Jueces 6:30 - Biblia Dc en Mixe de Quetzaltepec

³⁰ Yajpëtsëm mmaank wä'änës nyaj'ooktë. Jä'ä ko tëë yë Baal yë wyintsë'këntyakn tjijtë'kë ets näjyëtu'un ja kënu'kxykyepy mëti'ipë pa'atënaayëpën winkon ma wyintsë'këntyaknën.

Biblia Mixe de Quetzaltepec

³⁰ Yajpëtsëm mmaank wä'änës nyaj'ooktë. Jä'ä ko tëë yë Baal yë wyintsë'këntyakn tjijtë'kë ets näjyëtu'un ja kënu'kxykyepy mëti'ipë pa'atënaayëpën winkon ma wyintsë'këntyaknën.

Jueces 6:30 ပူးပေါင်းရင်းမြစ်များ

Filipenses 3:6

Mëkës ijty näjyawëty tii nmëpëky, yë'ëpaat ijty n'ëxëëk'ixyës ets n'ixjëtity npajëtiyës mëti'ipë ja Jesús myëpëjktëpën. Ka'ap ijty ëjts nyajmëyätyës ets pën ja Moisés ja y'ënä'ämën xytyukmëmëtya'akëtyës koos nkapatuny.

Hechos 26:9

Ëjtspaat ijty jëtu'un nwinmay ets nyajkutëkoyä'änyës ja Jesús Nazaretëtë ja y'oyajtën.

Juan 16:2

Nëjkxëp myaj'ixkäxtë jap tsajptëkoty ets nëjkxëp ja'ay myaj'ookëtë ets jëtu'un nëjkx myäytyë tyajtë ko Dios myëtuuntëp.

Jeremias 50:38

Wä'än tsipaatë ja nyëëjotëty, wä'än tëtsta'ay yë myëj nëëjëty. Jä'ä ko yë Babilonyë yi'iyë y'ëwtatyp yë awinax ëxëëkpë, paaty të tyajtëkoy yë jyot wyinma'any.

Jeremias 26:11

Ënet ja teetytyëjkëty, ja käjpxynyajxpëtëjkëty ets ja mayjyä'äyëty ojts t'ënëëmëtë ja kopktëjkëty mëj'äämpyë y'itën ma ja kajpnën: Tyaapë ja'ay, patëp y'ookëty, jä'ä ko tëkatsy të tnikäjpxy yë naax kajpn. Miitsëty tëë wa'ats xymyëtowtë mëët yë mkopk mtatskëty.

Jueces 6:29

Xim yam ja ja'ayëty nyäyajtëëwëtë ets nyäy'ëna'anëtë: ¿Pën jëtää jëtu'un të y'ëti'itsy? Ko yajxon t'ixtaaytyääytyë ets nyäyajtëëwëtë xim yam, ënät ojts ok tnijawëtë ko yë'ë Gedeón ënety të y'ëti'itsy, yë Joás yë myaank. Ënet ojts nyëjkxtë jam ma ja Joás ja tyëjkën ets t'ënëmaaytyë:

Jueces 6:31

E ja Joás ënät t'ëtsooy ja ja'ayëty mëti'ipë të myintën: ¿Miits mkuwa'anantëp yë Baal ets yë'ë mnitsiptunantëpë? Jëyëjp mëpaat y'ooky yë ja'ay mëti'ipë kyuwa'anäämpyën yë Baal naamka'anëm xyiinyë. Pën Baal yë'ë Tios'ajtp, ëxmatstë, wä'än kë'ëm näkyuwa'anyë, jä'ä ko yë'ë ja wyintsë'këntyakn të yajijtë'ëky.