Jueces 6:17 - Biblia Dc en Mixe de Quetzaltepec

¹⁷ Ënet ja Gedeón y'ëtsooy: Pën xy'oyjya'apës, tuk'ijxkës wi'ixës mëpaat nijawën pën mëët nmëtyä'äkyës.

Biblia Mixe de Quetzaltepec

¹⁷ Ënät ja Gedeón y'ëtsooy: Pën xy'oyjya'apës, tuk'ijxkës wi'ixës mëpaat nijawën pën mëët nmëtyä'äkyës.

Jueces 6:17 ပူးပေါင်းရင်းမြစ်များ

Isaías 7:11

Amëtow yë mWintsën ets tyaj'ixëtëty yë myëj'ajtën, yë'ë mtuk'ixëp ko myëët'ajtyp yë mëk'ajtën tsajpkëjxm ets naaxpa'tkë'p.

Salmos 86:17

Yak tu'uk yë ijxpäjtën mëti'ipë yajtuk'ixëpën ko oy mTios'aty, e ko jëtu'un yaj'ixëty, tääts nëjkx tsyëyu'unpaatë ja'ayëty mëti'ipës xy'ëxëëk'ijxtëpën. Mijts Wintsën, mijtsës xymyoopy yë putëjk pupäjtën, ets mijtsës näjyëtu'un xymyoopy yë jotkujk'ajtën.

Éxodo 33:13

E pën janty tëy m'ëna'any, tuknija'awëkës tii mtuknipëjktakëp etsës akujk jotkujk nwë'ëmëty, jëtu'un mijts xëmë ntuk'ijxpätëty, yë'ë ëkmëmay ëkmëtaj, ko ya'atë naax kajpn mijts yë mjä'ä.

Éxodo 33:16

Jä'ä ko pën mijts ka'ap mnëjkxy mëët ëëtsëty ¿wi'ix jëtu'un yë käjpxy y'ëna'anëty, ko ya'atë kajpn yë'ë mëët myëtyä'äky yë mputëjk mpupäjtën? Jä'ä ko ya'atë kajpn paaty jëtu'un tëkatsy yajtijtë ma wiinkëtypë kajpnën, jä'ä ko mijts myajTios'aty.

Jueces 6:18

Tun yë mëyajtën yaa ëwxit nëjkxës n'ukyajtsoony tu'uk yë ayajk ako'onën mëti'ipë yam mijts nmo'ojäämpyën. Tääts ja Wintsën ja kyukäjpxy y'ëtsoowë: Oy tyaas n'ëwxity.

1 Reyes 13:3

Jä'ä xëëw ja käjpxynyajxpë ojts tu'uk ja mëj'ajtën tyaj'ixyë ets y'ënäny: Ya'atë mëj'ajtën jëtu'un yë Wintsën yaj'ijxëp: Ko ya'atë wintsë'këntyakn piw nuuk jyajta'ajëty ets ja nyijaam jëtu'unyë pyojwa'kxta'ajëty.