Jueces 6:39 - Biblia Dc en Mixe de Quetzaltepec

³⁹ Ënet ja Gedeón ojts y'ënaankojnëpë: Wintsën këtii m'ëk joot'anpëkëty oy yam ya'atë xi'itë n'ëkyajtëy: Tu'kjëjpyës yam je'eyë ja nija'awën njaaktsoky. Tyam yë'ë mtunëp, ja naax jä'ä myajxookëp ets ja kupixyny'ak ka'ap xyajxookëty.

Biblia Mixe de Quetzaltepec

³⁹ Ënät ja Gedeón ojts y'ënaankojnëpë: Wintsën këtii m'ëk joot'anpëkëty oy yam ya'atë xi'itë n'ëkyajtëy: Tu'kjëjpyës yam je'eyë ja nija'awën njaaktsoky. Tyam yë'ë mtunëp, ja naax jä'ä myajxookëp ets ja kupixyny'ak ka'ap xyajxookëty.

Jueces 6:39 ပူးပေါင်းရင်းမြစ်များ

Génesis 18:30

Ënet ja Abraham tjaakmënu'kxtä'äky ja Wintsën ets t'ënëmaay: Wintsën këtiis xytyukjoot'anpëkëty oy yam mijts jëtu'un n'ëkyajjotkëxy. Wä'änxyëp jëtää jap je'eyë xypyaatëty yë wa'ats ja'aytyëjk ni''i'px majkën. Tä ja Dios y'ënëmaaykyojënëpë: Pën janty jap ni''i'px majkën npokymyä'kxëpës yë naax kajpn.

Génesis 18:32

Ënet ja Abraham y'ënaankojnëpë: Tunë mëyajtën Wintsën, këtii m'äkëtëty mëët ëjts. Yi'iyës tyaapë njaakajpxäämpy ets täätsës n'ëmonëty. ¿Tii mtunäämpy ko xypyaatëty je'eyë nimajk yë wa'ats ja'aytyëjk? Ënet yë Dios y'ëtsooy: Koojës nimajk mpaatëty ka'apës yë naax kajpn nyajkutëkoyëty.

Isaías 50:2

¿Tii ko ka'ap pën npatyës koos ojts njaminy? ¿Tii ko ka'ap pën y'ëtsooy koos ojts njamëkäjpxy? ¿Jëtu'un m'ënantë ko ka'apës xymyäy pën nyajtso'okëtyës? ¿Jëtu'un m'ënantë ko ka'apës xymyäy pën nyaj'ëwaatsëpëtsëmëtyës? Ëjts tu'k aaw je'eyë nkäjpxyës tääts ja mëjmejy tsyi'itsy, ja mëjnëë y'awinpity të'ëts'itjot ets ja nëë jëyujk tyëëtsë o'kta'atë ëkë pyutsnëtë ko ka'ap ja nëë.

Mateo 21:43

Paaty miits n'ënëëmëtë: Myajpëjkëjantëp ja tsajpjotmëtë kuttujkën ets yë'ë yajmo'oja'antë ja kajpn mëti'ipë ja pëjktä'äky oy yajpëtë'ëkëpën.

Mateo 8:12

E mëti'ipë japaat'ajtëtëp jeexyë yajpaatë ma ja kyutujktaknën, nëjkxëp yajpëjkta'aktë akootstuuy tëja'p. Tääts tyëkëtëty jëëpyë yaxpë ets ka'ap nëjkx tmëmëta'aktë.

Hechos 13:46

Ënet ja Pablo ets ja Bernabé ojts ja ja'ay amëk jotmëk tmëkajpxtë ets t'ënëmaaytyë: Israel ja'ayëty, kopkpëky ets miits ja Dios ja y'aaw y'ayuk jëwyiin myajtuk'ëwaanëtëty, jä'ä ko miits mjutiis'atë; e miitsëty ka'ap xykyupëktë ets ka'ap mnätyukmë'a'ixëtë ja juukyajtën xëmëkyëjxmëpë. Nikë oy ëëts nëjkxëty wiink kajpn ma ja ja'ayëtyën ka'apë jyutiis'atën.

Hechos 22:21

Täätsës ja Wintsën xynyëmaay: Nëjkx, jam mijts nkäxa'any jëkäm ma ja ja'ay ka'apë jyutiis'atën.

Hechos 28:28

Tääts ja Pablo jyaak'ënany: Yë'ë mnijawëtëp, ko tyam ets jëtu'un tyu'uye'eyä'äny yë xëëw jëmëjt, ja Dios ja nyitsokën yë'ë yajmo'ojantëp ja ja'ayëty ka'apë jyutiis'atën, jä'ä ko yë'ëjëty mëtoowtëp yë'ëjëty.

Jueces 6:38

E jëtu'un ojts jyänty tyuny jyänty jyätyë tä ënety të tpëjktsoyën. Ko ja Gedeón komjëpom myä'äypyëti'ky ënät ojts tninëjkxy ja kupixyny'ak ets twinma'tsy, tu'k'a'ukën tyajpëtsëëmy ja maanik nëë.

Jueces 6:40

Jä'ä tsu'um yë Wintsën ojts tjantytyuny tä ënety yë Gedeón të tpëjktsoyën. Komjëpom ko ja Gedeón ojts tninëjkxy ja kupixyny'ak, ja kupixyny'ak të'ëts ënety yajpaaty, e ja naax xook mëët ja maanik.