Jueces 6:25 - Biblia Dc en Mixe de Quetzaltepec

²⁵ Jä'ä tsu'um ojts yë Wintsën t'ënëëmë yë Gedeón: Amëtow yë mteety tu'uk yë tsajpkaa ets xyaj'ookëty, ja mëmäjtskpë mëti'ipë wëxtujk yë jyëmëjtën ets xyjyijtë'ëkëty yë Baal yë wyintsë'këntyakn mëti'ipë yë mteety myëët'ajtypyën. Pujxë'ëk näjyëtu'un ja jampë ja kepy tyänën winkon ma Baal yë wyintsë'këntyaknën, mëti'ipë tyijtëpën ko kyënu'kxyëty.

Biblia Mixe de Quetzaltepec

²⁵ Jä'ä tsu'um ojts yë Wintsën t'ënëëmë yë Gedeón: Amëtow yë mteety tu'uk yë tsajpkaa ets xyaj'ookëty, ja mëmäjtskpë mëti'ipë wëxtujk yë jyëmëjtën ets xyjyijtë'ëkëty yë Baal yë wyintsë'këntyakn mëti'ipë yë mteety myëët'ajtypyën. Pujxë'ëk näjyëtu'un ja jampë ja kepy tyänën winkon ma Baal yë wyintsë'këntyaknën, mëti'ipë tyijtëpën ko kyënu'kxyëty.

Jueces 6:25 ပူးပေါင်းရင်းမြစ်များ

Jueces 3:7

Yë Israel ja'ayëty ka'ap ojts winë oy tuntë tkajpxtë Dios wintum ojts ja Wintsën tja'atyëkooynyëtë ets ojts t'ëwtajnëtë ja Baal ja y'awinax ets ja Astarté ja y'awinax.

Éxodo 34:13

Ni'ikyë xyjyijtë'kta'atëty yë wyintsë'këntyakn ets xyajma'ta'atëty yë tsyaapotsy ets kepy tyetsy.

Hechos 5:29

Tääts ja Pedro y'ëtsooy mëët ja myëku'uktëjk: Yë'ë ëëts xypyatëp ets ja Dios nmëmëtowtëtyës, këtiinëm ja ja'ay.

Mateo 10:37

Pën ja tyaak tyeety wäänëni'ik tsyojkpy këtiinëm ëjts, ka'ap pyaat'atyë etsës nja'ay'atëty; ets pën ja nyëëx ets ja myaank ni'ik tsyojkpy këtiinëm ëjts, ka'ap pyaat'atyë etsës nja'ay'atëty.

Mateo 6:24

Ka'ap pën myëta'akëty, nimäjtsk ja wintsën tmëtunëty. Jä'ä ko tu'uk nëjkx t'oyjyawë ets tu'uk ka'ap, tu'uk nëjkx tmëjpëjktä'äky ets tu'uk ka'ap. Näyjyëtu'un miitsëty, ka'ap tjëkyepy yë Dios xymyëtuntëty ets näjyëtu'un mkumeeny'atantëpëty.

1 Reyes 18:21

Tä ja Elías tmëwinkoony ja naax kajpn ets y'ënäny: ¿Jëna'apaat jëtu'un miitsëty ya'atë jëtu'unpë xytyuunk'ata'antë jëtu'un tä jeexyë je'eyë m'ëyë'ëktën mkëyätën ma xy'ixtën mëjpë mutskpë? Tyam yajxon n'ënëëmëtë, pën yë Wintsën yë'ë mëj ets janty mëtëy ko Tyiosëty panëjkxtëkëtë yë'ë, e pën yë Baal yë'ëts mëj oy yë'ë xypyanëjkxtëkëtëty. Ja naax kajpn nitii ayuk tkapaty.

Hechos 4:19

Tääts ja Pedro ets ja Juan y'ëtsoowtë: Miits kë'ëm yajxon ëkwinmay ëkwintajtë pën paat'ajtëp Dios wyintuuy ko miits myajmëmëtowtëty ets Dios ka'ap.

Salmos 101:2

Ëjts tëy tëtä'äkyës njuuky'ata'any. ¿Jëna'ajës xynyimina'any? Oy winë ntuna'any nkajpxa'anyës maas nyajkutukyën.

Job 22:23

Pën mijts yu'unk naxym mnäypyëjktä'äkyë ma yë'ëjën ets mwinpijtp ma ja mëti'ipë maaytyääyëpën winë ets myajjëwä'kpy yë ëxëëkpë ma mjëën mtëjkën,

Deuteronomio 7:5

Yë'ë mtuntëp, tukjijtëtya'atë tukpu'ujëtya'atë yë wyintsë'këntyaknëty, yë tsaa, yë kepy tsyetsy ets awinaxy mëti'ipë y'ëwtajtëpën; yajkutëkooytya'atë yë tsaa, kepy mëti'ipë y'ëwtajtëpën ets nino'ktaayëtë y'awinaxëty.

Génesis 35:2

Ënet ja Jacob ja y'u'unk y'ëna'k t'ënëmaay ets tu'kë'ëyë jënu'un ënety mëët tsyëënën jyuuky'ätyën: Yajpëtsëmtë tu'kë'ëyë jënu'un xytyijtën Dios ets ka'apë tiosëtyën, tsi'iwtë xëtstë ets jääntëkatstë yë mwitëty mtujkxyëty.

Jueces 2:11

Ja yu'unënëty kyajpxënëty ja Israel ja'ayëty wiink ojts ja Dios t'ixy, jä'ä ko ojts wiink ja tios tpanëjkxtëjkënyëtë mëti'ipë tyijtëpën Baal.

Jueces 6:26

E ma ënety jam tääpë Baal yë wyintsë'këntyakn xyjyityën, yë'ë jam mkojëp tu'uk yë mWintsën yë wyintsë'këntyakn. Ënet ja tsajpkaa xyaj'ookëty ja mëmäjtskpë etsës ëjts xytyukwintsë'ëkëty nino'oky nixämy. Yë'ë nëjkx xytyukjëënapëkë ja ja'axy jampë xypyujxpëtsëmyën ma ja kepyën mëti'ipë të xypyujxkëtayën jam Baal wyintuuy mëti'ipë tyijtëpën wa'ats.