëty jëtu'un, këtii xytyontëty ets xyjyä'ä'atantëpëty. Jä'ä ko yë Wintsën y'ëxëëk'ijxyp jëtu'unpë.

Jueces 17:5

Micaías myëët'ajtyp ijty tu'uk tëjk ma Dios t'ëwtatyën. Ojts tu'uk yë wit t'oytyuny mëti'ipë ja teety pyëjktaktëpën, kanaakpëky yë tios tyajmëjnajxy, tu'uk ja myaank tuknipëjky ets tyeety'atëty.

Jueces 18:14

Ënet ja nimëkoxpë ja ja'ayëty y'ënantë mëti'ipë ënety ojts të y'ixtë tyuntën jam Lais: ¿Mnija'awëtyëpë? ma ya'atë tëjkën tap tu'uk yë Efod yajpaaty ets kanaak yë tios, nän tap tu'uk yë kepy tsye'ëts mëti'ipë nikoyën mëët yë poop pujxn ¿Wi'ix mëpaat n'ëktu'unëmë?

Jueces 18:17

Ënet ja nimëkoxpë ja ja'ayëty tyëjkëtyë tëkoty mëti'ipë ënety të y'otstën ijxpë tuunpë ets tkoonkaktë ja kepy tsye'ëts mëti'ipë nikoyën mëët ja poop pujxn ets tpëjkäktë näjyëtu'un ja Efod, tääts ja tsaapotsyëty mëti'ipë ënety ja Micaías ja y'u'unk tyo'oxytyëjk myëët'ajtëpën ets wintsë'ëkë tyaj'itë, e ja teety jam y'ëwxity tëjk'ëkë'ëm mëët nitëtujk mëko'px ja tsiptuunpë.

Jueces 2:2

këtiipë mëët oy tii aaw tii ayuk xymyëët'atëty yë ja'ayëty mëti'ipë jam tsënaaytyëpën, ni'ikyë xyajkutëkooytya'atëty yë wyintsë'këntyaknëty. E miitsëty ka'apës xymyëmëtoowtë, wiinkjaty m'ëtëtstë.

Jueces 2:3

E paaty tyam n'ënëëmëtë ko ka'apës tääpë kajpn nyajpëtsëma'any ma miitsëtyën, yë'ëjëty mëët yë tyiosëty nëjkxëp m'atsipëtë.

Jueces 6:11

Paaty yë Wintsën yaa ja kyukäjpxy myiiny ets nyaaxwe'tsy jam xojpa'tkë'ëm ma txëëwatyën Ofrá ma ja Joás ja nyaaxjotën, yë Abiézer yë jyä'äy. Yë Gedeón yë myaank, yë Joás yë'ë ënety jam yë tsajpmok yajpajk'ajtyp ayu'utsy, ma ja ja'ay ja tsatym ijty twintääntën ets tyajkojtë ja tsatym nyëë, jä'äkyëjxm ënety jam ayu'utsy yajpaaty këtiipë ja Madián ja'ay y'ixëtëty.

Jueces 6:24

Tä yë Gedeón tu'uk yë wintsë'këntyakn jam t'oytyuuny mëti'ipë ja Wintsën tyukmëjja'awëyënën ets txëëwmooy: Yë Wintsën yë'ë jotkuj'ajtën'ajtp. Ya'atë wintsë'këntyakn yajpatp tyampaat jam Ofrá ma ja kajpnën mëti'ipë yë Eliézer yë jyä'äy nyitënaaytyëpën.

Jueces 8:26

Tu'kë'ëyë ja kë'ëjiits ko ojts yajkijpxy jä'ä pyëtsiimy majkmokx taxk tsim mëti'ipë aak pu'ts pujxnën, ëpëky ja maypyë mëti'ipë ka'ap pyu'tspujxnëtyën ets ja witëty tujkxyëty oyjyätyëtypë mëti'ipë ja yajkutujkpëtëjk ijty myëët'ajtëpën jampë yajkutujktën Madián ets näjyëtu'un ja yo'ktëyëty mëti'ipë jëyujk jëku'ux myëët'ajtëpën.

Jueces 8:28

Jëtu'un'äämpy yë Madián ja'ayëty ojts tmëtuntë yë Israel ja'ayëty ko myëmëtakëtë ets ka'ap ojts nijëna'a tii t'ëktuunëtë. Wëxtyikxy jëmëjt ojts yë Israel kajpn jotkujk y'ity mapaat jyuuky'äjtyën yë Gedeón.