Jueces 7:13 - Biblia Dc en Mixe de Quetzaltepec

¹³ Ko ja Gedeón tu'uk ja wit tëjk tmëwinkoony jam ma ënety ja myëtsiptëjk yajpaatën, ënät tmëtooy wi'ix tu'uk ja tsiptuunpë tnimëtyä'äkyën ja kyëma'ay ma ja myëku'ukën, jëtu'un y'ënä'äny: Tyaajës të nwinkuma'ay: tu'ukën yë tsajpkääky janty mëjpë mëti'ipë oytyunyën mëët yë tsajpmok të kyëpijptsoony jam jëkäm, e ko tu'uk ja wit tëjk të tukja'ty tëë tjijtë'ëky.

Biblia Mixe de Quetzaltepec

¹³ Ko ja Gedeón tu'uk ja wit tëjk tmëwinkoony jam ma ënäty ja myëtsiptëjk yajpaatën, ënät tmëtooy wi'ix tu'uk ja tsiptuunpë tnimëtyä'äkyën ja kyëma'ay ma ja myëku'ukën, jëtu'un y'ënä'äny: Tyaajës të nwinkuma'ay: tu'ukën yë tsajpkääky janty mëjpë mëti'ipë oytyunyën mëët yë tsajpmok të kyëpijptsoony jam jëkäm, e ko tu'uk ja wit tëjk të tukja'ty tëë tjijtë'ëky.

Jueces 7:13 ပူးပေါင်းရင်းမြစ်များ

1 Corintios 1:27

E tëë ja Dios wyinwitsëtë mëti'ipë yajtijtëpën tsuuja'ay yaa naaxwiiny ets tyajtsëtyu'unpaata'any ja ja'ayëty mëti'ipë nätyijëtëpën wijy kejy; ets tëë ja Dios twinwitsy ja mëti'ipë yajtijtëpën ëmaay paki'ix ets tyajtsëtyu'unpaata'any ja mëti'ipë nätyijëtëpën amëk jotmëk.

Jueces 3:15

Koonëm tmëpëjktsoowtë yë Dios ets ojts tu'uk jam pyëtsimy pën yajnitso'okëtëp. Ja ja'ay mëti'ipë ojts nyitsiptunëtën jä'ä xyëëwajt Ehud, anajny ijty tyony myätsy, yë'ë yë myaank yë Guerá, yë Benjamín yë jyä'äy. Tu'kxëëw tu'kjëmëjt ojts yë Israel ja'ayëty tkäxtë yë Ehud ma ja yajkutujkpë Eglónkën ets tmo'ojëty ja këpäjtën mëti'ipë ënety të tyajmuktën kyajpnjotyëty.

Jueces 3:31

Ja mëmäjtskpë ja ja'ay mëti'ipë ojts tnitsiptunyën ja Israel kajpn ets tsip'ixy jä'ä xyëëwajt Samgar, yë'ë myaank yë Anat, jä'ä tyaj'o'ky yë filistejë ja'ay nitëtujk mëko'px mëët tu'uk yë krukts'apajk. Samgar ojts näjyëtu'un tyajtso'oky yë Israel ja'ayëty.

Jueces 4:21

Ja Sísara yajxon ënety y'ënu'kxënyë, paaty ënätyë myaanajxy. Ënet yë Jael ojts tu'uk yë kepy tkajppë'ëky jëtu'un yaj'ixy tä nipntajkën ets tu'uk yë pujxnkuwojpën ets tmëwinkoony ja Sísara ame'tsyë ma ënety jam myä'äyën, ënät tukkuwojpë'ky ja kepyjyëjpxu'uny ets tuknaaxkuwojpëy mëët ja pujxnkuwojpën. Jëtu'un'äämpy ojts tyaj'ooky ja Sísara.

Jueces 4:9

Oy nja'amëty, jëtu'un y'ëtsooy ja Débora. Yë'ë tëy mnijawëp ko ënät nmëtakmëty ma ya'atë tsipën, ka'ap myijtsëty xytyukmëjnaxa'any, jä'ä ko yë Sísara yë'ë yaj'ookanëp tu'uk yë to'oxytyëjk. Ënet tsyo'ony ja Débora mëët yë Barac ets ojts nyëjkxtë jam Quedes.

Jueces 6:15

Ënet ja Gedeón y'ëtsowkojnëpë: Wintsën mëpaat xy'ëknamä'kxëty, oy yam winë nyajtëwa'any. ¿Wi'ixës n'ëknijawëty ko ëjts nyajtso'okäämpy yë Israel ja'ayëty? Ma yë Manasés yë jyä'äyën, ëjts ni'ik yajpatp ëyoopëja'ay ets niwäänë ëëts ntu'kjëën'at ntu'ktëjk'atë ets maas yë njëën ntëjkën ëjts ni'ik timmutsk.

Jueces 7:12

E ja Madián ja'ayëty, Amalec ja'ayëty ets tëkokyë jënu'un ënety jam tsyoontën xëëwpëtsëmtsyow ets të nyäpyëkëtë, tu'ukyë ënety jam joyjyotm të nyäpyëjkta'akëtë tä yë poomxots tyajwintukyën muum yë kam tu'u ko kyëtyeyä'äny. Yajxon ënety myäy'ajnë ja jëyujk jëku'ux, jëtu'un tä nëë'ajinën.

Jueces 7:14

Ets ja myëku'uk y'ëtsoowë: Tääpë yë'ë nyikäjpxyp yë Gedeón yë yenypyujxn, yë Joás yë myaank, yë Israel ja'ay. Yë Dios tëë kyë'ëyakëtë yë Madián ja'ayëty mëët tëkokyë yë wyitëjkëty ets jyëyujk tsyajpkaajëty ma Gedeónkën.

Jueces 8:10

Yë Zébah ets Zalmuná jam ënety yajpaatë ma tu'uk yë it naaxwiinyëtë txëëwatyën Carcor mëët nimajkmokx mil ja jyä'äy. Tääpë nimajkmokx milpë yë tsiptuunpëtëjkëty, yi'iyë ënety jaakwë'ëmtëp jampë xëëwpëtsëmtsyow yajpaatën. Jä'ä ko tëë ënety nimay y'o'knëtë, jä'ä nyiwinë'atë i'px mil.